উপৰহালীত পাপৰ, আচাৰ, জাম জেলী মছলা পাওদাৰৰ প্রশিক্ষণৰ সফল সামৰণি

পলাশবাৰীৰ উপৰহালীস্থিত অসম গ্ৰামীণ বিকাশ বেংকৰ সহযোগত গ্রামীণ স্বনিয়োজন প্ৰশিক্ষণ প্ৰতিষ্ঠানত অলপতে পাপৰ,আচাৰ, জাম, জেলী, মছলা পাওদাৰৰ ১০ দিনীয়া বিনামূলীয়া প্ৰশিক্ষণ অলপতে অনুষ্ঠিত হৈ যায়। প্রশিক্ষণৰ আৰম্ভণিতে প্ৰশিক্ষণ শিৱিৰ মুকলি কৰে গ্ৰামীণ স্বনিয়োজন প্ৰশিক্ষণ প্ৰতিষ্ঠানৰ সঞ্চালক শংকৰ চক্ৰৱৰ্তীয়ে। সঞ্চালক চক্ৰৱৰ্তীয়ে সকলোকে স্বৱলম্বী হোৱাৰ ওপৰত ভাষণ প্ৰদান কৰি স্বৱলম্বী হোৱাৰ উপদেশ দিয়ে। অনুষ্ঠানত প্ৰশিক্ষক মিনাক্ষী গোস্বামীয়ে প্ৰশিক্ষাৰ্থীসকলক বেঙেনাৰ মিঠা আচাৰ,আমলখিৰ আচাৰ,মধুৰীয়ামৰ জেলি, বিলাহীৰ চচ আদিৰ লিখিত আৰু ব্যৱহাৰিক দিশৰ ওপৰত প্ৰশিক্ষণ প্ৰদান কৰে।ইয়াৰ পিছত মুনীন্দ্ৰ দাসে দাইলৰ গুৰিৰ পৰা বনোৱা পাপৰ,চাগু পাপৰ, আলু চিপচ্, কলৰ চিপচ্ আদি বিভিন্ন আচাৰৰ প্ৰশিক্ষণ প্ৰদান কৰে। প্ৰশিক্ষণত সৰ্বমুঠ ৩১ গৰাকী প্ৰশিক্ষাৰ্থীয়ে অংশ গ্ৰহণ কৰা প্ৰশিক্ষণত গ্ৰামীণ স্বনিয়োজন প্ৰশিক্ষণ প্ৰতিষ্ঠানৰ প্ৰশিক্ষক প্ৰণৱ শৰ্মাই বেংক বিষয়ৰ‌ ওপৰত আৰু ব্যৱসায়িক দিশৰ ওপৰত ভাষণ প্ৰদান কৰে।প্ৰশিক্ষণৰ অন্তত প্ৰশিক্ষাৰ্থীসকলক প্ৰমাণ পত্ৰ প্ৰদান কৰা হয়।