গুৱাহাটীৰ পশ্চিম প্ৰান্তৰ আজাৰাস্থিত গিৰিজানন্দা চৌধুৰী ইনষ্টিটিউট অফ মেনেজমেণ্ট টেকনোলজী চমুকৈ জি আই এম টিত প্ৰথম বাৰৰ বাবে ১২ মে’ৰ পৰা তিনিদিনীয়াকৈ অনুষ্ঠিত টেকমিলাপ ২০২২ ১৪ মে’ৰ নিশা সাংস্কৃতিক অনুষ্ঠানৰে সামৰণি পৰে । ১২ মে’ত বন্তি প্ৰজ্বলনৰে টেকমিলাপ কাৰ্যসূচীৰ শুভাৰম্ভ কৰে গুৱাহাটীৰ শ্ৰীমন্ত শংকৰদেৱ একাডেমী চ’ছাইটিৰ সভাপতি ৰাতুল দাসে । এই উপলক্ষে জি আই এম টিৰ অধ্যক্ষ অধ্যাপক থুলেশ্বৰ নাথৰ আদৰণি ভাষণৰে শুভাৰম্ভ হোৱা অনুষ্ঠানত মুখ্য অতিথি হিচাপে ভাগ লৈ মহানগৰ আৰক্ষীৰ গুৱাহাটী পশ্চিম জিলাৰ উপ আৰক্ষী আয়ুক্ত নৱনীত মহন্তই অসমৰ কাৰিকৰী শিক্ষাৰ ক্ষেত্ৰখনত অৱদান আগবঢ়াই অহা জি আই এম টিয়ে ছাত্ৰ – ছাত্ৰী সকলক পুনৰ এখন প্লেটফৰ্ম দিয়াৰ বাবে এনে ধৰণৰ অনুষ্ঠান – প্ৰতিযোগিতা অনুষ্ঠিত কৰাৰ বাবে প্ৰতিষ্ঠানখনৰ শলাগ লয় । অনুষ্ঠানত সন্মানীয় অতিথি হিচাপে আই আই টি, গুৱাহাটীৰ উপ সঞ্চালক অধ্যাপক শশীন্দ্ৰ কুমাৰ কাকতিয়ে ভাগ লৈ কাৰিকৰী শিক্ষাৰ প্ৰয়োজনীয়তা আদিৰ ওপৰত বাখ্যা দাঙি ধৰে । আনহাতে টেকমিলাপৰ লগত সংগতি ৰাখি অনুষ্ঠিত বিভিন্ন প্ৰতিযোগিতাত গুৱাহাটীকে ধৰি ৰাজ্যৰ বিভিন্ন শিক্ষা প্ৰতিষ্ঠানৰ প্ৰায় পাঁচশ ছাত্ৰ – ছাত্ৰীয়ে ভাগ লয় । ১৪ মে’ৰ বিয়লি অনুষ্ঠিত সামৰণি অনুষ্ঠানত প্ৰতিযোগিতাৰ বিজয়ী সকলক বঁটা আৰু মানপত্ৰ সমূহ বিতৰণ কৰা হয় । সন্ধিয়া অনুষ্ঠিত সাংস্কৃতিক অনুষ্ঠান মুকলি কৰে বিশিষ্ট শিল্পী তন্ময় শইকীয়াই । অনুষ্ঠানত কেবাজনো ছাত্ৰ – ছাত্ৰীৰ উপৰিও আমন্ত্ৰিত শিল্পীয়ে নৃত্য প্ৰদৰ্শন আৰু সংগীত পৰিবেশন কৰি উপস্থিত সকলোকে আপ্লুত কৰে।
Trending
- আজি চৰ্চা লাভ কৰিলে এই ভোট কেন্দ্রটোৱে
- দুৰন্ত তৰুণ ঘনশ্যাম শইকীয়াৰ ১০৮ বছৰীয়া জন্মজয়ন্তী উদযাপন
- গুৱাহাটীত যুৱ মৰ্চাৰ তিনি সহস্ৰাধিক বাইকেৰে বিশাল ৰেলী- বাইক ৰেলীৰ শুভাৰম্ভণি কৰে মুখ্যমন্ত্ৰী ডঃ হিমন্ত বিশ্ব শৰ্মাই
- বাইক ৰেলী অনুষ্ঠিত
- ৩৫ লাখ বাজেটেৰে সাজু মহঘুলি চাপৰি-ফাটবিহু উদযাপনকলৈ মহঘুলি চাপৰিত সংবাদমেল
- কামৰূপ মহানগৰত নিৰ্বাচনী প্ৰস্তুতি চূড়ান্ত পৰ্যায়ত-জিলা নিৰ্বাচন বিষয়াৰ বিশেষ পৰ্যালোচনা সভা
- Medical conference by Indian Army on high altitude illness
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন