পোন প্ৰথমবাৰৰ বড়ো জনগোষ্ঠীৰ এগৰাকী ছাত্ৰীয়ে প্ৰধানমন্ত্ৰীৰ গৱেষণা জলপানি(PMRF) লাভ কৰি বাক্সা জিলাৰ লগতে সমগ্ৰ বিটিআৰ অঞ্চললৈ গৌৰৱ কঢ়িয়াই আনিছে ৷ বাক্সা জিলাৰ শিমলাৰ গৱেষিকা ছাত্ৰী উজিনী দেৱী দৈমাৰীয়ে প্ৰধানমন্ত্ৰীৰ গৱেষণা জলপানি লাভ কৰি এই সফলতা অৰ্জন কৰিবলৈ সক্ষম হৈছে ৷ ভাৰতীয় প্ৰযুক্তিবিদ্যা প্ৰতিষ্ঠান, গুৱাহাটীৰ জৈৱবিজ্ঞান আৰু জৈৱআভিযান্ত্ৰিক বিভাগৰ ছাত্ৰী উজিনীয়ে “কেঞ্চাৰ বায়লজী” শীৰ্ষক গৱেষণাৰ বাবে এই জলপানি লাভ কৰিছে।প্ৰধানমন্ত্ৰীৰ এই গৱেষণা জলপানিত গৱেষিকা ছাত্ৰী গৰাকীয়ে প্ৰায় ৫০ লাখ টকাৰ জলপানি হিচাপে লাভ কৰিব ৷ সম্প্ৰতি গৱেষিকা ছাত্ৰী গৰাকীয়ে উত্তৰ-পূৰ্বাঞ্চলত ব্যাপকৰূপত দেখা দিয়া মুখমণ্ডলৰ কৰ্কট ৰোগৰ বিষয়ে গৱেষণা চলাই তাৰ নতুন চিকিৎসাবিধি সম্পৰ্কে গৱেষণা অব্যাহত ৰাখিছে ৷ অধ্যাপক অজয় কুমাৰ বি কুন্নুমাক্ৰাৰ তত্বাৱধানত গৱেষণা কৰি থকা উজিনী বাক্সা জিলাৰ শালবাৰী মহকুমাৰ অন্তৰ্গত শিমলাৰ ৰতন সিং দৈমাৰী আৰু বেলি দেৱী চৌধুৰীৰ কন্যা তথা চাপাগুৰি বিধানসভা সমষ্টিৰ প্ৰাক্তন বিধায়ক থানেশ্বৰ বসুমতাৰীৰ ভাগিনীয়েক৷
Trending
- ৰূপহীত বিশ্ব ৰেডিঅ’ দিৱস উদযাপন শিল্পী মিলেশ্বৰ ডেকালৈ লোকশিল্পী -২০২৫ বঁটা প্ৰদান
- অসম আৰু উত্তৰ পূৰ্বাঞ্চলত টপচেম এচ ডি চি এফ টি আৰ ++ চিমেন্ট মুকলি
- এন ই ফ’কাছৰ পদক্ষেপ, গুৱাহাটীত জলবায়ু পৰিবৰ্তন সম্পৰ্কীয় সন্মিলন
- DoHUA Minister Jayanta Mallabaruah Launches Online Building Permission System (OBPS) for Faster and Transparent Approvals
- সৰুসজাই ষ্টেডিয়ামত ঝুমইৰ বিনন্দিনী অনুষ্ঠানৰ প্ৰস্তুতিৰ পৰ্যালোচনা সাংস্কৃতিক মন্ত্রী বিমল বড়াৰ
- Nefocus initiative:climate change summit Held in Guwahati
- Strengthening Investor Awareness and Investor Protection in North East Region
- উত্তৰ পূৱ মণ্ডল আন্তঃবিশ্ববিদ্যালয় যুৱ মহোৎসৱত গিৰিজানন্দ চৌধুৰী বিশ্ববিদ্যালয়ৰ শিক্ষাৰ্থীৰ তিনিটাকৈ স্বৰ্ণ পদক লাভ
- অসমত বিনিয়োগকাৰীসকলৰ সজাগতা আৰু সুৰক্ষাক দৃঢ়কৰণ
- গোপাল জালানৰ অসুখী পৃথিৱীত সুখী হোৱাৰ বাসনা