বৰঝাৰত আগন্তুক স্বাধীনতা দিৱস উপলক্ষে অতি প্ৰাচীন ১০ দিনীয়া পেইন্টিং উৎসৱ

0 221

বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানকোঠত আগন্তক স্বাধীনতা দিৱস উপলক্ষে ১০ দিনীয়া কাৰ্যসূচীৰে এখন অতি প্ৰাচীন পেইন্টিং মেলাৰ আয়োজন কৰা হৈছে। য’ত ২৫০০ বৰ্ষ পুৰণি মধুবনী পেইন্টিং আৰু ১৪০০ বছৰীয়া পুৰণি গ’ণ্ড পেইন্টিং আঁকি থকা দেখুৱা হৈছে। দুজন বাহিৰৰ প্ৰদেশৰ পৰা আমন্ত্ৰিত কৰি অনা অতি প্ৰসিদ্ধ কৌশলীৰ দ্বাৰা এই পেইন্টিং কৰাই থকা হৈছে। উল্লেখযোগ্য যে মধুবনী পেইন্টিং বিহাৰৰ মিথিলা নামৰ ঠাইৰ এক অতি প্ৰাচীন পেইন্টিং। এই পেইন্টিংসমূহ সম্পূৰ্ণ প্ৰাকৃতিক ৰং, তুলিকা, চলাই কাঠি ইত্যাদিৰে অতি নিখুতভাৱে অঙ্কন কৰা হয়। আনহাতে গণ্ড পেইন্টিং হৈছে মধ্য ভাৰতৰ এক জাতীয় পেইন্টিং। ‘গণ্ড’ শব্দটো আহিছে ‘কণ্ড’ শব্দটোৰ পৰা যাৰ অৰ্থ হৈছে সেউজ পৰ্বত আৰু তাত বসবাস কৰা লোকসকলক ‘গণ্ডীছ’ যিসকল আজিও মধ্যপ্ৰদেশত বসবাস কৰি আছে। এতিয়া বিমাবকোঠৰ আগমন কক্ষৰ বাহিৰত যাত্ৰীসকলে জীৱন্তে এই অংকন মেলা চাব পাৰিব। এই মেলা ১৬ আগষ্টলৈ একেৰাহে চলিব।

Leave A Reply

Your email address will not be published.