মানুহে জনা মানুহৰ পৰা কথা শিকিব নিবিচাৰে ।সেয়ে মই বন্ধুৰ দৰে কথাকৈ ইউটিউৱৰ ভিডিঅ’ বোৰ বনাও।মানুহে ভাল পায়।তেনেকৈয়ে ভিউৱাছ বাঢ়ে।এইষাৰ কথা ডিম্পু বৰুৱাৰ।বৰ্তমান সময়ৰ অসমৰ এজন সফল ইউটিউৱাৰ হ’ল ডিম্পু বৰুৱা।নলবাৰী ডিম্পু বৰুৱাৰ নিজৰ নামেৰে ইউটিউৱত দুটাকৈ চেনেল আছে।চেনেল দুটাৰ জৰিয়তে ডিম্পুৱে বহুতো জানিবলগীয়া তথ্য, জ্ঞান, ৰসাল কথাৰে ব্যক্ত কৰে।উল্লেখযোগ্য যে ডিম্পুৰ কথনশৈলীত আছে এক বিশেষ প্ৰকাশভংগী।যাৰ বাবে ডিম্পুৱে নিচেই কম দিনৰ ভিতৰতে অসমৰ এজন আগশাৰীৰ ইউটিউৱাৰ হিচাপে স্বীকৃতি পাইছে।ডিম্পুৱে ইউটিউৱ চেনেলৰ জৰিয়তে উপাৰ্জন কৰিবলৈ সক্ষম হৈছে ।তেওঁৰ চেনেলৰ জনপ্ৰিয়তাৰ বাবে অলপতে আমেৰিকাৰপৰা YouTube silver play button আৰু বিশেষ মানপত্ৰ লাভ কৰিবলৈ সক্ষম হৈছে ।শিক্ষামূলক আৰু ভ্ৰমণ বিষয়ক চেনেলৰ কথা কিদৰে মনলৈ আহিল বুলি সোধাৰ এক প্ৰশ্নৰ উত্তৰত তেওঁ কয় যে সেই সময়ত এনে ধৰণৰ চেনেলৰ অভাৱে এনে চেনেল আৰম্ভণিৰ মূল হোতা।যাৰ ফলশ্ৰুতিত সমাজৰ বাবে কিবা এটা বেলেগ কৰা মানসিকতাৰ গুৰিতে এই চেনেলৰ আৰম্ভ হ’ল।ডিম্পুৰ মতে উপস্থাপনৰ শৈলী, কথন ভংগীৰে তেওঁৰ চেনেলক বিশেষ কৰি ৰাখিছে।ডিম্পুৱে প্ৰস্তুত কৰা জিঅ’ৰ হিষ্ট্ৰী আৰু বগীবিল শীৰ্ষক ভিডিঅ’টোৰ সৰ্বোচ্চ ভিজিটৰৰ সংখ্যা ৮লাখ অতিক্ৰম কৰিছে।ৰাতিটোৰ ভিতৰতে লাখ লাখ ভিউৱাছৰ নয়নৰ মণি হৈ পৰা ডিম্পুৰ এই যাত্ৰা অব্যাহত থাকক।আমি জনালো অলেখ শুভকামনা ।
Trending
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা
- মিচিং জাতীয় সংগঠনৰ বিশ্ব ধৰিত্ৰী দিৱস পালন
- বৰুৱাৰ সংসাৰ প্ৰদৰ্শিত হ’ব ভাৰতীয় চলচ্চিত্ৰ মহোৎসৱত
- এয়াৰটেলৰ ৰোমিং পেক উন্মোচন
- কাছাৰত অ গ পৰ সভাপতি নির্বাচনী প্ৰচাৰ
- ধৰিত্ৰী দিৱস আৰু প্ৰকৃতিপ্ৰেমী মঞ্চৰ প্ৰতিষ্ঠা দিৱস উপলক্ষে হাতীৰ খাদ্য উদ্ভিদ ৰোপন কাৰ্যসূচী
- পলাশবাৰীত সাহিত্য সংস্কৃতি বিকাশ গোষ্ঠী “কামৰূপৰ সাধাৰণ সভা
Congrats dimpu da