কামৰূপ মহানগৰ জিলাৰ উপায়ুক্তৰ কাৰ্যালয়ত জিলা প্ৰশাসনৰ উদ্যোগত আৰু জিলা তথ্য আৰু জনসংযোগ বিষয়াৰ কাৰ্যালয়ৰ সহযোগত আজি ৰাষ্ট্ৰীয় প্ৰেছ দিৱস, ২০২২ উদযাপন কৰা হয়। জিলা উপায়ুক্ত পল্লৱ গোপাল ঝাৰ অধ্যক্ষতাত অনুষ্ঠিত এই প্ৰেছ দিৱসত অতিৰিক্ত উপায়ুক্ত ড° ধ্ৰুৱজ্যোতি হাজৰিকা, সহকাৰী আয়ুক্ত অনুৰাগ ৰুদ্ৰ, জিলা তথ্য আৰু জনসংযোগ কাৰ্যালয়ৰ বিষয়া মণিমালা গগৈ আৰু কেবাটাও সংবাদ প্ৰতিষ্ঠানৰ সাংবাদিকসকলে অংশগ্ৰহণ কৰে। সভাত গুৱাহাটী বিশ্ববিদ্যালয়ৰ ‘কমিউনিকেশ্বন এণ্ড জাৰ্নেলিজম’ বিভাগৰ অধ্যাপিকা ড° ভাৰতী ভৰালীয়ে এই বৰ্ষৰ আলোচ্য বিষয় ‘ৰাষ্ট্ৰ নিৰ্মাণত সংবাদ মাধ্যমৰ ভূমিকা’ৰ ওপৰত আলোকপাত কৰে। কবি কালিদাসৰ দিনৰে পৰা বিভিন্ন প্ৰসঙ্গ উল্লেখ কৰি তেওঁ কয় যে সংবাদ মাধ্যম হিচাপে কমিউনিটি ৰেডিঅৰো যথেষ্ঠ ভূমিকা আছে। তেওঁ সংবাদ মাধ্যমৰ নীতিগত আদৰ্শৰ ওপৰত প্ৰাধান্য দি সমাজখন আগুৱাই লৈ যাবলৈ সাংবাদিকসকলক আহ্বান জনায়। সভাত জিলা উপায়ুক্ত পল্লৱ গোপাল ঝায়ে তেওঁৰ বক্তব্যত সাংবাদিকসকলৰ নিৰ্ভীক আৰু নিৰপেক্ষ ভূমিকাৰ শলাগ লয় আৰু নিস্বাৰ্থভাৱে সমাজ উত্তৰোণৰ ক্ষেত্ৰত সাংবাদিকসকলক আত্মনিয়োগ কৰিবলৈ প্ৰেৰণা যোগায়। অতিৰিক্ত উপায়ুক্ত ড° ধ্ৰুৱজ্যোতি হাজৰিকাই সভাত মুখ্যমন্ত্ৰী ড° হিমন্ত বিশ্ব শৰ্মাই ৰাষ্ট্ৰীয় প্ৰেছ দিৱস উপলক্ষে দিয়া শুভেচ্ছাবাণী পাঠ কৰি দিয়ে।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে