মহানগৰীৰ আজাৰাস্থিত ঐতিহ্যমণ্ডিত শিক্ষানুষ্ঠান ৰাজধৰ বড়া উচ্চতৰ মাধ্যমিক বিদ্যালয়ৰ হীৰক জয়ন্তী বৰ্ষ উপলক্ষে হীৰক জয়ন্তী উদযাপন সমিতিৰ উদ্যোগত গুৱাহাটীস্থিত মাৰোৱাৰী মেটাৰনিটী হাস্পতাল আৰু লায়ন্স ক্লাব গুৱাহাটীৰ সহযোগত আজি মহানগৰীৰ সমীপৱৰ্তী চকৰ্দো দেশভক্ত তৰুণ ৰাম ফুকন মধ্য ইংৰাজী বিদ্যালয়ত এটি বিনামূলীয়া স্বাস্থ্য শিৱিৰ অনুষ্ঠিত হৈ যায়। উক্ত শিৱিৰ মুকলি কৰে আজাৰা গাঁও পঞ্চায়তৰ সভানেত্ৰী কবিতা বড়ো ৰংপীয়ে। এই অনুষ্ঠানত উদযাপন সমিতিৰ কাৰ্যকৰী সভাপতি ভৱেন চন্দ্ৰ মেধী, উপ সভাপতিদ্বয় চন্দ্ৰ কুমাৰ দাস, মহেশ্বৰ ৰংপী আৰু কোষাধ্যক্ষ জয়ন্ত কুমাৰ পাটগিৰি উপস্থিত থকা এই শিৱিৰ পৰিচালনা কৰে সম্পাদক তপন জখৰীয়াই। স্বাস্থ্য পৰীক্ষা শিৱিৰৰ জৰিয়তে হিতাধিকাৰী সকলৰ চকু, ডায়েবেটিচ, ফিজিওথেৰাপি, প্ৰসুতি আৰু শিশু ৰোগৰ বিনামূলীয়া চিকিৎসা প্ৰদান কৰাৰ লগতে ঔষধ বিতৰণ কৰা হয়। প্ৰায় দুই শতাধিক ৰোগী এই শিবিৰৰ দ্বাৰা উপকৃত হয়। শিবিৰ আৰম্ভ হোৱাৰ পূৰ্বে চকৰ্দো অঞ্চলৰ সমাজকৰ্মী বাহাদুৰ ইংতি, সুগ্ৰীব বে, লক্ষীন্দ্ৰ টেৰণ আৰু তৰুণ ৰাম ফুকন মধ্য ইংৰাজী বিদ্যালয়ৰ প্ৰধান শিক্ষক বিমল মেধিক সম্বৰ্ধনা জনোৱা হয়।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন