কৃষি কৰ্মৰে আদৰ্শ দেখুৱাইছে মনিকাই

আজিৰ যুগত পুৰুষ মহিলা সকলো ক্ষেত্ৰতে সমানে আগবাঢ়ি গৈছে।পুৰুষৰ সমানে কৃষি কৰ্ম কৰি সম্প্ৰতি চৰ্চালৈ আহিছে মাজুলীৰ এগৰাকী যুৱতী।মাজুলীৰ ফুলনিৰ মনিকা টাইড নামৰ যুৱতী গৰাকীয়ে নিজেই কোৰ মাৰি আহু,শালি,ৰবি খেতি কৰাৰ উপৰিও সামাজিক সেৱা মূলক কিছু কামৰ লগত জৰিত হৈ আছে।জানি সুখী হ’ব যে মনিকাই ঘৰৰ সমস্ত কাম কৰি ঘৰখনৰ প্ৰধান জনৰ দায়িত্ব পালন কৰি আহিছে ।যি সময়ত  একাংশ নিবনুৱাই কৰ্মৰ সন্ধানত স্বদেশ এৰি বৰ্হিৰাজ্যলৈ গৈছে,সেই সময়ত এই যুৱতী গৰাকীৰ কৰ্ম সকলোৱে বাবে চৰ্চাৰ বিষয় হৈ পৰিছে।