কামৰূপ মহানগৰ জিলাৰ উপায়ুক্তৰ কাৰ্যালয়ত জিলা প্ৰশাসনৰ উদ্যোগত আৰু জিলা তথ্য আৰু জনসংযোগ বিষয়াৰ কাৰ্যালয়ৰ সহযোগত আজি ৰাষ্ট্ৰীয় প্ৰেছ দিৱস, ২০২২ উদযাপন কৰা হয়। জিলা উপায়ুক্ত পল্লৱ গোপাল ঝাৰ অধ্যক্ষতাত অনুষ্ঠিত এই প্ৰেছ দিৱসত অতিৰিক্ত উপায়ুক্ত ড° ধ্ৰুৱজ্যোতি হাজৰিকা, সহকাৰী আয়ুক্ত অনুৰাগ ৰুদ্ৰ, জিলা তথ্য আৰু জনসংযোগ কাৰ্যালয়ৰ বিষয়া মণিমালা গগৈ আৰু কেবাটাও সংবাদ প্ৰতিষ্ঠানৰ সাংবাদিকসকলে অংশগ্ৰহণ কৰে। সভাত গুৱাহাটী বিশ্ববিদ্যালয়ৰ ‘কমিউনিকেশ্বন এণ্ড জাৰ্নেলিজম’ বিভাগৰ অধ্যাপিকা ড° ভাৰতী ভৰালীয়ে এই বৰ্ষৰ আলোচ্য বিষয় ‘ৰাষ্ট্ৰ নিৰ্মাণত সংবাদ মাধ্যমৰ ভূমিকা’ৰ ওপৰত আলোকপাত কৰে। কবি কালিদাসৰ দিনৰে পৰা বিভিন্ন প্ৰসঙ্গ উল্লেখ কৰি তেওঁ কয় যে সংবাদ মাধ্যম হিচাপে কমিউনিটি ৰেডিঅৰো যথেষ্ঠ ভূমিকা আছে। তেওঁ সংবাদ মাধ্যমৰ নীতিগত আদৰ্শৰ ওপৰত প্ৰাধান্য দি সমাজখন আগুৱাই লৈ যাবলৈ সাংবাদিকসকলক আহ্বান জনায়। সভাত জিলা উপায়ুক্ত পল্লৱ গোপাল ঝায়ে তেওঁৰ বক্তব্যত সাংবাদিকসকলৰ নিৰ্ভীক আৰু নিৰপেক্ষ ভূমিকাৰ শলাগ লয় আৰু নিস্বাৰ্থভাৱে সমাজ উত্তৰোণৰ ক্ষেত্ৰত সাংবাদিকসকলক আত্মনিয়োগ কৰিবলৈ প্ৰেৰণা যোগায়। অতিৰিক্ত উপায়ুক্ত ড° ধ্ৰুৱজ্যোতি হাজৰিকাই সভাত মুখ্যমন্ত্ৰী ড° হিমন্ত বিশ্ব শৰ্মাই ৰাষ্ট্ৰীয় প্ৰেছ দিৱস উপলক্ষে দিয়া শুভেচ্ছাবাণী পাঠ কৰি দিয়ে।
Trending
- মৰিগাঁও জিলাৰ চৰ অঞ্চলত পুনৰসংস্থাপিত ৭৬ টা উচ্ছেদিত পৰিয়ালক এবিঘাকৈ মাটি আৱণ্টন দিয়াৰ বাবে প্ৰস্তাৱ গৃহীত-মহকুমা ভূমি উপদেষ্টা সমিতিৰ বৈঠকত উচ্ছেদিত লোকৰ স্থায়ী পুনৰসংস্থাপনৰ দিশত গুৰুত্বপূৰ্ণ সিদ্ধান্ত
- এক লাখ নিযুক্তি প্ৰদানৰ প্ৰতিশ্ৰুতি সম্পূৰ্ণ কৰাৰ পদক্ষেপ স্বৰুপে উচ্চ শিক্ষা বিভাগৰ সঞ্চালকালয়ৰ অধীনত ৫৮ গৰাকী প্ৰাৰ্থীলৈ নিযুক্তি পত্ৰ প্ৰদান
- Armed Forces Flag Day on 7th Dec
- কামৰূপ মহানগৰ জিলা আয়ুক্ত হিচাপে সুমিত ছাত্তাৱানৰ যোগদান
- বিভিন্ন বিভাগৰ সৈতে জনতা ভৱনত মন্ত্ৰী সিংহলৰ ৭ খনকৈ গুৰুত্বপূৰ্ণ বৈঠক
- ৰাসৰ মঞ্চত পথ-সুৰক্ষা সজাগতাৰ ব্যতিক্ৰমী কাৰ্যসূচী পৰিবহণ বিভাগৰ-সকলো সময়তে সুস্থ দেহ-মন ধৰি ৰাখিবলৈ হ’লে পথ-সুৰক্ষাৰ সজাগতা একান্তই আৱশ্যক
- ৰঞ্জিত হাজৰিকাৰ ভিন্নসুৰী গ্ৰন্থ শত জীৱন কত কথা উন্মোচন
- ৰঞ্জিত হাজৰিকাৰ ভিন্নসুৰী গ্ৰন্থ শত জীৱন কত কথা উন্মোচন
- ওদালগুৰি জিলাৰ চমুৱাপাৰা গেন্দ্ৰাজুলি বোঁৱতি জলসিঞ্চন আঁচনিৰ উদ্বোধন মন্ত্ৰী অশোক সিংহলৰ
- চচল শতদল শাখা সাহিত্য সভাৰ ২৩ সংখ্যক প্ৰতিষ্ঠা দিৱস উদযাপন