বিশ্বৰ আপোচহীন সংগ্ৰামী সত্তা, ভিয়েটনামৰ মুক্তিযুঁজৰ নেতা হো চি মিনৰ জীৱন আৰু সংগ্ৰামৰ কাহিনী সম্বলিত প্ৰদ্যোৎ গুহৰ বাংলা পুথিৰ এটি অসমীয়া সংস্কৰণ আজি গুৱাহাটীত উন্মোচন কৰি হয়। পুথিখন অসমীয়ালৈ তৰ্জমা কৰিছে উমেশ গগৈয়ে। পুথিখন উন্মোচন কৰি বিশিষ্ট বাওপন্থী নেতা মুনীন মহন্তই কয় যে হো চি মিনৰ জীৱন কাহিনী আজিৰ পটভূমিতো প্ৰাসংগিক। কাৰণ তেওঁৰ সংগ্ৰামে সকলো সময়তে আমাক প্ৰেৰণাদীপ্ত কৰে। সভাত অতিথি হিচাপে উপস্থিত থাকি লেখক ড:পৰমানন্দ মজুমদাৰে উমেশ গগৈয়ে এনে এখন পুথি অসমীয়া পঢ়ুৱৈৰ হাতত তুলি দি এটি মহৎ দায়িত্ব পালন কৰিলে। কিয়নো সাম্ৰাজ্যবাদী বিৰোধী সংগ্ৰামত অৱতীৰ্ণ হৈ বিশ্ব শান্তি প্ৰচেষ্টাত তেওঁৰ ভূমিকা আছিল ঐতিহাসিক। এই পুথিত অকল তেওঁৰ জীৱনৰ কথাই লিপিবদ্ধ হোৱা নাই, তৎকালীন বিশ্বৰ সাম্ৰাজ্যবাদী শিবিৰৰ কাৰ্যকলাপৰো ৰূপৰেখাৰ তুলি ধৰা হৈছে । আজিৰ প্ৰজন্ম এই পুথিৰ পৰা অনুপ্ৰাণিত হ’ব বুলি আশা কৰিব পাৰি। হো চি মিনৰ সংগ্ৰামৰ পৰা শিক্ষা নললে আমি আমাৰ সময়ৰ সংকট নিৰ্মূল কৰাৰ পথ নিৰ্মাণ কৰিব নোৱাৰোঁ বুলি ভাষণ প্ৰসঙ্গত উল্লেখ কৰে। সভাত অনুবাদক উমেশ গগৈয়েও চমু বক্তব্য দিয়ে। সভাত ডম্বৰু বৰা,বাবুল চৌধুৰী প্ৰমুখ্যে ব্যক্তিসকলে অংশগ্ৰহণ কৰে।সভাৰ আঁত ধৰে নাৰীৰ স্বাধিকাৰ আন্দোলনৰ নেতৃ অসমী গগৈয়ে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন