সমাজ সেৱা আৰু সাহিত্যচর্চাক এক সুস্থ পৰিৱেশত আগবঢ়াই দিবলৈ সক্ষম হোৱা জ্যোতিষ্মান এখোজ আগলৈ শীৰ্ষক সংস্থাৰ প্ৰথমখন বাৰ্ষিক অধিবেশন মৰাণত আয়োজনৰ যো-জা কৰা হৈছে।১৩ নৱেম্বৰত মৰাণৰ টাই শিক্ষা আৰু গৱেষণা কেন্দ্ৰত এই বাৰ্ষিক অধিবেশনৰ অনুষ্ঠিত হ’ব।সংস্থাৰ কেন্দ্ৰীয় কমিটিৰ সভানেত্রী মণিজ্যোতি বৰগোহাঞি আৰু সাধাৰণ সম্পাদিকা ৰুমী দত্তই এই কথা জনাইছে।এই বাৰ্ষিক অধিবেশনৰ লগত সংগতি ৰাখি সাহিত্য-সংস্কৃতিক বিভিন্ন কাৰ্যসূচী গ্ৰহণ কৰা হৈছে।উল্লেখনীয় যে,ফেচবুক আদি সামাজিক মাধ্যমত যেতিয়া গদ্য-কবিতা আদিৰ চৰ্চা লেকাম বিহীন হৈ পৰিছে।এইবোৰৰ গুণগত মানদণ্ড তথা দায়বদ্ধতাকলৈ প্ৰশ্ন উত্থাপিত হৈছে, সেইখিনি সময়তে এচামে প্ৰগতিশীল তথা সমাজৰ প্ৰতি দায়বদ্ধ লেখক-লেখিকাৰ উদ্যোগত সামাজিক মাধ্যমত সাহিত্য সংস্কৃতিৰ চর্চাক সুস্থ ৰূপত প্ৰতিফলিত কৰাৰ লক্ষ্যৰে ২০২১ চনৰ ৬ ছেপ্টেম্বৰত জ্যোতিষ্মান এখোজ আগলৈ গোটটো আৰম্ভ হয়।পৰিৱৰ্তিত সময়ৰ সৈতে খাপ খোৱাকৈ অসমীয়া ভাষা সাহিত্যৰ চৰ্চাত নতুনত্ব অনাৰ লগতে বিভিন্ন ধৰণৰ পৰীক্ষামূলক প্ৰয়াসো গোটটোৰ মজিয়াত পৰিলক্ষিত হৈ আহিছে।সাহিত্য চৰ্চা সমান্তৰালকৈ বিভিন্ন জন-হিতৈষী কাৰ্যৰে সমাজত অনুপ্ৰেৰণামূলক পৰিবেশ সৃষ্টিৰ লক্ষ্য সন্মুখত ৰাখি আৰম্ভ হোৱা জ্যোতিষ্মান এখোজ আগলৈ নামৰ গোটটো অতি কমসময়ৰ ভিতৰতে সাহিত্য অনুৰাগী মাজত জনপ্ৰিয় হৈ পৰে।অসমৰ ভিন্ন প্ৰান্তৰ চাৰি সহস্ৰাধিক অনুৰাগী থকা এই গোটটো বৰ্তমান অকল সামাজিক মাধ্যমৰ ভাৰ্চুৱেল পৃথিৱীখনতে আবদ্ধ হৈ থাকিব বিচৰা নাই।পাৰ্থিৱভাৱেও যাতে সাহিত্যচর্চা আৰু সমাজসেৱাক সুদূৰপ্ৰসাৰী তথা সৰ্বজন সমাদৃত কৰিব পৰা যায় তাৰ বাবে বিভিন্ন পৰিকল্পনা গোটটোৰ কৰ্মকর্তাসকলে হাতত হৈছে।তাৰেই এক অংশ হিচাপে মৰাণত অনুষ্ঠিত কৰিবলৈ লোৱা গোটটোৰ প্ৰথমখন বাৰ্ষিক অধিবেশন সাফল্যমণ্ডিত কৰাৰ বাবে স্থানীয় ৰাইজে তথা সংবাদমাধ্যমৰ সহযোগিতা কামনা কৰিছে।
Trending
- Brahmaputra Conclave on Balancing Development and Ecology Held in Guwahati
- ৰাণীৰ এলিফেণ্ট কৰিডৰত হাতীৰ সুৰক্ষামূলক ফলক স্থাপন
- গুৱহাটী বিশ্ববিদ্যালয় এন এছ এছ কোষৰ উদ্যোগত বন মহোৎসৱ পালন
- গুৱাহাটীত ৩২তম অসম ৰাজ্যিক একুৱেটিক চেম্পিয়নশ্বিপ
- KARGIL MARTYR CAPT JINTU GOGOI, VrC REMEMBERED ON 26th MARTYRDOM DAY
- সম্পূৰ্ণ বিদ্যুৎচালিত ব্যৱস্থাৰে ডিব্ৰুগড়লৈ চলাচল কৰিছে ৰাজধানী এক্সপ্ৰেছ
- সৰ্বভাৰতীয় পৰ্যায়ত উজলি উঠিছে তামুলপুৰ উন্নয়ন খণ্ড-দেশৰ ৫০০টা উন্নয়ন খণ্ডৰ ভিতৰত প্ৰথম স্থান
- মালামাল বয়জৰ ট্ৰেইলাৰ মুকলি- মুক্তিপূৰ্বেই ব্যাপক চৰ্চা
- আন্তৰ্জাতিক ড্ৰাগছ অপব্যৱহাৰ আৰু অবৈধ সৰবৰাহ বিৰোধী দিৱস
- কাঁহিকুছিৰ উদ্যান শস্য গবেষণা কেন্দ্ৰৰ তত্বাবধানত পার্থেনিয়াম সজাগতা অভিযান