কামৰূপ জিলা প্ৰশাসনৰ উদ্যোগত আৰু পলাশবাৰী ৰাজহ চক্ৰ বিষয়াৰ কাৰ্য্যালয়ৰ উদ্যোগত আজি ৫০ নং পলাশবাৰী বিধান সভা সমষ্টিৰ অন্তৰ্গত মিৰ্জা ছোৱালী হাইস্কুল আদৰ্শ ভোট কেন্দ্ৰত পদ্ধতিগত ভোটাৰ শিক্ষা আৰু নিৰ্বাচনী অংশ গ্ৰহন কাৰ্যক্ৰমনিকা, চমুকৈ এছ.ভি.ই.ই.পিৰ এক কাৰ্য্যসূচী অনুষ্ঠিত হয়। দেশৰ গণতান্ত্ৰিক ব্যৱস্থাক সৱল আৰু শক্তিশালী কৰাত প্ৰতিগৰাকী নাগৰিকৰে অংশ গ্ৰহন নিশ্চিত কৰাৰ লক্ষ্য আগত ৰাখি ভাৰতৰ নিৰ্বাচন আয়োগৰ নিৰ্দেশ অনুসৰি হাতত লোৱা এচ.ভি.ই.ই.পিৰ আজিৰ এই কাৰ্য্যসূচীৰ জৰিয়তে জিলা খনৰ প্ৰতিগৰাকী যোগ্য ভোটাৰক এইবেলিৰ নিৰ্বাচনত ভোটদান কৰিবলৈ সজাগ কৰা হয়। কামৰূপ নিৰ্বাচনী বিষয়া কৈলাশ কাৰ্তিক এন, পলাশবাৰী বিধান সভা সমষ্টিৰ সহকাৰী ৰেটাৰ্ণিং বিষয়া ধৃতিমান দাস, বকো বিধান সভাৰ বাবে নিযুক্ত পৰ্যবেক্ষক পৱিত্ৰ মণ্ডল, ছয়গাঁও বিধান সভাৰ নিৰ্বাচনৰ বাবে নিযুক্ত পৰ্য্যবেক্ষক ড০ মিত্ৰ টি, পলাশবাৰী বিধান সভাৰ নিৰ্বাচনৰ বাবে নিযুক্ত পৰ্য্যবেক্ষক দয়ানদ মিশ্ৰ, হাজো বিধান সভাৰ নিৰ্বাচনৰ বাবে নিযুক্ত পৰ্য্যবেক্ষক ড০ চন্দ্ৰশেখৰ কুমাৰ আৰু কামৰূপ নিৰ্বাচনী জিলাৰ বাবে নিযুক্ত আৰক্ষী পৰ্য্যবেক্ষক ৰঞ্জন কুমাৰ শৰ্মা উপস্থিত থকা কাৰ্য্যসূচীৰ অংশ হিচাপে শিল্পী সমাজ থিয়েটাৰ গ্ৰুপৰ দ্বাৰা এখন চুটি নাটক আৰু গীত পৰিৱেশন কৰি ভোটাৰ সকলক ভোট দান প্ৰক্ৰিয়াত অংশ গ্ৰহণৰ বাবে সজাগ তথা আহ্বান জনোৱা হয়। ইপিনে এই কাৰ্য সূচীৰ আৰম্ভণিতে ইতিমধ্যে প্ৰাণ আহুতি দিয়া কভিড যোদ্ধা সকলৰ প্ৰতি সন্মান জনাই এক মিনিট সময় মৌনতা অৱলম্বন কৰা হয়। প্ৰসংগ ক্ৰমে উল্লেখ কৰিব পাৰি যে এইবেলি মিৰ্জা ছোৱালী হাইস্কুলৰ ভোট কেন্দ্ৰটো কভিড যোদ্ধা সকলৰ স্মৃতিত অৰ্পন কৰা হৈছে। সেই অনুসৰি কেন্দ্ৰটো আকৰ্ষণীয় ৰূপত সজাই পৰাই তোলা হৈছে।
Trending
- চান্দমাৰিত হাস্য-ব্যংগ সাহিত্য সন্মিলন সমাপন
- শনিবাৰে উন্মোচন হয় মুখ্যমন্ত্ৰীৰ বক্তৃতা সংকলন-২, মুখ্যমন্ত্ৰীৰ ডায়েৰী শীৰ্ষক গ্ৰন্থ
- ২১ সংখ্যক চেন্নাই আন্তঃৰাষ্ট্ৰীয় চলচ্চিত্ৰ মহোৎসৱ (চিআইএফএফ)-২০২৩”ত ভাৰতীয় পেনোৰামাত স্থান লাভ ৰ’জী বৰাৰ দ্য লাষ্ট অনাৰ
- পলাশবাৰীৰ নহিৰাত প্ৰধান মন্ত্ৰী ‘শ্ৰী’ আঁচনিৰ আধাৰশিলা স্থাপন বিধায়ক হেমাংগ ঠাকুৰীয়াৰ
- কেঁচা ভূঁইৰ কঁপনি উন্মোচন
- কামৰূপ মহানগৰ নিৰ্বাচন জিলাৰ ৫ বিধানসভা সমষ্টিৰ খচৰা ফটো ভোটাৰ তালিকা প্ৰকাশ
- মৰিগাঁও জিলাৰ চৰ অঞ্চলত পুনৰসংস্থাপিত ৭৬ টা উচ্ছেদিত পৰিয়ালক এবিঘাকৈ মাটি আৱণ্টন দিয়াৰ বাবে প্ৰস্তাৱ গৃহীত-মহকুমা ভূমি উপদেষ্টা সমিতিৰ বৈঠকত উচ্ছেদিত লোকৰ স্থায়ী পুনৰসংস্থাপনৰ দিশত গুৰুত্বপূৰ্ণ সিদ্ধান্ত
- এক লাখ নিযুক্তি প্ৰদানৰ প্ৰতিশ্ৰুতি সম্পূৰ্ণ কৰাৰ পদক্ষেপ স্বৰুপে উচ্চ শিক্ষা বিভাগৰ সঞ্চালকালয়ৰ অধীনত ৫৮ গৰাকী প্ৰাৰ্থীলৈ নিযুক্তি পত্ৰ প্ৰদান
- Armed Forces Flag Day on 7th Dec
- কামৰূপ মহানগৰ জিলা আয়ুক্ত হিচাপে সুমিত ছাত্তাৱানৰ যোগদান