বিমানকোঠত বহুমূলীয়া বস্তু ঘূৰাই পোৱাৰ আনন্দত আত্মহাৰা যাত্ৰী

0 207

বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানকোঠত নিজৰ হেৰুৱা মূল্যবান এপল লেপটপ আৰু আই ফোন ঘূৰাই পোৱাৰ আনন্দত আত্মহাৰা হৈ পৰিছে এজন যাত্ৰী। উল্লেখযোগ্য যে যোৱা সপ্তাহত এজন যাত্ৰীয়ে অজানিতে তেওঁৰ এপল লেপটপ আৰু আই ফোনটো পাৰ্কিং স্থানত ট্ৰ’লীৰ ওপৰতে এৰি থৈ যায়। দৈৱক্ৰমে সেই সময়ত পাৰ্কিং স্থানৰ ডিউটিত থকা কৰ্মচাৰীয়ে লেপটপটো বিমানকোঠৰ’ হেৰোৱা আৰু পোৱা’ বিভাগত জমা দিয়ে। পিছদিনা যাত্ৰীজনে আহি তেওঁৰ নিজৰ বস্তু জিন্মাত লয়। জিন্মাত লৈ তেওঁ মন্তব্য কৰে এই মূহুৰ্তটো মোৰ বাবে অতি আনন্দদায়ক! মই ভাবিছিলোঁ মোৰ মৰমৰ লেপটপটো আৰু আই ফোনটো ভৱিষ্যতে কেতিয়াও ঘূৰাই নাপাম। বিমানকোঠৰ নিৰাপত্তা ৰক্ষী সকলক বহুত বহুত ধন্যবাদ। আজি গৰ্ব কৰি মই ক’ব পাৰো যে আমাৰ গুৱাহাটী বিমানকোঠ সকলোৰে বাবে অতি নিৰাপদ। তাৰোপৰি, এই সপ্তাহত যাত্ৰীসকলে বিমানকোঠত এৰি থৈ যোৱা দুটাতকৈও বেছি লেপটপ, মোবাইল ফোন, কেইবাটাও লাগেজ বেগ আৰু বিভিন্ন প্ৰকাৰৰ বহুমূলীয়া সামগ্ৰী ইতিমধ্যে যাত্ৰী সকলক ঘূৰাই দিয়া হৈছে। বিমানকোঠ কতৃপক্ষই এইসকল নিঃস্বাৰ্থবান কৰ্মচাৰী ক্ৰমে, ৰাহুল কুলী, আজিমুদ্দীন খান, মানৱ বড়ো আৰু সিমান্ত দাসৰ উৎকৃষ্টতম সহযোগীতাৰ বাবে প্ৰশংসা কৰে।

Leave A Reply

Your email address will not be published.