পশ্চিম গুৱাহাটীৰ গাঁও অঞ্চলৰ বিশেষকৈ ৰাণী উন্নয়ন খণ্ডৰ অধীনৰ মহিলা সকল যাতে স্ব – নিৰ্ভৰশীল হ`ব পাৰে তাৰ বাবে স্থানীয় বিধায়ক ৰমেন্দ্ৰ নাৰায়ণ কলিতাই অসম ৰাজ্যিক গ্ৰামীণ জীৱিকা অভিযানৰ ( এ এছ এল আৰ এম ) জৰিয়তে কেতবোৰ ব্যৱস্থা গ্ৰহণ কৰিছে । বিশেষকৈ যিসকল মহিলা যি বিষয়ত দক্ষতা আছে তেওঁলোক সেইটো বিষয়ত পাকৈত হৈ নিজৰ লগতে আন দহজনক জীৱিকাৰ পথ দেখুৱাব পাৰে তাৰ বাবেও মহিলা আত্মসহায়ক গোট সমূহক অভিযানৰ জৰিয়তে প্ৰশিক্ষণ দিয়া কার্য আৰম্ভ কৰিছে বিধায়ক কলিতাই। পশ্চিম গুৱাহাটীৰ ৰাণী উন্নয়ন খণ্ডৰ অধীনৰ গড়লত আজিৰে পৰা দুদিনীয়াকৈ আৰম্ভ হোৱা ৰাণী শীতকালীন উৎসৱ ২০২১ ত অঞ্চলটোৰ চাৰি গৰাকী মহিলাক একোখনকৈ বাহন প্ৰদান কৰি মহিলা সকলৰ স্ব – নিৰ্ভৰশীল কাৰ্যসূচীৰ শুভাৰম্ভ কৰে বিধায়ক ৰমেন্দ্ৰ নাৰায়ণ কলিতাই।এই উপলক্ষে এ এছ এল আৰ এমৰ মুখ্য অপাৰেটিং বিষয়া হিমাদ্রি কোচৰ আদৰণি ভাষণৰে শুভাৰম্ভ হোৱা অনুষ্ঠানত মুখ্য অতিথি হিচাপে ভাগ লৈ বিধায়ক কলিতাই কয় মহিলা সকলেই সমাজ এখনৰ মূল চালিকা শক্তি। যিখন সমাজত মহিলা সকল আৰ্থিক ভাৱে স্বাৱলম্বী হ`ব পাৰে সেইখন সমাজেহে আগুৱাই যাব পাৰে। আগন্তক দিনত ৰাণী উন্নয়ন খণ্ডৰ মহিলা আত্মসহায়ক গোট সমূহক শক্তিশালী কৰাৰ বাবে দৰকাৰ হ`লে তেওঁৰ বিধায়ক পুঁজিৰ পৰা আৰ্থিক অনুদান আগবঢ়াব বুলি বিধায়ক ৰমেন্দ্ৰ নাৰায়ণ কলিতাই সদৰি কৰে। অনুষ্ঠানত বিশিষ্ট অতিথি হিচাপে ভাগ লৈ এ এছ এল আৰ এমৰ মিছন সঞ্চালক কৃষ্ণা বৰুৱাই অভিযানৰ লক্ষ্য আৰু উদ্দেশ্যৰ ওপৰত আলোকপাত কৰি মহিলা সকলক আঁচনি সমূহৰ সুবিধা সমূহ গ্ৰহণ কৰিবৰ বাবে আগবাঢ়ি আহিবলৈ আহ্বান জনায় । অনুষ্ঠানত অগপ দলৰ কেন্দ্ৰীয় সম্পাদক সুভাষ শৰ্মা,এ এছ এল আৰ এমৰ ৰাজ্যিক প্রকল্প প্ৰবন্ধক দীপাংকৰ বৰুৱা ,ৰাণীৰ খণ্ড প্ৰকল্প প্ৰবন্ধক গুনজিৎ ঠাকুৰীয়া , ৰাণী আঞ্চলিক পঞ্চায়তৰ সভাপতি পৰমেশ্বৰ বৰ্মন , জিলা পৰিষদৰ প্ৰাক্তন সদস্য ৰবীন দৈমাৰী , মাজিৰগাঁও গাঁও পঞ্চায়তৰ সভানেত্ৰী ববিতা বৈশ্যকে ধৰি কেবাজনো বিশিষ্ট লোক,মহিলা আত্মসহায়ক গোটৰ কৰ্মকর্তা উপস্থিত থাকে। আনহাতে ৰাণী উন্নয়ন খণ্ডৰ অধীনৰ প্ৰায় ৯০০ খন মহিলা আত্ম সহায়ক গোটৰ প্ৰতিনিধিৰ উপস্থিতিত অনুষ্ঠিত ৰাণী শীতকালীন উৎসৱত সক্ৰিয়ভাবে ৪০ টা গোটে ভাগ লৈছে। উৎসৱত হস্ততাত ,হস্তশিল্প ,পৰম্পৰাগত পিঠা, পনা , লাড়ু , জাম – জেলী , আচাৰকে ধৰি গোট সমূহে উৎপাদন কৰা সামগ্ৰীৰ বিক্ৰী আৰু প্ৰদৰ্শনীৰ ব্যৱস্থা কৰা হৈছে।
Trending
- মৰিধল মহাবিদ্যালয়ত মনোজ্ঞ কাৰ্মশালা
- বন ভূমি অধিকাৰ আইন,২০০৬ ৰ অধীনত ভূমিৰ স্বত্ব প্ৰমাণ পত্ৰ প্ৰদান অনুষ্ঠানত অংশ গ্ৰহন কৰেলে স্বাস্থ্য আৰু পৰিয়াল কল্যাণ,জলসিঞ্চন মন্ত্ৰী অশোক সিংহলে
- গুৱাহাটীত আই এছ ভি আই আৰৰ উত্তৰ পূব অধ্যায়ৰ মধ্য কালীন অধিবেশন ২০২৫ মুকলি কৰে স্বাস্থ্য আৰু পৰিয়াল কল্যাণ মন্ত্ৰী অশোক সিংহলে
- ২০০ খন বিছনাযুক্ত ওদালগুৰি জিলা অসামৰিক চিকিৎসালয় পৰিদৰ্শন- মন্ত্ৰী অশোক সিংহলৰ
- শাওণ মাহৰ প্ৰথমটো সোমবাৰত বোলবোম উপলক্ষে ভীমাশংকৰত হাজাৰ হাজাৰ ভক্তৰ সমাগম
- ইণ্ডিয়া-এআই মিছন : অসমৰ ৫ শিক্ষানুষ্ঠানত স্থাপন হ’ব কৃত্ৰিম বুদ্ধিমত্তাৰ ডাটা লেব
- ফৰ্টিফাইড চাউলৰ সজাগতামূলক সংবাদ মাধ্যমৰ কৰ্মশালা
- অসম সাংস্কৃতিক ন্যাসৰ পাঁচদিনীয়া গ্ৰীষ্মকালীন কৰ্মশালাৰ সামৰণি
- চিন্তাবিদ – সমালোচক ডঃ হীৰেন গোঁহাইসহ চাৰিগৰাকী সাহিত্যিক- শিল্পীলৈ সাহিত্য সাধনা মঞ্চ অসমৰ সন্মান
- চিত্ৰশিল্পী-কবি ৱাহিদা আহমেদৰ কাব্যগ্ৰন্থ এশ বিয়োগ এক উন্মোচন