লোকগীত সম্ৰাট ৰামেশ্বৰ পাঠক সোঁৱৰণী আন্তঃবিদ্যালয় লোকগীত প্ৰতিযোগিতা

লোকগীতৰ মুকুট বিহীন সম্ৰাট, কিংবদন্তী শিল্পী প্ৰয়াত ৰামেশ্বৰ পাঠকৰ সোঁৱৰণিত গুৱাহাটীৰ আৰ্য এলুমনি ফ’ৰামে অহা ২৫ জানুৱাৰীত কামৰূপ মহানগৰ জিলা ভিত্তিত লোকগীত সম্ৰাট ৰামেশ্বৰ পাঠক সোঁৱৰণী আন্তঃবিদ্যালয় লোকগীত প্ৰতিযোগিতাৰ আয়োজন কৰিছে। ফৰামৰ সভাপতি বিজয়ানন্দ চৌধুৰী আৰু সম্পাদক অনিল দাসে এটা বিবৃতিত জানিবলৈ দিয়া মতে সিদিনা পুৱা ১০ বজাৰ পৰা আৰ্য বিদ্যাপীঠ উচ্চতৰ মাধ্যমিক আৰু বহুমুখী বিদ্যালয়ৰ প্ৰেক্ষাগৃহত অনুষ্ঠিত হবলগীয়া প্ৰতিযোগিতাখনত ষষ্ঠ শ্ৰেণীৰ পৰা দ্বাদশ শ্ৰেণীলৈ অধ্যয়নৰত শিক্ষাৰ্থী সকলে ভাগ লব পাৰিব। আনহাতে প্ৰতিযোগিতাত যোগদান কৰিব বিচৰা আগ্ৰহী প্ৰতিযোগী সকলে এই বিষয়ে কিবা জানিব বিচাৰিলে ৯৮৬৪০২৮৮৫৯, ৯৪৩৫১৯১৭৯৬, ৯৪৩৫৩৪৮৭১৯ মবাইল নম্বৰত যোগাযোগ কৰিব পাৰিব বুলি ফৰামৰ প্ৰচাৰ বিভাগৰ দায়িত্ববাহী হোমেন পেগুৱে জানিবলৈ দিছে।