ডিব্ৰুগড়ত বাঁহেৰে সাজিলে ইণ্ডিয়া গেট, আইফেল টাৱাৰ

ডিব্ৰুগড় এজন সাধাৰণ ব্যক্তিৰ অসাধাৰণ প্ৰতিভাই সকলোকে মোহিত কৰিছে । ব্যক্তিজনৰ হাতৰ পৰশত প্ৰাণ পাই উঠিছে সম্পূৰ্ণ বাঁহেৰে নিৰ্মিত ৩ফুট উচ্চতাৰ ইণ্ডিয়া গেট, আৰু আঢ়ৈফুট উচ্চতাৰ আইফেল টাৱাৰ ।ডিব্ৰুগড় চহৰৰ অ’ল্ড ডি.চি বাংলা পথত বাস কৰা বিবেক পল নামৰ লোকজনে নিজস্ব কৌশলেৰে নিৰ্মাণ কৰি উলিয়াইছে এই ইণ্ডিয়া গেট আৰু আইফেল টাৱাৰ। উল্লেখ্য যে, সুদীৰ্ঘ বছৰ ধৰি বিবেকে ব্যৱসায়ৰ লগত জড়িত আছে। তাৰ মাজতে সময় উলিয়াই বিভিন্ন ধৰণৰ সৌন্দৰ্য্য বৰ্ধক সামগ্ৰী বাঁহ আৰু বেতেৰে নিৰ্মাণ কৰি আহিছে আৰু অজস্ৰজনৰ পৰা বিশেষ সমাদৰ লাভ কৰিবলৈ সক্ষম হৈছে। শেহতীয়াকৈ পলে বাঁহেৰে তিনিফুট উচ্চ ইণ্ডিয়া গেট নিৰ্মাণ কৰি বিশেষ চৰ্চা লাভ কৰিছে ডিব্ৰুগড় চহৰত।