সংবিধান দিৱস উপলক্ষে সংসদীয় পৰিক্ৰমা মন্ত্ৰালয়ৰ দুটাকৈ প’ৰ্টেল মুকলি

প্ৰতিবছৰৰ দৰে এইবছৰো সমগ্ৰ দেশতে ২৬ নৱেম্বৰ তাৰিখে সংবিধান দিৱস পালনৰ আয়োজন কৰা হৈছে।এইবৰ্ষৰ সংবিধান দিৱসৰ মূল বিষয় “ভাৰতবৰ্ষৰ গণতন্ত্ৰৰ জননী” সম্পৰ্কে জনসাধাৰণৰ মাজত ব্যাপক প্ৰচাৰ চলাই সৰ্বাধিক অংশগ্ৰহণৰ বাবে সংসদীয় পৰিক্ৰমা মন্ত্ৰালয়ে দুটাকৈ প’ৰ্টেল মুকলি কৰিছে।সংবিধানৰ প্ৰস্তাৱনা সমূহ ২২ টা চৰকাৰী ভাষা আৰু ইংৰাজী ভাষাত অনলাইনযোগে পঢ়িব পৰাকৈ readpreamble.nic.in শীৰ্ষক প’ৰ্টেলটো মুকলি কৰিছে।আনহাতে “ভাৰতবৰ্ষৰ-গণতন্ত্ৰৰ জননী” বিষয়টোত অনলাইন কুইজ অনুষ্ঠিত কৰিব পৰাকৈ constitutionquiz.nic.in শীৰ্ষক প’ৰ্টেলটো মুকলি কৰা হৈছে।এই প’ৰ্টেল দুটাৰ জৰিয়তে সকলো ৰাইজে অংশগ্ৰহণ কৰি মানপত্ৰ লাভ কৰিবলৈ সক্ষম হ’ব।