হাৰিয়ানাৰ পঞ্চকুলাত ১০ মাৰ্চৰ পৰা পাঁচদিনীয়া কাৰ্যসূচীৰে অনুষ্ঠিত হোৱা ২৬ সংখ্যক সৰ্বভাৰতীয় বন ক্ৰীড়া প্ৰতিযোগিতাৰ কালি সন্ধিয়া সামৰণি পৰে। প্ৰতিযোগিতাত অসম চৰকাৰৰ বন বিভাগৰ এটা ৬৩ জনীয়া দলে ভাগ লৈছিল।বন বিভাগৰ সূত্ৰই সদৰি কৰা অনুসৰি বন বিভাগৰ মধ্য অসম চক্ৰৰ মুখ্য বন সংৰক্ষক তথা বিভাগৰ নডেল ক্ৰীড়া বিষয়া মুথু কুমাৰ ভেলৰ নেতৃত্বত যোৱা ৬০ জনীয়া দলটোৱে উন্নত মানৰ প্ৰদৰ্শনৰে ৩ টা সোণ,দুটা ৰূপ আৰু ৬ টা ব্ৰঞ্জৰসহ মুঠ ১১ টা পদক লাভ কৰিছে।ইয়াৰ ভিতৰত আঞ্চলিক বন বিষয়া ৰবীন কুমাৰ বৈশ্যই দুটা শাখাৰ ভাৰত্তোলনত দুটা সোণ আৰু দুটা শাখাৰ শক্তি উত্তোলনত দুটা ব্ৰঞ্জকে ধৰি সৰ্বাধিক চাৰিটা পদক লাভ কৰি বিভাগলৈ গৌৰৱ কঢ়িয়াই আনিছে।আনহাতে বিজয় চেতিয়া পাত্ৰই দুটা শাখাৰ ডিচকাছ থ্রোত এটা সোণৰ আৰু এটা ৰূপৰ পদক লাভ কৰিছে।বাকী পদক লাভ কৰা খেলুৱৈৰ ভিতৰত ১০০ মিটৰ দৌৰত আজিজুল হকে এটা ব্ৰঞ্জ , দ্বৈত শাখাৰ টেবল টেনিছত মুস্তাফা আলী আহমেদ আৰু অভিজিৎ ৰায়চৌধুৰীয়ে এটা ব্ৰঞ্জ ,একক শাখাৰ বেডমিণ্টনত পুৰঞ্জয় শৰ্মাই এটা ব্ৰঞ্জ , দ্বৈত শাখাৰ বেডমিণ্টনত শংকৰ ৰয় আৰু পুৰঞ্জয় শৰ্মাই এটা ৰূপ,শক্তি উত্তোলনত মোছাৰফ হুছেইন চৌধুৰীয়ে এটা ব্ৰঞ্জৰ পদক লাভ কৰিছে।আনহাতে অসম বন কৰ্মচাৰী সন্থাৰ সভাপতি হোমেন পেগু ,সাধাৰণ সম্পাদক ৰাহুল বৰা আৰু প্ৰচাৰ সম্পাদক ৰাজা দাসে এটা বিবৃতিত সৰ্বভাৰতীয় ক্ৰীড়া প্ৰতিযোগিতাত পদক লাভ কৰা দলটোৰ প্ৰতিজন খেলুৱৈক শুভেচ্ছা কৰাৰ লগতে তেওঁলোক গুৱাহাটীত উপস্থিত হোৱাৰ সন্থাৰ ফালৰ পৰা ৰাজহুৱা ভাবে সম্বৰ্ধনা জনোৱা হব বুলি জানিবলৈ দিছে।
Trending
- কৃত্ৰিম বুদ্ধিমত্তাৰ জৰিয়তে ৩.২ বিলিয়ন ডলাৰৰ ষ্টাৰ্টআপৰ বাবে টেষ্টিং আন্তঃগাঁথনি নিৰ্মাণ অসমৰ ছাত্ৰৰ
- এয়াৰটেল ইনছাইডাৰৰ জৰিয়তে গ্ৰাহকে লাভ কৰিব ৩০,০০০ টকাতকৈ অধিক মূল্যৰ বিশেষ সুবিধা
- ৰাষ্ট্ৰীয় প্ৰেছ দিৱস উপলক্ষে গুৱাহাটী প্ৰেছ ক্লাবত আন্তঃ সংবাদ মাধ্যম কুইজ প্ৰতিযোগিতা
- মুম্বাইৰ মজিয়াত জিলিকিল উত্তৰ-পূব- অসমৰ ড° যোগেশ দেউৰীলৈ নমস্তে জীৱনজোৰা সাধনা বঁটা
- আদিংগিৰি সেৱা ভাৰতীত মুকলি হকী প্ৰশিক্ষণ শিবিৰৰ সামৰণি
- NSE Enhances Digital Experience for Investors and Trading Members with New Features Across Web and Mobile Platforms
- ভাৰত চৰকাৰৰ স্বচ্ছ সৰ্বেক্ষণ বঁটাৰে সন্মানিত গুৱাহাটী
- NSE Celebrates Diwali with Traditional Lakshmi Pujan and Muhurat Trading Ceremony
- মিচিং আৰু সোণোৱাল কছাৰী স্বায়ত্তশাসিত পৰিষদৰ নিৰ্বাচনৰ পৰিপ্ৰেক্ষিতত ১১খন জিলাত ড্ৰাই ডে ঘোষণা
- তুৰাত ৫০ সংখ্যক পৰম্পৰাগত ‘ৱাংগালা মহোৎসৱ