নিৰাময়ৰ উদ্যোগত আৰু গুৱাহাটী চিকিৎসা মহাবিদ্যালয়ৰ নেত্ৰ ভঁড়ালৰ সহযোগত “নেত্ৰ দান সজাগতা পষেক ২০২২” উপলক্ষে নেত্ৰ দানৰ সজাগতা সন্দৰ্ভত আজি এখন ৱেবিনাৰ অনুষ্ঠিত হয়। ৱেবিনাৰখন উদ্বোধন কৰি গুৱাহাটী চিকিৎসা মহাবিদ্যালয়ৰ নেত্ৰ ভঁৰালৰ অধীক্ষক ডাঃ হিমন্ত নাথ হাজৰিকাদেৱে নেত্ৰদানৰ সজাগতাৰ ওপৰত ব্যক্তব্য ৰাখে। ৱেবিনাৰখনত নেত্ৰদানৰ বিষয়ে বিশদভাৱে আলোচনা আগবঢ়াই আন্তঃৰাষ্ট্ৰীয় খ্যাতি সম্পন্ন কৰ্ণিয়া চাৰ্জন ডাঃ অৰুন্ধুতি বৰঠাকুৰে। অন স্ক্ৰীন প্ৰেজেন্টেছনৰ জৰিয়তে তেখেতে সম্পূৰ্ণ নেত্ৰদান প্ৰক্ৰিয়াটোৰ বৰ্ণনা কৰে। লগতে ইয়াৰ সৈতে জড়িত অন্ধ বিশ্বাস আদিৰ ওপৰতো মন্তব্য কৰে। আন এগৰাকী বক্তা গুৱাহাটী চিকিৎসা মহাবিদ্যালয়ৰ চকু বিভাগৰ মুৰব্বী অধ্যাপিকা ডাঃ জ্যোতি ভূঞা বাইদেৱে নেত্ৰদান সম্পৰ্কে আলোচনা আগবঢ়াই। ৱেবিনাৰখনত অসমৰ বিভিন্ন প্ৰান্তৰ অৰ্ধ শতাধিক লোকে যোগদান কৰে আৰু শেষত প্ৰশ্ন উত্তৰ শিতানত ডাঃ অৰুন্ধুতি বৰঠাকুৰ বাইদেউ আৰু ডাঃ হিমন্ত হাজৰিকা দেৱে সকলো প্ৰশ্নৰে উত্তৰ দিয়ে। ৱেবিনাৰখনত আঁত ধৰে নিৰাময়ৰ ট্ৰাষ্টী পল্লৱী নেওগ বৰাই। ৱেবিনাৰখন পৰিচালনা কৰে নিৰাময়ৰ সভাপতি কুশল ডেকাই। শেষত গুৱাহাটী চিকিৎসা মহাবিদ্যালয়ৰ নেত্ৰ ভঁৰালৰ কৰ্মচাৰী হিৰকজ্যোতি শৰ্মাই নেত্ৰ ভঁৰালৰ যোগাযোগৰ নম্বৰ সমূহ দিয়ে। ৱেবিনাৰখনত যোগদান কৰি ইয়াক সফলভাৱে অনুষ্ঠিত কৰাত বৰঙণি আগবঢ়োৱা সকলো ব্যক্তিকে ই ছাৰ্টিফিকেট প্ৰদান কৰা হ’ব।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন