হঠাতে মানুহৰ ভিৰ দেখি ভোগালী মেলালৈ সোমাই গ’লো।বিপনীৰ মাজত দেখা পালো এবিধ সুন্দৰ আকাৰৰ বিশেষ চাউল।তাৰ আধাৰত প্ৰস্তুত কৰা হ’ল আজিৰ প্ৰতিবেদন ।আহকচোন কি আছে জানো! বাচমতি চাউলৰ দৰে অসমৰ ৰঙা জহা চাউলে দখল কৰিব পাৰে আন্তৰাষ্ট্ৰীয় বজাৰ।গুণাগুণ আৰু সুগন্ধৰ ফালৰ পৰাও ৰঙা জহাৰ বিশেষ বিশেষত্ব আছে ।এই মন্তব্য আঞ্চলিক কৃষি গৱেষণা প্ৰতিষ্ঠানৰ বিজ্ঞানী ডক্টৰ কিশোৰ কুমাৰ শৰ্মাৰ।উৎসৰ পম খেদি তেখেতৰ সৈতে হোৱা এক টেলিফোনিক বাৰ্তালাপত বিজ্ঞানী গৰাকীয়ে কয় যে ৰঙা জহাত আইৰণৰ পৰিমাণ বেছি থাকে ।এণ্টি অক্সিজেন থাকে।বিশেষকৈ গৰ্ভৱতী মহিলা, বাঢ়ি অহা ল’ৰা ছোৱালীৰ বাবে এই জহা খুব উপকাৰী ।অসমত প্ৰায় ৪৩বিধমান জহা চাউল পোৱা যায় ।তাৰ ভিতৰত ক’লা জহা, ৰামফল জহা, কেতেকী জহা, কুনকুনী জহা, তুলসী জহা অন্যতম ।সাধাৰণতে জহা চাউলে পায়স, পোলাও প্ৰস্তুত কৰে।সুগন্ধময় হোৱাৰ বাবে প্ৰায় মানুহ জহা চাউলৰ প্ৰতি আকৰ্ষিত হয়।ৰঙা জহা অসমৰ সকলো ঠাইতে পোৱা নাযায় ।নামনি অসমৰ সৰভোগ, নলবাৰীত ৰঙা জহাৰ খেতি হয়।অৱশ্যে ক’লা জহা চাউলে ইতিমধ্যে চুইজাৰলেণ্ড, বিট্ৰেইনৰ বজাৰলৈ ৰপ্তানি হৈছে।ব্যৱসায়িকভাৱে যদি অসমৰ উদ্যমীয়ে ৰঙা জহাৰ খেতি কৰে, নিশ্চয়কে এদিন ৰঙা জহাই বাচমতি চাউলৰ দৰে বজাৰ দখল কৰিবলৈ সক্ষম হ’ব।
Trending
- নগাঁৱৰ ভিজন একাডেমী চিনিয়ৰ ছেকেণ্ডাৰী বিদ্যালয়ত “ব’হাগৰ এদিন” শীর্ষক উৎসৱ
- ঢকুৱাখনা চেইণ্ট থমাছ স্কুলত ব’হাগৰ এদিন
- দ্বিতীয় পৰ্য্যায়ৰ ভোটগ্রহণ সম্পন্ন
- ঢকুৱাখনা চৰকাৰী উচ্চ মাধ্যমিক বিদ্যালয়ৰ শ্ৰেণীকোঠা উদ্বোধন
- দ্বিতীয় পৰ্যায়ৰ ভোটগ্ৰহণৰ বাবে মুছলপুৰত নিৰ্বাচনী সামগ্ৰী বিতৰণ
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা
- মিচিং জাতীয় সংগঠনৰ বিশ্ব ধৰিত্ৰী দিৱস পালন