আঞ্চলিক বতৰ বিজ্ঞান কেন্দ্ৰৰ পদক্ষেপ

মহানগৰীৰ বৰঝাৰস্থিত আঞ্চলিক বতৰ বিজ্ঞান কেন্দ্ৰত মঙ্গলবাৰে শীত আৰু বতৰৰ খবৰ শীৰ্ষক এখনি কৰ্মশালা অনুষ্ঠিত হয় । উত্তৰ পূৰ্বাঞ্চলৰ বতৰ সম্পৰ্কীয় তথ্য সামৰি নতুন নতুন সংযোজনেৰে সফলতাৰ শীৰ্ষত আৰোহণ কৰিবলৈ লোৱাৰ কথাবোৰৰ বৰ্ণনা কৰা হয় । এই তথ্য সমূহ সংবাদ মাধ্যমৰ জৰিয়তে কিদৰে প্ৰকাশ কৰিলে উপকৃত হ’ব পাৰি তাৰ সম্পৰ্কত আলোচনা কৰা হয় । বৰ্তমানৰ উপ মহানিৰ্দেশক সঞ্জয়  নীলে আঁত ধৰা এই কৰ্মশালাত বতৰ বিজ্ঞান কেন্দ্ৰৰ অৱসৰপ্ৰাপ্ত উপ মহানিৰ্দেশক হৰ গোবিন্দ পাঠক , এছ এন ডেকা , বতৰ বিজ্ঞানী শোণিত দাস আদিকে ধৰি কেবাগৰাকীও বতৰ বিজ্ঞানীয়ে ভাষণ প্ৰদান কৰে । সম্প্ৰতি উত্তৰ পূৰ্বাঞ্চলৰ ৭খন ৰাজ্যৰ বতৰ সম্পৰ্কীয় সকলো তথ্য প্ৰতিমুহূৰ্তই বৰঝাৰস্থিত এই অঞ্চলিক বতৰ বিজ্ঞান কেন্দ্ৰই নিৰ্ভুলভাৱে সংগ্ৰহ কৰিব পৰাকৈ অত্যাধুনিক প্ৰযুক্তি ব্যৱহাৰ কৰিবলৈ সক্ষম হৈছে বুলিও জানিবলৈ দিয়ে ।