ঐতিহাসিক অসম আন্দোলনৰ প্ৰথমগৰাকী শ্বহীদ খৰ্গেস্বৰ তালুকদাৰৰ লগতে জাতীয় শ্বহীদ সকলৰ পবিত্ৰ স্মৃতিত অসম গণ পৰিষদ দলে ১০ ডিচেম্বৰ তাৰিখে ৰাজ্যজুৰি শ্বহীদ দিৱস পালন কৰিব। দলৰ আমবাৰীস্থ মুখ্য কাৰ্য্যালয়ত কেন্দ্ৰীয় ভাৱে শ্বহীদ দিৱস উদযাপন কৰাৰ লগতে দলৰ সকলো জিলা পৰিষদ আৰু বিধান পৰিষদে দিনযোৰা কাৰ্য্যসূচীৰে শ্বহীদ দিৱস পালন কৰিব। এক প্ৰেছ বিজ্ঞপ্তিত দলৰ সভাপতি তথা মন্ত্ৰী অতুল বৰাই কয় যে, ঐতিহাসিক অসম আন্দোলন আছিল অসমৰ সংগ্ৰামী ইতিহাসৰ অন্যন্য দলিল। বৰাই অসমৰ অস্তিত্বৰ ৰক্ষাৰ বাবে প্ৰাণ আহুতি দিয়া শ্বহীদ খৰ্গেশ্বৰ তালুকদাৰ আৰু প্ৰতিগৰাকী জাতীয় শ্বহীদৰ লগতে হেজাৰ হেজাৰ নিৰ্যাতিতৰ ত্যাগক শ্ৰদ্ধাৰে সোৱঁৰণ কৰে। বৰাই কয় যে, অসম গণ পৰিষদ দলে ঐতিহাসিক অসম আন্দোলনৰ পটভূমিৰ পৰা বিচলিত নোহোৱাকে অসমৰ জাতীয় জীৱনৰ প্ৰতি নিজৰ দায়িবদ্ধতা পালন কৰি আহিছে আৰু পালন কৰি যাব। ৰাজ্যখনৰ খিলঞ্জীয়া জনসাধাৰণৰ সুৰক্ষিত ভৱিষ্যতৰ বাবে আৰু অসম চুক্তি ৰূপায়ণৰ বাবে দল অংগীকাৰবদ্ধ। ৰাজ্যখনৰ সকলো শ্ৰেণীৰ জনসাধাৰণক আস্থা আৰু বিশ্বাসত লৈ দলে আগন্তক সময়ত অধিক দায়বদ্ধতাৰে সেৱা আগবঢ়াই যাব। জাতীয় শ্বহীদ সকলৰ ত্যাগক সঠিক ৰূপত মূল্যায়ণ কৰি নতুন প্ৰজন্মক ইতিবাচক জাতীয়তাবাদী আদৰ্শৰে অনুপ্ৰাণিত কৰিবলৈ অসম গণ পৰিষদ দলে কাম কৰি যাব বুলিও সভাপতি বৰাই মন্তব্য কৰি শ্বহীদ সকলৰ প্ৰতি গভীৰ শ্ৰদ্ধাঞ্জলী জ্ঞাপন কৰে।
Trending
- মৰিধল মহাবিদ্যালয়ত মনোজ্ঞ কাৰ্মশালা
- বন ভূমি অধিকাৰ আইন,২০০৬ ৰ অধীনত ভূমিৰ স্বত্ব প্ৰমাণ পত্ৰ প্ৰদান অনুষ্ঠানত অংশ গ্ৰহন কৰেলে স্বাস্থ্য আৰু পৰিয়াল কল্যাণ,জলসিঞ্চন মন্ত্ৰী অশোক সিংহলে
- গুৱাহাটীত আই এছ ভি আই আৰৰ উত্তৰ পূব অধ্যায়ৰ মধ্য কালীন অধিবেশন ২০২৫ মুকলি কৰে স্বাস্থ্য আৰু পৰিয়াল কল্যাণ মন্ত্ৰী অশোক সিংহলে
- ২০০ খন বিছনাযুক্ত ওদালগুৰি জিলা অসামৰিক চিকিৎসালয় পৰিদৰ্শন- মন্ত্ৰী অশোক সিংহলৰ
- শাওণ মাহৰ প্ৰথমটো সোমবাৰত বোলবোম উপলক্ষে ভীমাশংকৰত হাজাৰ হাজাৰ ভক্তৰ সমাগম
- ইণ্ডিয়া-এআই মিছন : অসমৰ ৫ শিক্ষানুষ্ঠানত স্থাপন হ’ব কৃত্ৰিম বুদ্ধিমত্তাৰ ডাটা লেব
- ফৰ্টিফাইড চাউলৰ সজাগতামূলক সংবাদ মাধ্যমৰ কৰ্মশালা
- অসম সাংস্কৃতিক ন্যাসৰ পাঁচদিনীয়া গ্ৰীষ্মকালীন কৰ্মশালাৰ সামৰণি
- চিন্তাবিদ – সমালোচক ডঃ হীৰেন গোঁহাইসহ চাৰিগৰাকী সাহিত্যিক- শিল্পীলৈ সাহিত্য সাধনা মঞ্চ অসমৰ সন্মান
- চিত্ৰশিল্পী-কবি ৱাহিদা আহমেদৰ কাব্যগ্ৰন্থ এশ বিয়োগ এক উন্মোচন