মুখ্যমন্ত্ৰীৰ নিৰ্দেশ অনুসৰি আজি অসমৰ শিক্ষা আদি বিভাগৰ মন্ত্ৰী ডাঃ ৰণোজ পেগুৰ অধ্যক্ষতাত অসম প্ৰশাসনিক পদাধিকাৰী মহাবিদ্যালয়ত কাৰিকৰী শিক্ষা সঞ্চালকালয়ৰ অধীনস্থ ৰাজ্য খনৰ পলিটেকনিক সমূহৰ অধ্যক্ষ সকলৰ সৈতে এখনি বৈঠক অনুষ্ঠিত হয়। উক্ত বৈঠকত মন্ত্ৰী গৰাকীয়ে প্ৰতিখন শিক্ষানুষ্ঠানৰ অধ্যক্ষ সকলৰ পৰা তেওঁলোকৰ শিক্ষানুষ্ঠান সমুহৰ শৈক্ষিক দিশৰ লগতে বিভিন্ন অভাৱ অভিযোগ সমুহৰ বিষয়ে বুজ লয়। মন্ত্ৰী গৰাকীয়ে বৈঠকত উল্লেখ কৰে যে প্ৰতিখন শিক্ষানুষ্ঠানৰ আন্তঃগাঠনি, প্ৰবক্তা সকলৰ খালি পদ পুৰণকে ধৰি বিভিন্ন সমস্যা সমুহ পৰ্য্যায়ক্ৰমে সমাধান কৰা হব। তেওঁ প্ৰতিগৰাকী অধ্যক্ষক তেওঁলোকৰ নিজ নিজ শিক্ষানুষ্ঠান সমুহক সন্মুখৰ পৰা নেতৃত্ব দি আগুৱাই লৈ যাৱলৈ আহ্বান জনায়। মন্ত্ৰী গৰাকীয়ে লগতে উল্লেখ কৰে যে যিকোনো অভাৱ অভিযোগ থাকিলে অধ্যক্ষ সকলে বিনা দ্বিধাই পোনপতীয়াকৈ তেওঁক অৱগত কৰিবলৈ কয়। ইয়াৰ উপৰিও তেওঁ প্ৰতিখন শিক্ষানুষ্ঠানক হৰ ঘৰ ত্ৰিৰংগা উৎসৱত অংশগ্ৰহণ তথা ছাত্ৰ-ছাত্ৰী সকলক এই ক্ষেত্ৰত উৎসাহিত কৰিবলৈ উল্লেখ কৰে। আজিৰ এই বৈঠকত শিক্ষা বিভাগৰ উপদেষ্টা ড০ ননীগোপাল মহন্ত, উচ্চ শিক্ষা বিভাগৰ আযুক্ত সচিব এম এচ মনিভন্নন, সচিব বনশ্ৰী নাথ, কাৰিকৰি শিক্ষা বিভাগৰ সঞ্চালক ধ্ৰুৱজ্যোতি বৰা উপস্থিত থাকে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন