সমগ্ৰ দেশৰ লগতে শিৱসাগৰতো স্বামী বিবেকানন্দৰ ওপজা দিনটো ৰাষ্ট্ৰীয় যুৱ দিৱস হিচাপে শিৱসাগৰৰ সমীপৰ চেৰেকাপাৰ উচ্চ মাধ্যমিক বিদ্যালয়ৰ খেল পথাৰত উলহে মালহে উদযাপন কৰে ৷ বন্তি প্ৰজ্বলনেৰে দিৱসটিৰ শুভাৰম্ভ কৰে উপায়ুক্ত ডা: এম এচ লক্ষ্মীপ্ৰিয়াই ৷ উপায়ুক্ত গৰাকীয়ে ৰাষ্ট্ৰীয় যুৱ দিৱসৰ লগত সংগতি ৰাখি “খেল শিৱসাগৰ খেল”ৰ ২৭ টা প্ৰতিযোগিতাৰ ভিতৰত অন্যতম আৰ্চাৰীৰ চূড়ান্ত প্ৰতিযোগিতাখনিও অনুষ্ঠিত কৰাত আনন্দ প্ৰকাশ কৰে ৷ প্ৰতিযোগিতাখনি উদ্বোধন কৰি তেখেতে কয় যে ক্ৰীড়াৰ ক্ষেত্ৰত শিৱসাগৰ জিলাৰ এক ঐতিহ্য আছে, যি ঐতিহ্যই নৱ প্ৰজন্মক সদায়ে উৎসাহিত কৰি আহিছে ৷ “খেল শিৱসাগৰ খেল”ৰ ব্ৰেণ্ড এম্বেচাদৰ ভোগেশ্বৰ বৰুৱা এই দিৱসত বিশিষ্ট অতিথি হিচাপে উপস্থিত থাকি কয় যে মনোযোগিতা, অধ্যৱসায় আৰু নিয়মিত অনুশীলনৰ মাধ্যমেৰে আমাৰ উঠি অহা খেলুৱৈ তথা যুৱচামে ৰাষ্ট্ৰীয় আৰু আন্তৰাষ্ট্ৰীয় পৰ্যায়ত উজলি উঠিবলৈ সক্ষম হ’ব ৷ শিৱসাগৰ মহাবিদ্যালয়ৰ প্ৰাক্তন অধ্যক্ষ তথা শিৱসাগৰ বিবেকানন্দ কেন্দ্ৰৰ প্ৰভাৰী ড’ প্ৰকাশ কটকী নিমন্ত্ৰিত অতিথি হিচাপে উপস্থিত থাকি ৰাষ্ট্ৰীয় যুৱ দিৱসৰ তাৎপৰ্য বাখ্যা কৰাৰ লগতে স্বামী বিবেকানন্দৰ জীৱন পৰিক্ৰমাৰ ওপৰত গভীৰভাৱে আলোকপাত কৰে আৰু ছাত্ৰ- ছাত্ৰী তথা খেলুৱৈ সকলক তেখেতৰ আদৰ্শৰে উদ্বুদ্ধ হ’বলৈ আহ্বান জনায় ৷ স্বামী বিবেকানন্দই যুৱচামক নিজৰ জীৱনকালত কৰণীয়খিনি কিদৰে প্ৰণালীবদ্ধ ভাবে কৰি গ’লে সফলতা অৰ্জন কৰিব পাৰি সেই বিষয়েও তেখেতে উল্লেখ কৰে ৷খবৰ যুগুতালে শিৱসাগৰৰ পৰা দিল্লিস্তান খানে..
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে