মহাপুৰুষ শ্ৰীশ্ৰী মাধৱদেৱ জন্মস্থানৰ মনিকুট গৃহৰ নিৰ্মাণ কাৰ্যৰ আজি শুভাৰম্ভ কৰা হয় । জন্মস্থান পৰিচালনা সমিতিৰ সভাপতি তথা মাজুলীৰ শ্ৰীশ্ৰী উত্তৰ কমলাবাৰী সত্ৰৰ সত্ৰাধিকাৰ জনাৰ্দনদেৱ গোস্বামীয়ে সম্পূৰ্ণ ধৰ্মীয় নীতি-নিয়মেৰে কীৰ্ত্তন ঘৰত গুৰু আসন প্ৰতিষ্ঠা কৰাৰ অন্তত নাম-কীৰ্ত্তন কৰি মনিকুট গৃহৰ নিৰ্মাণ কাৰ্যৰ শুভাৰম্ভ কৰে অনুষ্ঠানটিৰ অঞ্চলটোৰ যথেষ্ট সংখ্যক ভকত-বৈষ্ণৱে অংশগ্ৰহণ কৰে । উল্লেখ্য যে পুৰণি মনিকুট গৃহটিৰ স্থানত নতুনকৈ নিৰ্মাণ কৰিবলৈ লোৱা গৃহটিৰ বাবে ইতিমধ্যে অসম চৰকাৰৰ তৰফৰ পৰা আনটাইড ফাণ্ডৰ অধীনত অনুমোদন দিয়া হৈছে ২৫ লাখ টকা । প্ৰায় ৫০ লাখ টকাৰ বাজেট গ্ৰহণ কৰি আটক ধুনীয়াকৈ নিৰ্মাণ কৰিবলৈ লোৱা মনিকুট গৃহটিৰ নিৰ্মাণত লাগিবৰ বাবে সদাশয় ভকত-বৈষ্ণৱৰ পৰা সহায় সহযোগিতা বিচাৰিছে শ্ৰীশ্ৰী মাধৱদেৱ জন্মস্থান পৰিচালনা সমিতিয়ে ।কোনো সদাশয় ভকত-বৈষ্ণৱে যদি দান-বৰঙণি আগবঢ়াব বিছাৰে তেন্তে পৰিচালনা সমিতিৰ লগত পোনপটীয়াকৈ যোগাযোগ কৰিবলৈ সভাপতি জনাৰ্দনদেৱ গোস্বামীয়ে আহ্বান জনাইছে । আনহাতে শ্ৰীমন্ত শঙ্কৰদেৱৰ প্ৰপন্ন শিষ্য বহাৰপো শ্ৰীশ্ৰী মাধৱদেৱ গুৰুজনাৰ জন্মস্থান লেটেকুপুখুৰীক দেশী-বিদেশী পৰ্যটনৰ আকৰ্ষণৰ স্থলি হিচাপে গঢ়ি তুলিবৰ বাবে পদক্ষেপ গ্ৰহণ কৰিবলৈ অসম চৰকাৰৰ প্ৰতি আহ্বান জনাইছে শ্ৰীশ্ৰীমাধৱদেৱ জন্মস্থান পৰিচালনা সমিতিৰ সভাপতি তথা সত্ৰাধিকাৰ জনাৰ্দনদেৱ গোস্বামী আৰু প্ৰধান সম্পাদক মুহিৰাম শইকীয়াই ।
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ