মুখ্যমন্ত্ৰী ডঃ হিমন্ত বিশ্ব শৰ্মাই যোৱা জুলাই মাহৰ পৰা যান – বাহনৰ গৰাকী সকলক পৰিবহণ কৰ পৰিশোধ কৰাৰ ক্ষেত্ৰত কেতবোৰ বিশেষ ৰেহাই আঁচনি ঘোষণা কৰিছিল । সেই আঁচনি সমুহৰ সুফল সমুহ যাতে বাহনৰ গৰাকী সকলে লৈ উপকৃত হব পাৰে তাৰ বাবে সজাগতা সভা অনুষ্ঠিত কৰিবলৈ অসম চৰকাৰৰ পৰিবহণ বিভাগৰ মন্ত্ৰী পৰিমল শুক্লবৈদ্যই জিলা পৰিবহণ বিষয়া সকলক নিৰ্দেশ দিছিল। সেই নিৰ্দেশ অনুসৰি আজি কামৰূপ মহানগৰ জিলা পৰিবহণ বিভাগৰ ফালৰ পৰা নিউ গুৱাহাটী বি জি যাৰ্ডত এখন সজাগতা সভা অনুষ্ঠিত হয়। সভাত ডেৰ শতাধিক বাহনৰ গৰাকী, চালক আৰু বাহনৰ ব্যৱসায়ৰ লগত জড়িত লোক উপস্থিত থাকে। সভাত কামৰূপ মহানগৰ। জিলাৰ প্ৰৱৰ্তক শাখাৰ জিলা পৰিবহণ বিষয়া আৰু আঞ্চলিক পৰিবহণ প্ৰাধিকৰণৰ সচিব হিমাংশু কুমাৰ দাসে সমল ব্যক্তি হিচাপে ভাগ লৈ মুখ্যমন্ত্ৰীয়ে ঘোষণা কৰা চাৰিখন এককালিন ৰেহাই আঁচনিৰ লক্ষ্য আৰু উদ্দেশ্যৰ ওপৰত আলোকপাত কৰে। জিলা পৰিবহণ বিষয়া হিমাংশু কুমাৰ দাসে বাহনৰ গৰাকী সকলক এই এককালিন ৰেহাই আঁচনি ক্ৰমে – বাহনৰ মেনুৱেল নথিপত্ৰ সমুহ আপডেট কৰি ডিজিটাইজ কৰা, ১৫ অক্টোবৰৰ ভিতৰত বাহনৰ সক্ষমতাৰ প্ৰমাণ পত্ৰৰ ৰেহাই কৰ আদায় দিয়া, ২০২২ বৰ্ষৰ ১৮ জুলাইৰ আগতে বিভাগক অৱগত নকৰাকৈ স্ক্রেপ কৰা বাহনৰ ৰেহাই কৰ পৰিশোধ কৰা , অসম বাহন স্ক্ৰেপেজ নীতি – ২০২২ আদি সুন্দৰকৈ বাখ্যা দাঙি ধৰে। সভাত যান – বাহন পৰিদৰ্শকদ্বয় জয়সিং ৰংফাৰ আৰু কানাই মহন্ত, প্ৰৱৰ্তক পৰিদৰ্শক মোজ্জামিল হুছেইন, পি বি লামা, বি উপাধ্যায় উপস্থিত থাকে। সভাত বাহনৰ কেবাগৰাকী প্ৰতিনিধিয়েও তেওঁলোকে ভোগ কৰি অহা সমস্যা সমুহ পৰিবহণ বিভাগৰ বিষয়া সকলক অৱগত কৰে। উল্লেখ্য যে কামৰূপ মহানগৰ জিলাৰ জিলা পৰিবহণ বিষয়াৰ দায়িত্বত থকা সহকাৰী পৰিবহণ আয়ুক্ত গৌতম দাসে জানিবলৈ দিয়া মতে যিসকল বাহনৰ গৰাকীযে এই আঁচনি সমুহৰ সুফল লাভ কৰিব পৰা নাই তেঁওলোকৰ মাজত সজাগতা সৃষ্টিৰ বাবে এই সভাৰ আয়োজন কৰা হৈছিল।
Trending
- সামাজিক ন্যায় আৰু সবলীকৰণ বিভাগৰ মন্ত্ৰী পীযুষ হাজৰীকাৰ সদৌ অসম সূত্ৰধৰ ছাত্ৰ সন্থাৰ ৮২সংখ্যক কেন্দ্ৰীয় অধিৱেশনত অংশগ্ৰহণ
- সৰুসজাই ষ্টেডিয়ামত ১১হেজাৰ শিল্পীয়ে পৰিবেশন কৰিব বড়ো লোক নৃত্যানুষ্ঠান ‘বাগৰুম্বা দ’হৌ
- আই আই টি গুৱাহাটী আৰু বালিপাৰা ফাউণ্ডেচনৰ মাজত বুজাবুজি চুক্তি-পূৱ হিমালয়ৰ পৰিৱেশ সংৰক্ষণ, শক্তি আৰু জল সুৰক্ষাৰ বাবে নতুন উদ্ভাৱন নীতিত কাম কৰাৰ লক্ষ্য
- স্বাধীনতা দিৱস উদযাপনৰ প্ৰস্তুতি সন্দৰ্ভত কামৰূপ (ম)জিলা প্ৰশাসনৰ সভা
- টপচেম চিমেণ্ট আৰু ভাৰতীয় ৰেডক্ৰচ ছছাইটিয়ে যৌথভাবে ৰক্তদান শিবিৰ আয়োজন
- এইচডিএফচি বেংকে এপিকে জালিয়াতিৰ বিৰুদ্ধে নাগৰিক সুৰক্ষাৰ বাবে গুৰুত্বপূৰ্ণ সতৰ্কবাণী জাৰি কৰিছে
- ভাৰতৰত্ন লোকপ্ৰিয় গোপীনাথ বৰদলৈক সশ্ৰদ্ধ স্মৰণ কামৰূপ (ম) জিলা প্ৰশাসনৰ
- NSE CROSSES 230 MILLION INVESTOR ACCOUNTS, RETAIL PARTICIPATION SOARS
- উৰিয়ামঘাটৰ ৰেঙমা জলসিঞ্চন আঁচনি পৰ্যবেক্ষণ মন্ত্ৰী অশোক সিংহলৰ
- চি আৰ পি এফৰ মুখ্য কাৰ্যালয়ত মা কামাখ্যাৰ ফটো সযতনে ৰাখিছে সঞ্চালক প্ৰধান জ্ঞানেন্দ্ৰ প্ৰতাপ সিঙে, গুৱাহাটীৰ আৰক্ষী আয়ুক্ত ডঃ পাৰ্থ সাৰথি মহন্তৰ পৰা বুজ অসমৰ পৰিস্থিতি