মুখ্যমন্ত্ৰী ডঃ হিমন্ত বিশ্ব শৰ্মাৰ নেতৃত্বত অসমক এখন সেউজ ৰাজ্যলৈ পৰিণত কৰা আৰু এক কৌটি গছপুলি ৰোপণৰে গ্ৰীনিজ বুক অফ ৱৰ্ল্ড ৰেকৰ্ডছত স্থান লাভৰ লক্ষ্যৰে ৮ ছেপ্টেম্বৰৰ পৰা ৰাজ্যজুৰি চলি আছে অমৃত বৃক্ষ আন্দোলন। ১৭ ছেপ্টেম্বৰত সামৰণি পৰিবলগীয়া এই আন্দোলনৰ জৰিয়তে ৯ টা দিনত ৰোপণ, বিতৰণ আদিকে ধৰি মুঠ ৯ টা অভিলেখ গঢ়াৰ বাবে লক্ষ্য নিৰ্দ্ধাৰণ কৰা হৈছে। আজি পৰ্যন্ত ছয়টা দিনত ইতিমধ্যে ছয়টা অভিলেখ স্থাপন কৰা হৈছে।ইফালে ৰাজ্যজুৰি চলি থকা এই অভিযানত গুৱাহাটীৰ নাগৰিকেও যাতে ১৭ ছেপ্টেম্বৰত গছপুলি ৰোপণ অভিযানত ভাগ লব পাৰে তাৰ বাবে বন বিভাগৰ গুৱাহাটী আঞ্চলিক বন বিষয়াৰ কাৰ্যালয়ে ব্যাপক তৎপৰতা আৰম্ভ কৰা পৰিলক্ষিত হৈছে। ইয়াৰ বাবে কামৰূপ মহানগৰ জিলা প্ৰশাসনৰ সহযোগত নাগৰিকৰ মাজত বিতৰণৰ বাবে জিলাখনৰ সকলো চক্ৰ বিষয়াৰ কাৰ্যালয়, , খণ্ড উন্নয়ন বিষয়াৰ কাৰ্যালয় অাৰু গাঁও পঞ্চায়তৰ কাৰ্যালয় , বিভিন্ন শিক্ষা প্ৰতিষ্ঠানসহ ৩২ টা বিতৰণ কেন্দ্ৰ স্থাপন কৰা হৈছে। বন বিভাগৰ সূত্ৰই সদৰি কৰা অনুসৰি গুৱাহাটী মহানগৰীত ১৭ ছেপ্টেম্বৰত ১.১৭ লাখ টা গছপুলি ৰোপণৰ লক্ষ্য নিৰ্দ্ধাৰণ কৰা হৈছে। মুঠ ৩২ টা কেন্দ্ৰত গছপুলি যোগানৰ বাবে জালুকবাৰীস্থিত অসম বন বিদ্যালয়, খানামুখ খণ্ড বন বিষয়া অাৰু চন্দ্ৰপুৰ খণ্ড বন বিষয়া কাৰ্যালয়ত গছপুলি মজুতকৰণৰ ব্যৱস্থা কৰা হৈছে। কালি আৰু আজি দুটা দিনত এই ৩২ টা কেন্দ্ৰলৈ ৩৯,৫০০ টাৰো অধিক গছপুলি যোগান ধৰা হয়। তাৰ ভিতৰত ২৫,১৪৮ টা অগৰু , ১২,৮১৪ টা মেহগণি আৰু ১,৮৫৮ টা বগীপমা গছপুলি যোগান ধৰা হয়। উল্লেখযোগ্য যে মুখ্যমন্ত্রী ডঃ হিমন্ত বিশ্ব শর্মাই কিছুদিন পূর্বে এক কৌটি বাণিজ্যিক গছপুলি ৰোপণ অভিযানত ভাগ লৈ এগৰাকী সেউজ সেনানী হবলৈ ৰাজ্যবাসীক আহ্বান জনাইছিল। সেই আহ্বানৰ প্ৰতি সহাৰি জনাই ৰাজ্যৰ বিভিন্ন প্ৰান্তৰ ৪৭.৩৯ লাখৰা অধিক লোকে নির্দিষ্ট পৰ্টেলত নাম পঞ্জীয়ন কৰিছিল।
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ