মিৰ্জাত বিশ্ব ক্ৰীড়া সাংবাদিকতা দিৱস উদযাপন

অসমৰ সংবাদ জগতৰ আজি এক গৌৰৱৰ দিন। চলিত বৰ্ষতে অসমৰ ক্ৰীড়া সাংবাদিকতাই এশ বছৰত পদাৰ্পন কৰিছে। ১৯২৩ চনৰ ১ জুলাইত চন্দ্ৰ কুমাৰ আগৰৱালাৰ প্ৰকাশিত ‘অসমীয়া’নামৰ কাকতখনত অবিভক্ত অসমৰ প্ৰথমটো ক্ৰীড়া সংবাদ প্ৰকাশ পাইছিল। অসম ক্ৰীড়া সাংবাদিক সংস্থাই অসমৰ ক্ৰীড়া সাংবাদিকতাৰ শতবৰ্ষ এই ঐতিহাসিক ক্ষণটো সমগ্ৰ অসমবাসীৰ বাবে চিৰস্মৰণীয় কৰি ৰাখিবলৈ বৰ্ষজোৰা (২ জুন ২০২২ চনৰ পৰা ১ জুন ২০২৩ চনলৈ) বিভিন্ন কাৰ্যসূচীৰে উদযাপন কৰাৰ সিদ্ধান্ত গ্ৰহণ কৰিছে। এই বিশ্ব ক্ৰীড়া সাংবাদিকতা দিৱস উপলক্ষে আজি দক্ষিণ কামৰূপৰ মিৰ্জাত এখন সভা অনুষ্ঠিত হয়। সংবাদিক হিতেন মালীৰ পৌৰোহিত্যত অনুষ্ঠিত সভাৰ উদ্দেশ্যে ব্যাখ্যা কৰে সাংবাদিক নীৰেন মালীয়ে। সভাত সাংবাদিক হিতেশ কলিতা, দোলন কলিতা, ধৰ্মেন্দ্ৰ দাস, গিৰীন্দ্ৰ কলিতা, জীতুমণী দাস, বিকাশ দাস আদিয়ে উপস্থিত থাকে। সভাত সাংবাদিক হিতেন মালী, নিৰেন মালী, গিৰীন্দ্ৰ কলিতাই বিশ্ব ক্ৰীড়া সাংবাদিকতা দিৱস উপলক্ষে ভাষণ প্ৰদান কৰে।