ক্ৰীড়া ক্ষেত্রলৈ সুখবৰ।অসম চৰকাৰৰ ক্ৰীড়া আৰু যুৱ কল্যাণ সমিতিয়ে যোৱা দুটা বছৰে মুখ্যমন্ত্রী ক্ৰীড়া বঁটা প্ৰদান কৰি আহিছে।এইবাৰো সৰুসজাই ষ্টেডিয়ামত ২৯ তাৰিখে মুখ্যমন্ত্রী ক্ৰীড়া বঁটা প্ৰদানৰ অনুষ্ঠান অনুষ্ঠিত হ’ব।এই অনুষ্ঠানত মুখ্যমন্ত্রী সৰ্বানন্দ সোনোৱাল আৰু বিত্ত মন্ত্ৰী ড০ হিমন্ত বিশ্ব শৰ্মা উপস্থিত থাকিব।আজি অসম অলিম্পিক সন্থাৰ মুখ্য কাৰ্যালয়ত অনুষ্ঠিত এক সংবাদ মেলত লক্ষ্য কোঁৱৰে কয় যে চলিত বৰ্ষত অনুষ্ঠিত হোৱা চাউথ এছিয়ান গেমচত ৯ টাকৈ পদক লাভ কৰিবলৈ সক্ষম হোৱা অসমৰ ৬ গৰাকী খেলুৱৈক মুখ্যমন্ত্রী ক্ৰীড়া বঁটা প্ৰদান কৰিব।পদক লাভ কৰা খেলুৱৈসকলৰ ভিতৰত হৰ্ষিতা চলিহা,ৰ’দালী বৰুৱা,হৰ্ষা সিং,শিবাঙ্গী শৰ্মা আৰু বিদ্যাংগ গগৈ।সোণ,ৰূপ আৰু ব্ৰঞ্জৰ পদক লাভ কৰা খেলুৱৈসকলক ডেৰ লাখ টকা,এক লাখ টকা আৰু ৭৫,০০০ টকা নগদ ধনেৰে পুৰস্কৃত কৰিব ।ইয়াৰ উপৰিও চাউথ এছিয়ান গেমচত টেবুল টেনিচ চেম্পিয়নশ্বিপত প্ৰথম পুৰস্কাৰ লাভ কৰা এজন খেলুৱৈক এক লাখ নগদ টকা উদগনিমূলকভাৱে দিয়া হ’ব বুলি লক্ষ্য কোঁৱৰে জানিবলৈ দিয়ে ।লগতে ২০১৬ চনত তৰুণ গগৈ নেতৃত্বাধীন চৰকাৰে ঘোষণা কৰা ৭ গৰাকী খেলুৱৈৰ মাননী ইতিমধ্যে অনুমোদিত হোৱাৰ কথা জানিবলৈ দি তেখেতে কয় যে শিৱ থাপা,হাচিনা বেগম,জয়ন্ত তালুকদাৰ,মানসজ্যোতি চাংমাই,বিনীত ৰায়,হলিচৰন নাৰ্জাৰী আৰু সুপ্ৰিয়া গগৈক প্ৰাপ্য ধনৰাশি মুখ্যমন্ত্রীয়ে আগবঢ়াব ।ইয়াৰ লগতে ইন্টিগ্রেটেড স্পৰ্টচ পলিচি অনুসৰি আন্তঃৰাষ্ট্ৰীয় পৰ্য্যায়ত পুৰস্কাৰ লাভ কৰিবলৈ সক্ষম হোৱা দুজন খেলুৱৈক প্ৰথমবাৰৰ বাবে আৰ্থিক সাহাৰ্য্য আগবঢ়াব ।
Trending
- সাংস্কৃতিক পৰিক্ৰমা বিভাগৰ কাম কাজৰ পৰ্যালোচনা ৰাজ্যপাল কাটাৰীয়াৰ
- নিউ গুৱাহাটী বি জি যাৰ্ডত পৰিবহণ বিভাগৰ উদ্যোগত যান- বাহনৰ ৰেহাই আঁচনি বিষয়ক সজাগতা সভা
- কামৰূপ মহানগৰ জিলাত শাৰদীয় দুৰ্গোৎসৱ উদযাপন সন্দৰ্ভত আলোচনা
- ‘স্মৃতিৰ সঁফুৰা’ আনুষ্ঠানিক শুভ উন্মোচন
- খাদী আৰু গ্ৰামোদ্যোগ ব’ৰ্ডত গান্ধী জয়ন্তী উদযাপন
- সদৌ অসম খণ্ড সমল ব্যক্তি ফৰামৰ সভা
- নগাঁৱত আন্তজাতিক অহিংস দিৱস উদযাপন
- স্বচ্ছতাক দৈনন্দিন জীৱনশৈলীৰ অংশ কৰি তুলিলে দেশৰ উন্নয়ন ত্বৰান্বিত হ’ব – কেশৱ মহন্ত
- আয়ুস্মান ভৱ অভিযানৰ অধীনত পৰিবহণ বিষয়াৰ কাৰ্যালয়ত বিনামূলীয়া স্বাস্থ্য পৰীক্ষা শিবিৰ
- স্কুলীয়া ছাত্ৰ-ছাত্ৰীৰ লগতে বিভিন্ন স্তৰৰ লোকৰ অংশগ্ৰহণেৰ স্বচ্ছতাই সেৱা কাৰ্যসূচীলৈ অসমৰ উৎসাহজনক সঁহাৰি