টকিঅ’ অলিম্পিকত ভাৰতীয় দলৰ চেফ ডে মিছনৰ দৰে গুৰু দায়িত্ব পালন কৰা ভাৰতীয় ভাৰোত্তোলন সন্থাৰ সভাপতি তথা ৰাজ্যসভাৰ সাংসদ বীৰেন্দ্ৰ প্ৰসাদ বৈশ্যক বৃহস্পতিবাৰে অসম অলিম্পিক সন্থাই সম্বৰ্ধনা জনায়। অসম অলিম্পিক সন্থাৰ সভাকক্ষত আয়োজিত এটা অনুষ্ঠানত বৈশ্যক সম্বধৰ্না জনোৱা হয়। অসম অলিম্পিক সন্থাৰ সম্পাদক লক্ষ্য কোঁৱৰে আঁত ধৰা অনুষ্ঠানটোত সম্বৰ্ধনা গ্ৰহণ কৰি অসম ভাৰোত্তোলন সন্থাৰো সভাপতিৰ দায়িত্বত থকা বীৰেন্দ্ৰ প্ৰসাদ বৈশ্যই কয়- নৱম,দশম শ্ৰেণীত পঢ়ি থাকোতে লালা অমৰনাথৰ তত্বাবধানত ক্ৰিকেটৰ প্ৰশিক্ষণ লবলৈ প্ৰথমবাৰৰ বাবে গুৱাহাটীৰ নেহৰু ষ্টেডিয়ামলৈ আহিছিলোঁ।পৰৱৰ্তী সময়ত কেইবাগৰাকীও জ্যেষ্ঠ ক্ৰীড়া সংগঠকৰ সান্নিধ্য লাভ কৰি টেবল টেনিছৰ সৈতে জড়িত হৈ পৰিলোঁ।ভাৰতীয় টেবুল টেনিছৰ শীৰ্ষ পদত থকাৰ পাছতো ২০০৯ চনত নিস্প্ৰভ হৈ থকা ভাৰতীয় ভাৰোত্তোলনৰ দায়িত্ব চম্ভালি ললো। ইয়াৰ পাছতে ক্ৰমশ: ঠন ধৰি উঠা ভাৰতীয় ভাৰোত্তোলন সন্থাই আন্তঃৰাষ্ট্ৰীয় ভাৰোত্তোলন ফেডাৰেশ্বনৰো ক্লিনশ্বিট লাভ কৰিলে। আনহাতে, টকিঅ’ত ভৰতীয় দলে অলিম্পিক ইতিহাসত সৰ্বকালৰ সৰ্বশ্ৰেষ্ঠ প্ৰদৰ্শন দাঙি ধৰাৰ লগতে এজনো খেলুৱৈ বা কৰ্মকৰ্তা ক’ভিড পজিটিভ নোহোৱাকৈ টকিঅ’ৰ পৰা ওভতি আহি এক প্ৰকাৰৰ নিদৰ্শন দাঙি ধৰিলে বুলি কয় বৈশ্যই। ইফালে, টকিঅ অলম্পিকত বীৰেন্দ্ৰ প্ৰসাদ বৈশ্যই যি সক্ৰিয়তা প্ৰদৰ্শন কৰি খেলুৱৈসকলৰ অভাৱ অভিয়োগ সমাধান কৰাৰ চেষ্টা কৰিছিল তাক স্বচক্ষে প্ৰত্যক্ষ কৰাৰ কথা অৱগত কৰে লক্ষ্য কোঁৱৰে। অনুষ্ঠানত বক্সিং ফেডাৰেশ্বন অৱ ইণ্ডিয়াৰ সচিব হেমন্ত কুমাৰ কলিতা, অসম অলিম্পিক সন্থাৰ মিডিয়া কমিটিৰ অধ্যক্ষ ৰাজীৱ প্ৰকাশ বৰুৱা আৰু বিশিষ্ট ক্ৰীড়া সাংবাদিক সুবোধ মল্ল বৰুৱাইও ভাষণ প্ৰদান কৰে। সম্বৰ্ধনা অনুষ্ঠানটোত অসম অলিম্পিক সন্থাৰ হৈ বিষ্ণুৰাম নুনিছা, কল্যাণ গগৈ, অনুপ চৌধুৰী, অংশুমান দত্তকে ধৰি বহুকেইগৰাকী বিষয়ববীয়া উপস্থিত থাকে। আনহাতে, অসম ভাৰোত্তোলন সন্থাকে ধৰি বহুকেইটা ৰাজ্যিক ক্ৰীড়া সন্থাই বৈশ্যক সম্বৰ্ধনা জনায়।
Trending
- ৰূপহীত বিশ্ব ৰেডিঅ’ দিৱস উদযাপন শিল্পী মিলেশ্বৰ ডেকালৈ লোকশিল্পী -২০২৫ বঁটা প্ৰদান
- অসম আৰু উত্তৰ পূৰ্বাঞ্চলত টপচেম এচ ডি চি এফ টি আৰ ++ চিমেন্ট মুকলি
- এন ই ফ’কাছৰ পদক্ষেপ, গুৱাহাটীত জলবায়ু পৰিবৰ্তন সম্পৰ্কীয় সন্মিলন
- DoHUA Minister Jayanta Mallabaruah Launches Online Building Permission System (OBPS) for Faster and Transparent Approvals
- সৰুসজাই ষ্টেডিয়ামত ঝুমইৰ বিনন্দিনী অনুষ্ঠানৰ প্ৰস্তুতিৰ পৰ্যালোচনা সাংস্কৃতিক মন্ত্রী বিমল বড়াৰ
- Nefocus initiative:climate change summit Held in Guwahati
- Strengthening Investor Awareness and Investor Protection in North East Region
- উত্তৰ পূৱ মণ্ডল আন্তঃবিশ্ববিদ্যালয় যুৱ মহোৎসৱত গিৰিজানন্দ চৌধুৰী বিশ্ববিদ্যালয়ৰ শিক্ষাৰ্থীৰ তিনিটাকৈ স্বৰ্ণ পদক লাভ
- অসমত বিনিয়োগকাৰীসকলৰ সজাগতা আৰু সুৰক্ষাক দৃঢ়কৰণ
- গোপাল জালানৰ অসুখী পৃথিৱীত সুখী হোৱাৰ বাসনা