ক`ৰণা আতংকৰ মাজতে অসমবাসীৰ লগতে কোকৰাঝাৰ আৰু ধুবুৰী বাসীৰ বাবে এটা সুখবৰ। ৩৮ বছৰৰ পিছত পুনৰ মুকলি হ’ল ৰূপসী বিমানবন্দৰ। দ্বিতীয় বিশ্বযুদ্ধৰ সময়ত ব্ৰিটিছ কেন্দ্ৰীয় গড়কাপ্তানী বিভাগৰ দ্বাৰা ১৯৪৩ চনত নিৰ্মাণ কৰা হৈছিল ৰূপসী বিমানবন্দৰ। বিমানবন্দৰটো ব্যৱহাৰ কৰিছিল আমেৰিকাৰ দশম স্কোৱাড বাহিনীয়ে। দ্বিতীয় বিশ্বযুদ্ধৰ অন্তত ১৯৭১ চনত ভাৰত-পাক যুদ্ধৰ সময়ত ভাৰতীয় বায়ু সেনাই ব্যৱহাৰ কৰিছিল বিমান বন্ধৰটো। ১৯৫০ পৰা ১৯৬০ চনলৈ ব্যৱসায়িক কাম-কাজত কলিকতাৰ পৰা ধুবুৰীলৈ যাত্ৰা কৰিছিল বহু যাত্ৰীয়ে।সামৰিক দৃষ্টিভংগীৰেও গুৰুত্বপূৰ্ণ ভূমিকা পালন কৰিছিল ৰূপসী বিমানবন্দৰটোৱে। বিমানবন্দৰটোৰ পৰা চীন, ভূটান, নেপাল, বাংলাদেশৰ দূৰত্ব অতি সুবিধাজনক স্থানত আছে। ২ হাজাৰ মিটাৰ দৈৰ্ঘ্যৰ ৰানৱে থকা বিমানবন্দৰটো দক্ষিণ-পূব এছিয়াৰ লগত সামৰিক, বাণিজ্যিক ক্ষেত্ৰত গুৰুত্বপূৰ্ণ ভূমিকা পালন কৰিব। ১৯৮১ চনত ৰূপসীৰ পৰা অন্তিমটো বায়ুদূতৰ বিমান উৰা মাৰিছিল। দীৰ্ঘদিন ধৰি পৰিত্যক্ত হৈ থকাৰ পিছত ২০২০ চনৰ ডিচেম্বৰ মাহত পুনৰ নিৰ্মাণৰ কাম আৰম্ভ হৈছিল আৰু আজি দিনৰ ১১.৪০ মান বজাত FLYBIG নামৰ প্ৰথমখন যাত্ৰীবাহী বিমান ৩০ গৰাকী যাত্ৰী লৈ ৰূপসী বিমান বন্দৰত অৱতৰণ কৰে।
Trending
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা
- মিচিং জাতীয় সংগঠনৰ বিশ্ব ধৰিত্ৰী দিৱস পালন
- বৰুৱাৰ সংসাৰ প্ৰদৰ্শিত হ’ব ভাৰতীয় চলচ্চিত্ৰ মহোৎসৱত
- এয়াৰটেলৰ ৰোমিং পেক উন্মোচন
- কাছাৰত অ গ পৰ সভাপতি নির্বাচনী প্ৰচাৰ
- ধৰিত্ৰী দিৱস আৰু প্ৰকৃতিপ্ৰেমী মঞ্চৰ প্ৰতিষ্ঠা দিৱস উপলক্ষে হাতীৰ খাদ্য উদ্ভিদ ৰোপন কাৰ্যসূচী
- পলাশবাৰীত সাহিত্য সংস্কৃতি বিকাশ গোষ্ঠী “কামৰূপৰ সাধাৰণ সভা