দক্ষিণ এছীয় চুটি ছবি মহোৎসৱলৈ ‘লাচিত–দ্য ৱাৰিয়ৰ’

চলচ্চিত্র প্ৰেমীসকললৈ সুখবৰ ৷ এজন সুদক্ষ আৰক্ষী বিষয়া পার্থসাৰথি মহন্ত পৰিচালিত ‘লাচিত–দ্য ৱাৰিয়ৰ’ তথ্যচিত্রখন ষষ্ঠ দক্ষিণ এছীয় চুটি ছবি মহোৎসৱলৈ নির্বাচিত হৈছে৷ কর্মজীৱনৰ সমান্তৰালভাৱে সাংস্কৃতিক ক্ষেত্রখনৰ লগত ওতপ্রোতভাৱে জডিত মহন্তৰ এই তথ্যচিত্রখনে ইতিমধ্যে জয়পুৰ ফিল্ম ফেষ্টিভেলত শ্রেষ্ঠ পৰিচালকৰ বঁটা লাভ কৰাৰ লগতে শ্রেষ্ঠ তথ্যচিত্রৰো বঁটা লাভ কৰিছিল ৷আনহাতে মুম্বাইত অলপতে অনুষ্ঠিত নর্থ–ইষ্ট ফিল্ম ফেষ্টিভেলতো লাচিত–দ্য ৱাৰিয়ৰে অফিচিয়েল ছিলেকচনৰ তালিকাত অন্তর্ভুক্ত হৈছিল৷উল্লেখ্য যে ৩ জুলাইৰ পৰা ৮ জুলাইলৈ কলকাতাৰ নন্দন ফিল্ম চেণ্টাৰত অনুষ্ঠিত হ’ব লগা ৬ষ্ঠ দক্ষিণ এছীয় চুটি ছবি মহোৎসৱত প্রদর্শিত হ’ব ‘লাচিত–দ্য ৱাৰিয়ৰ’৷