ভূ -অলংকাৰ দিৱস উদযাপন

গুৱাহাটীৰ কেন্দ্ৰীয় কাৰাগাৰত ইংৰাজী শুক্ৰবাৰে সংস্কাৰ ভাৰতীৰ উত্তৰ অসম প্ৰান্তে এক ব্যতিক্ৰমী অনুষ্ঠানেৰে ভূ-অলংকাৰ দিৱস উদযাপন কৰে । সভাত উপস্থিত থাকে উওৰ অসম প্ৰান্তৰ সাধাৰণ সম্পাদক পুলকেশ বৰুৱা, সজল দাস ,কিশোৰ দাস , মাৰ্গ দৰ্শক বিশ্বেশ্বৰ গোস্বামী, মহানগৰৰ সভাপতি ৰুমী ভূঞা , সম্পাদক বেদব্ৰত শইকীয়া , সম্পাদক মণিষা মজুমদাৰ বৰুৱা, প্ৰাচীন কলা প্ৰমুখ চন্দ্ৰাশ্ৰী চক্ৰৱৰ্তী, ভূ-অলংকাৰ বিধা প্ৰমুখ মীনা মজুমদাৰ , কাৰ্য্যালয় প্ৰমুখ মনজিৎ শৰ্মাকে ধৰি কেইবাজনো উত্তৰ অসম প্ৰান্তৰ বিষয়ববীয়া সভাত উপস্থিত থাকে । কেন্দ্ৰীয় কাৰাগাৰাৰ অধীক্ষক দিবাকৰ মালাকাৰ , জেলাৰ পৰিনিতা বৰুৱাকে ধৰি কেইবাজন সহ জেলাৰে ভূ-অলংকাৰ দিৱসৰ ওপৰত বক্তব্য ৰাখে । সাধাৰণ সম্পাদক পুলকেশ বৰুৱাৰ সুন্দৰ ভাষণত সকলো মুগ্ধ হয় । জেলৰ বিষয়ববীয়া আৰু সংস্কাৰ ভাৰতী উত্তৰ অসম প্ৰান্তৰ সকলো বিষয়ববীয়াৰ সহযোগত বিভিন্ন গীত, নৃত্যৰে অনুষ্ঠানটি সুন্দৰ কৈ সজাই তোলে । অসমৰ জাপি ভূ-অংলকাৰ দিৱসত সকলো প্ৰান্ততে ৰঙ্গুলিৰে সজোৱা হৈছে। মুঠতে অতি সুন্দৰ আৰু ব্যতিক্ৰমী এটা অনুষ্ঠান সংস্কাৰ ভাৰতী উত্তৰ অসম প্ৰান্তে কেন্দ্ৰীয় কাৰাগাৰত অনুষ্ঠিত কৰে।