অসমৰ সমন্বয়- সংহতিৰ পথিকৃৎ সাহিত্যানুষ্ঠান বহুবাক (বহুভাষিক সাহিত্য মঞ্চ, অসম)ৰ সৌজন্যত দিশপুৰ প্ৰেছ ক্লাবত “সাউতাল ভাষাৰ অতীত, বৰ্তমান, ভৱিষ্যৎ” লগতে “গতি-প্ৰকৃতি”ৰ ওপৰত এখনি ৰাষ্ট্ৰীয় পৰ্যায়ৰ আলোচনাচক্ৰ অনুষ্ঠিত হয়। সীতা হাচদা, আদৰি হাচদাৰে চাউতাল গীত পৰিৱেশন কৰি আৰম্ভ কৰা সভাখনি সঞ্চালনা কৰে বহুবাকৰ সভাপতি তথা বিষ্ণুপ্ৰিয়া মণিপুৰী সাহিত্য পৰিষদৰ সভাপতি দিলস্ লক্ষ্মীন্দ্ৰ সিংহই। বহুবাকৰ প্ৰধান সম্পাদক, কবি, সাংবাদিক দীপক শৰ্মাই আঁত ধৰা, আদৰণি ভাষণ দিয়া আলোচনাচক্ৰ খনি উদ্ধোধন কৰি বিশিষ্ট গীতিকাৰ, সাহিত্যিক শচীন দাসে কয়- চাউতাল ভাষাৰ মানুহৰ প্ৰতিভা অনন্য। ভাষাটো দেশজুৰি সিঁচৰতি হৈ আছে। প্ৰত্যেকগৰাকী মানুহ একেখন মূল্যবান গ্ৰন্থ। আমি মাথোঁ জীৱনধাৰা উপলব্ধি কৰিব পাৰিব লাগিব।আলোচনাচক্রত আলোচক হিচাপে অংশ লৈ আন্তর্জাতিক সাউতাল পৰিষদৰ সভাপতি তথা বৰেণ্য ভাষাবিদ পৃথিবী মাঝিয়ে কয়- “অষ্টিক ভাষাগোষ্ঠীৰ চাউতালী ভাষা পৃথিবীৰ প্ৰাচীন ভাষাসমূহৰ ভিতৰত অন্যতম। চাউতালসকলে আদিতে নিজকে ‘হড়’ বুলি পৰিচয় দিছিল।’হড়’ মানে মানুহ। তেওঁলোকে নিজকে ‘খেৰৱাড়’ বুলিও পৰিচয় দিয়ে। ‘চাউতাল’ নামটো তেওঁলোকৰ মতে বিদেশীয়ে দিয়া নাম।” আন এগৰাকী আলোচক আদিবাসী সামাজিক- শিক্ষা- সংস্থা(এছেকা)ৰ কাৰ্যকৰী সভাপতি গণেশ মূৰ্মূয়ে কয়- বিশ্বত চাউতাল ভাষা কোৱা লোকৰ সংখ্যা প্ৰায় ৭ মিলিয়ন আছে। ৫ মিলিয়নে ভাৰতত চাউতাল ভাষা কয়। পণ্ডিত ৰঘুনাথ মূৰ্মূয়ে চাউতাল ভাষাৰ দোৱান (অলচিকি লিপি) সৃষ্টি কৰি ভাষাটোক আৰু এখোজ আগুৱাই দিয়ে।” সভাত তিৱা সাহিত্য সভাৰ উপ-সভাপতি শৰৎ চন্দ্র পাটৰ আমচি, ত্ৰিপুৰা কেন্দ্রীয় বিশ্ববিদ্যালয়ৰ অৱসৰপ্ৰাপ্ত অধ্যাপক ড০ বীৰেন্দ্ৰ কুমাৰ ভট্টাচার্য, অখিল ভাৰতীয় সাহিত্য পৰিষদৰ অসম প্ৰদেশ কমিটিৰ সচিব প্ৰধান কমল কলিতা, গুৱাহাটী উচ্চ ন্যায়ালয় গৱেষণা বিভাগৰ সঞ্চালক ড০ ৰঙ্গৰঞ্জন দাস, ডিব্ৰুগড় নাৰ্ছিং মহাবিদ্যালয়ৰ অৱসৰপ্ৰাপ্ত অধ্যক্ষ ড০ তৰুলতা মাঝি, সৰ্বশিক্ষা বিভাগৰ অৱসৰপ্ৰাপ্ত মিছন সঞ্চালক ড০ সুলেখা চক্ৰৱৰ্তী, লেখিকা বান়ুমণি ভট্টাচার্যই সভাত বিশিষ্ট অতিথি হিচাপে অংশ লৈ বহুবাকে লোৱা প্ৰদক্ষেপক ভূয়সী প্ৰশংসা কৰে।
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ