অসমীয়া সংগীত আৰু চিনেমাজগতলৈ জুবিন গাৰ্গৰ অপৰিসীম অৱদান উদযাপন কৰি জীৱন্ত কিংবদন্তিজনলৈ ৰেডিঅ’ গপ্-শ্বপ্ ৯৪.৩ এফ এমে উপহাৰ স্বৰূপে আগবঢ়াইছে তেওঁৰ জীৱনভিত্তিক প্ৰথমখন তথ্যচিত্ৰ

অসমীয়া সংগীত আৰু সংস্কৃতিৰ প্ৰচাৰ আৰু সংৰক্ষণত অগ্ৰণী ভূমিকা পালন কৰা আগশাৰীৰ ৰেডিঅ’ষ্টেচন গপ্-শ্বপ্ ৯৪.৩ এফ এমে শিল্পী জুবিন গাৰ্গৰ জীৱনৰ ওপৰত প্ৰথমখন তথ্যচিত্ৰ নিৰ্মাণ কৰাৰ কথা সগৌৰৱেৰে ঘোষণা কৰিছে।তথ্যচিত্ৰখনৰ লক্ষ্য হৈছে জুবিনৰ উল্লেখযোগ্য যাত্ৰা আৰু অসমীয়া সংগীত তথা চিনেমালৈ তেওঁৰ ব্যতিক্ৰমী অৱদানক সন্মান জনোৱা।তথ্যচিত্ৰখনত জুবিন গাৰ্গৰ আৰম্ভণিৰ পৰা বৰ্তমানৰ কৰ্মৰাজীলৈকে অসাধাৰণ যাত্ৰাক সামৰি লৈছে।

বিগত কেইটামান দশকজুৰি অসমীয়া সংগীত আৰু চিনেমাৰ পৰিৱেশ গঢ় দিয়াত অৰিহণা যোগোৱা ব্যতিক্ৰমী শিল্পী জুবিন গাৰ্গৰ প্ৰতি এই তথ্যচিত্ৰখন উপস্থাপন কৰি আমি ৰোমাঞ্চিত হৈছো ,গপ্-শ্বপ্ ৯৪.৩ এফ এমৰ পৰিচালন সঞ্চালক প্ৰতীক বৰদলৈয়ে কয় “এই তথ্যচিত্ৰখনে তেওঁৰ অপৰিসীম প্ৰতিভা, অটল নিষ্ঠা আৰু তেওঁৰ কলাৰ প্ৰতি অতুলনীয় আবেগৰ প্ৰমাণ হিচাপে কাম কৰিব। আমি বিশ্বাস কৰোঁ যে ই কেৱল অসমতে নহয়, সমগ্ৰ বিশ্বতে তেওঁৰ সকলো অনুৰাগীৰ বাবে এক আনন্দময় উপহাৰ হ’ব।