সমন্বয় নীতিৰে উদ্বুদ্ধ হ’ব লাগিব -মুখ্যমন্ত্ৰী

স্বৰ্গদেউ চুকাফাই যি সমন্বয় নীতি প্ৰদান কৰি গৈছে আমি তাৰ দ্বাৰা উদ্বুদ্ধ হ’ব লাগিব।দক্ষিণ পূব এছিয়াত আহোম সকলে শাসন ব্যৱস্থাৰ জৰিয়তে শক্তিশালী ইতিহাস ৰচনা কৰি গৈছে।এই মন্তব্য মুখ্যমন্ত্রী সৰ্বানন্দ সোণোৱালৰ।চৰাইদেউত আজি কেন্দ্রীয়ভাৱে আয়োজিত মে ডাম মে ফি অনুষ্ঠানত অংশগ্রহণ কৰি মুখ্যমন্ত্রী সোণোৱালে কয় যে ৪২ গৰাকী স্বৰ্গদেউৰ স্মৃতি সুৰক্ষিত কৰাৰ অৰ্থে স্মৃতি ক্ষেত্র নিৰ্মাণৰ কৰা হ’ব।সাতামপুৰুষীয়া মূল্যবোধক জীয়াই ৰাখিবলৈ ৰাজ্য চৰকাৰ বদ্ধপৰিকৰ বুলি উল্লেখ কৰি চৰকাৰৰ বিভিন্ন পদক্ষেপ সমূহক আলোকপাত কৰে।আজিৰ অনুষ্ঠানত কেন্দ্রীয় খাদ্য সংশাধন দপ্তৰৰ ৰাজ্যিক মন্ত্রী ৰামেশ্বৰ তেলী,সাংস্কৃতিক মন্ত্রী নৱ কুমাৰ দলে,দুৰ্যোগ ব্যৱস্থাপনা বিভাগৰ মন্ত্রী যোগেন মহন,সাংসদ তপন গগৈ,যুৱ কল্যাণৰ উপদেষ্টা সমিতিৰ সদস্য সচিব লক্ষ্য কোঁৱৰ, বিধায়ক নৱনীতা সন্দিকৈ,কুশল দুৱৰী আদিকে ধৰি বহুকেইজন গণ্য মান্য ব্যক্তি উপস্থিত থাকে।