“XOBDO.ORG ভৱিষ্যদৰ্শন ২০২২-২৭” শীৰ্ষক অনলাইন কৰ্মশালা সম্পন্ন

XOBDO.ORG ভৱিষ্যদৰ্শন ২০২২-২৭” দস্তাবেজৰ ওপৰত আধাৰ কৰি পৰিকল্পনা কৰা প্ৰকল্পবোৰৰ বিষয়ে ১৩ মাৰ্চ তাৰিখে সন্ধিয়া ৭বজাত জুম(Zoom) মাধ্যমত অনুষ্ঠিত কৰ্মশালাত আলোচনা কৰা হয় । ‘শব্দ সংঘ’ৰ প্ৰচাৰ সম্পাদক ড° বুলজিৎ বুঢ়াগোহাঁয়ে আঁত ধৰা কৰ্মশালাখনত বিক্ৰম এম. বৰুৱা আৰু পল্লৱ শইকীয়াই প্ৰকল্পবোৰৰ বিষয়ে ব্যাখ্যা আগবঢ়ায় । লগতে আগ্ৰহী স্বেচ্ছাসেৱক, উদ্যমী লোক, উদ্যোগী, গৱেষক, কৰ্মচাৰী আৰু আৰ্থিক পৃষ্ঠপোষক চিনাক্ত কৰাৰ অৰ্থে প্ৰস্তুত কৰা প্ৰশ্নাৱলী ৰাইজলৈ আগবঢ়ায় । এই কৰ্মশালাৰ আলোচনাটো ‘শব্দ সংঘ’ৰ ইউটিউব চেনেল (https://www.youtube.com/user/xobdotv/videos)ত আগ্রহীসকলে চাব পাৰিব । এই কৰ্মশালাত দেৱজিৎ ভৰালী, অঞ্জনা বৰদলৈ, তাৰা ভূঞা , পংকজ কুমাৰ দত্ত , সমাদৃতা গোস্বামী, দিব্যজ্যোতি বৰগোহাঁই, ড° পুণ্য লতা গোহাঁই, প্রশান্ত বৰা আদিয়ে গঠনমূলক পৰামৰ্শ আগবঢ়ায় ।