২০ জুন ২০১৬। ভৰ বাৰিষাৰ খহনীয়াই তাণ্ডৱ চলাইছিল সমগ্ৰ ৰাজ্যতে। বাৰিষাৰ বলীয়া বানে উতুৱাই লৈ গৈছিল সকলোৰে সা-সম্পত্তি। ঠিক একে দুৰ্দশাৰ সন্মুখীন হৈছিল টংকেশ্বৰহতঁৰ গাওঁখনতো। লীনা পেগু নামৰ এগৰাকী মহিলাই এখন নাৱেৰে ধান আনি থাকোতে পানীৰ কোবাল সোঁতত নাওখন বুৰ যোৱাত লীনা পেগু পানীত পৰে।চকুৰ সন্মুখতে এনে দৃশ্য প্ৰত্যক্ষ কৰি টংকেশ্বৰ ও পানীত জাপ দিয়ে। টংকেশ্বৰে নিজৰ প্ৰাণকো তুচ্চ জ্ঞান কৰি মহিলা গৰাকীক চুলিত ধৰি টানি পানীৰ পৰা উদ্ধাৰ কৰিবলৈ সক্ষম হয়। পেগুৰ এনে সাহসিকতাৰ প্ৰতি উৎসাহ তথা সন্মান জনাই ভাৰতীয় শিশু কল্যাণ উন্নয়ন সমিতিয়ে কালি নতুন দিল্লীত সন্মান প্ৰদৰ্শন কৰে। উল্লেখযোগ্য যে এই National Bravery Award 2016 বটাঁ সৰ্বমুঠ ২৫ টা শিশুক প্ৰদান কৰা হয়। প্ৰধান মন্ত্ৰী নৰেন্দ্ৰ মোদীয়ে এই সন্মান প্ৰদান কৰি অনাগত দিনত সাহসিকতাৰে বিভিন্ন ক্ষেত্ৰত অগ্ৰসৰ হ’বলৈ উৎসাহ জনায়। এই সম্পৰ্কে nefocus.com ৰ লগত হোৱা এক টেলিফোনিক বাৰ্তালাপত টংকেশ্বৰ পেগুৱে কয় যে-মই এনেদৰে সন্মান লাভ কৰিম বুলি ভবা নাছিলো। সেইসময়ত মোৰ মনলৈ এটাই ভাব আহিছিল যে কিদৰে মানুহ গৰাকীক উদ্ধাৰ কৰিব পৰা যায়। আজি এনেদৰে সন্মান লাভ কৰাৰ বাবে অত্যন্ত সুখী। উল্লেখযোগ্য যে টংকেশ্বৰ পেগু গোলাঘাটৰ ৰঙাগড়াৰ বাসিন্দা আৰু অসম গৃহৰক্ষী বাহিনীৰ জোৱান বীৰেন পেগুৰ পুত্ৰ।
Trending
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত
- Experience Trial voting through Virtual Reality in Kamrup election district
- গুৱাহাটী লোকসভা নিৰ্বাচনৰ সাধাৰণ পৰ্যবেক্ষকৰ পৰ্যালোচনা সভা
- আজাৰা সাহিত্য সভাৰ ফেচবুক পৃষ্ঠা উন্মোচন
- অসম ডাউন টাউন বিশ্ববিদ্যালয়ৰ পদক্ষেপ
- ভোটদানৰ সজাগতাৰ লক্ষ্যৰে মহানগৰীত চাইকেল ৰেলী
- নগাঁৱৰ ভিজন একাডেমী চিনিয়ৰ ছেকেণ্ডাৰী বিদ্যালয়ত “ব’হাগৰ এদিন” শীর্ষক উৎসৱ
- ঢকুৱাখনা চেইণ্ট থমাছ স্কুলত ব’হাগৰ এদিন