ৰাজ্যৰ প্ৰধান আঞ্চলিক দল সন্মিলিত গনশক্তি অসমৰ উদ্যোগত ভাতৃ সংগঠন সন্মিলিত শ্ৰমিক শক্তি অসমৰ সহযোগত অহা ১ মে’ত আন্তৰ্জাতিক শ্ৰমিক দিৱস উপলক্ষত এখন শ্ৰমিক অভিবৰ্তন অনুষ্ঠিত কৰাৰ ব্যাপক প্ৰস্তুতি চলিছে। ধেমাজি জিলাৰ গোগামুখৰ আবুটানি লত্তাত অনুষ্ঠিতব্য এই শ্ৰমিক অভিবৰ্তনত শ্ৰমজীৱী শ্ৰমিক সকলৰ নাৰ্য প্ৰাপ্য অধিকাৰ সম্পৰ্কে সাৰ্বজনীন সজাগতা সৃষ্টি কৰি সুসংগঠিত আৰু সংঘবদ্ধ এক শ্ৰমিক সংগ্ৰাম গঢ়ি তোলাৰ লক্ষ্যৰে এই শ্ৰমিক অভিবৰ্তন অনুষ্ঠিত কৰা বুলি জানিবলৈ দিছে গনশক্তি অসম দলৰ কেন্দ্ৰীয় সমিতিৰ সাধাৰণ সম্পাদক পুৰুষোত্তম দলেয়ে । বুধবাৰে এক বিবৃত্তিত দলেয়ে শ্ৰমিক আইন আৰু এই আইনে শ্ৰমিক সকলক প্ৰদান কৰা সাংবিধানিক সা সুবিধা তথা অধিকাৰ সন্দৰ্ভত শ্ৰমিক আৰু শ্ৰমিক সংগঠন সমূহক জ্ঞাত কৰিবলৈ এই অভিবৰ্তনত শ্ৰমিক আইন আৰু শ্রমিকৰ অধিকাৰ শীর্ষক এখন মনোজ্ঞ আলোচনাচক্ৰ অনুষ্ঠিত হব বুলি জনাইছে । আলোচনাচক্ৰত কেইবা গৰাকী শ্ৰমিক আইন বিশেষজ্ঞ , অভিজ্ঞ জ্যেষ্ঠ শ্ৰম বিশেষজ্ঞ,জ্যেষ্ঠ শ্ৰমিক নেতা আৰু শ্ৰম বিভাগৰ ন্যায়িক দিশৰ লগত জড়িত বিশেষজ্ঞ আদি ব্যক্তিয়ে অভিবৰ্তনত সমল ব্যক্তি হিচাপে অংশ গ্ৰহণ কৰিব বুলি অৱগত কৰিছে। ৰাজ্যখনৰ বিভিন্ন প্ৰান্তৰৰ সন্মিলিত শ্ৰমিক শক্তি অসমৰ খণ্ড শক্তি সমূহৰ পৰা নূন্যতম ১০ গৰাকীকৈ প্ৰতিনিধি আৰু ধেমাজি জিলাৰ ১২ টা অগ্ৰণী শ্ৰমিক সংগঠনৰ সমূহ কৰ্মকৰ্তাই সক্ৰিয় ভাবে অভিবৰ্তনত অংশ গ্ৰহণ কৰিব বুলি জানিবলৈ দি শুভাকাংক্ষী ৰাইজ আৰু সংগঠন সমূহৰ উপস্থিতিৰে অভিবৰ্তনখন সৰ্বতো প্ৰকাৰে সাফল্য মণ্ডিত কৰি তোলাৰ বাবে কেন্দ্ৰীয় সমিতিৰ সাধাৰণ সম্পাদক দলেয়ে সকলোলৈকে আহ্বান জনাইছে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন