সদৌ অসম মইনা পাৰিজাতৰ অন্তৰ্গত ভূৰাপাৰা মইনা পাৰিজাতে আজি অঞ্চলটোৰ উচ্চতৰ মাধ্যমিক (কলা আৰু বিজ্ঞান) উত্তীৰ্ণ বাৰ গৰাকীকৈ কীৰ্তিমান শিক্ষাৰ্থীক ৰাজহুৱাভাৱে সম্বৰ্ধনা জ্ঞাপন কৰে। এই উপলক্ষে ভূৰাপাৰা মইনা পাৰিজাতৰ মইনা তথা মাধৱদেৱ হাইস্কুলৰ ষষ্ঠ শ্ৰেণীৰ ছাত্ৰ জোনমণি কলিতাৰ সভাপতিত্বত সভাৰ কাৰ্যসূচী আৰম্ভ হয়। ভূৰাপাৰাৰ মাঁ কালি মন্দিৰৰ সভাগৃহত অনুষ্ঠিত সভাখনত বিশিষ্ট অতিথি হিচাপে অংশগ্ৰহণ কৰি সাংবাদিক বিমল শৰ্মাই ভূৰাপাৰা অঞ্চলত শিশুসকলৰ মাজত বৌদ্ধিক-সাংস্কৃতিক চিন্তা-চৰ্চা গঢ় দিয়াত মইনা পাৰিজাতৰ বিষয়ববীয়াসকলে লৈ অহা ভূমিকাক ভূয়সী প্ৰশংসা কৰে। সাংবাদিক শৰ্মাই কীৰ্তিমান শিক্ষাৰ্থী সকলক নিজৰ জন্মভূমিৰ স্বকীয়তা অক্ষুন্ন ৰাখি নিজকে এজন সৎ নাগৰিক হিচাপে গঢ় দিবলৈ আহ্বান জনায়। সাংবাদিক শৰ্মাই ভূৰাপাৰা মইনা পাৰিজাতৰ মইনা সকললৈ দুবছৰ বিনামূলীয়াকৈ তিনিখনকৈ শিশু আলোচনী ক্ৰমে মুকুতা-মৌচাক-সঁফুৰা আগবঢ়াই যাব বুলিও ঘোষণা কৰে। ভূৰাপাৰা মইনা পাৰিজাতৰ সম্পাদক জীতেন্দ্ৰ কলিতাই সভাৰ উদ্দেশ্য ব্যাখ্যা কৰাৰ লগতে ভূৰাপাৰা অঞ্চলৰ কণ কণ মইনাসকলে যাতে ভৱিষ্যতে একো একোগৰাকী সু-নাগৰিক হৈ প্ৰতিষ্ঠা লাভ কৰিব পাৰে তাৰবাবে আহ্বান জনায়। আজিৰ সম্বৰ্ধনা সভাত উচ্চতৰ মাধ্যমিক বিজ্ঞান শাখাত উত্তীৰ্ণ উদ্দীপ্ত প্ৰতীম দাস (ষ্টাৰ), জ্যোতিৰ্ময় কলিতা (প্ৰথম), সৌৰভ কলিতা (প্ৰথম) আৰু কবীৰ কুমাৰ দাস (প্ৰথম)ৰ লগতে কলা শাখাত ভাস্বতী দাস ( ডিষ্টিংচন), স্নেহা দাস, মানসজ্যোতি দাস, শংকৰজ্যোতি দাস, অমৰ দাস, ডলি দাস, ৰুবুল দাস আৰু অঞ্জন দাসক গছৰ পুলি আৰু প্ৰশংসা-পত্ৰৰে সম্বৰ্ধনা জনোৱা হয়। অনুষ্ঠানত ভূৰাপাৰা মইনা পাৰিজাতৰ সভাপতি দিলীপ কুমাৰ দাস, সম্পাদক জীতেন্দ্ৰ কলিতা, উপদেষ্টা ৰামেশ্বৰ দাস, পৰিচালকমণ্ডলী প্ৰণিতা দাস, অমিয় কুমাৰ দাস, ধীৰাজ কুমাৰ দাস, বিদ্যুৎ কলিতা, অমূল্য দাস, মৃদুস্মিতা দাস, উৎপল কলিতাৰ লগতে অৰ্ধশতাধিক মইনা, অভিভাৱক আৰু অঞ্চলবাসী ৰাইজ উপস্থিত আছিল।
Trending
- মালিগাঁৱত ৰে’লৱেৰ এছচি আৰু এছ টি এম্পলয়িজ এছ’চিয়েচনৰ গ্ৰীষ্মকালীন শিবিৰৰ সামৰণি
- মিডিয়া এছ’চিয়েছন, অসমৰ উদ্যোগত মহীৰূহ সাংবাদিক কনকসেন ডেকাৰ ৯৩ সংখ্যক জন্ম জয়ন্তী পালন
- ডং বান্ধ সন্দৰ্ভত মন্ত্ৰী অশোক সিংহলৰ গুৰুত্বপূর্ণ সভা-ডাঃ ৰবি বড়ো অসামৰিক চিকিৎসালয়ত মন্ত্ৰী অশোক সিংহলৰ আকস্মিক পৰিদৰ্শন
- গুৱাহাটীত সপ্তাহজোৰা অসামৰিক প্ৰশিক্ষণ কাৰ্যসূচীৰ সামৰণি
- কাঁহিকুছিস্থিত গোলাপ বৰবৰা ৰাজ্যিক পঞ্চায়ত আৰু গ্ৰামোন্নয়ন প্ৰতিষ্ঠানত আয়োজিত পঞ্চায়তৰ সভাপতি সকলৰ প্ৰশিক্ষণ কাৰ্যসূচী মুকলি কৰিলে ৰাজ্য চৰকাৰ পঞ্চায়ত আৰু গ্ৰামোন্নয়ন আদি বিভাগৰ মন্ত্ৰী ৰণজিৎ কুমাৰ দাসে
- এইচ ডি এফ চি বেংক ‘পৰিৱৰ্তনে দক্ষতা বিকাশ আৰু জীৱিকা প্ৰসাৰ কাৰ্যসূচীৰ অধীনত ৭.২ লাখৰো অধিক যুৱক-যুৱতীক প্ৰশিক্ষণ প্রদান
- ৰাণী সাহিত্য সভাৰ দিনযোৰা কাৰ্যসূচীৰে দ্বি-বাৰ্ষিক অধিৱেশন সম্পন্ন
- গুৱাহাটী প্ৰেছ ক্লাবত সাপ্তাহিক কবচৰ ২৯ তম্ বৰ্ষপূৰ্তি উদযাপন
- ধাৰাপুৰত ১৫ দিনীয়া গ্ৰীষ্মকালীন নাট কৰ্মশালা আৰম্ভ
- Brahmaputra Conclave on Balancing Development and Ecology Held in Guwahati