এছিভাৰ এৱাৰ্ড লাভ কৰিলে বহুকেইগৰাকী বিশিষ্ট ব্যক্তিয়ে

ষষ্ঠ বৰ্ষৰ বাবে ‘সাদিন-প্ৰতিদিন’ গোষ্ঠীয়ে বিভিন্ন ক্ষেত্ৰলৈ অৱদান আগবঢ়োৱা কেইগাৰাকীও বিশিষ্ট ব্যক্তিক প্ৰদান কৰিলে ‘প্ৰতিদিন টাইম এছিভাৰ এৱাৰ্ড-২০১৯। গুৱাহাটীৰ শ্ৰীমন্ত শংকৰদেৱ কলেক্ষেত্ৰৰ শ্ৰীমন্ত শংকৰদেৱ আন্তৰ্জাতিক প্ৰেক্ষাগৃহত।এক গাম্ভীৰ্যপূৰ্ণ অনুষ্ঠানৰ মাজত ১৪ গৰাকী বিশিষ্ট ব্যক্তিক প্ৰদান কৰা হয় এছিভাৰ এৱাৰ্ড। বিশিষ্ট সাহিত্যিক, সাংবাদিক হোমেন বৰগোহাঞিক জীৱনজোৰা সাধনা বঁটা প্ৰদান কৰে অনুষ্ঠান মুখ্য অতিথি হিচাপে থকা অসমৰ ৰাজ্যপাল, প্ৰফেচাৰ জগদীশ মুখী আৰু বিশিষ্ট অতিথি হিচাপে উপস্থিত থকা মুখ্যমন্ত্ৰী সৰ্বানন্দ সোণোৱালে। জীৱনজোৰা সাধনা বঁটাত আছে এখন মানপত্ৰ, চেলেং, এড়ি চাদৰ, ফুলাম গামোচা, এটা স্মাৰক, এখন হেমকোষ আৰু ১ লাখ ১১ হাজাৰ ১১১ টকাৰ চেক। বিশিষ্ট সাহিত্যিক শশী শৰ্মাক ‘সাদিন সাহিত্য আৰু সাংবাদিকতা বঁটা প্ৰদান কৰে ৰাজ্যপাল জগদীশ মুখীয়ে। এই বঁটাত আছে এখন মানপাত্ৰ, চেলেং, এৰি চাদৰ, ফুলাম গামোচা, এটা স্মাৰক, এখন হেমকোষ আৰু ৫৫ হাজাৰ ৫৫৫ টকাৰ চেক‌। উক্ত অনুষ্ঠানতেই বিজ্ঞান জনপ্ৰিয়কৰণৰ ক্ষেত্ৰত অৱদান আগবঢ়োৱা ক্ষীৰধৰ বৰুৱাক প্ৰদান কৰা হয় Excellance in science & innovation, Excellence in art প্ৰদান কৰা হয় ভাস্কৰ্য শিল্পী জনক ঝংঝাৰ নাৰ্জাৰিক, ভিলেজ ৰকষ্টাৰ ভ্ৰষ্টা ৰীমা দাসলৈ আগবঢ়োৱা হয় caltural award, ভোজপুৰি কুইন খ্যাত হিচাপে কল্পনা পাটোৱাৰীক Excellence in music, Excellence in business প্ৰদান কৰা হয় ওজা গ্ৰুপক, পশ্চিম গাৰো পাহাৰৰ জিলা উপায়ুক্তক প্ৰদান কৰা হয় Excellence in public service। এনেদৰে ১৪ গৰাকী বিশিষ্ট ব্যক্তিলৈ এছিভাৰ এৱাৰ্ড প্ৰদান কৰা হয়।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

গণতন্ত্ৰ দিৱসৰ কিছু ইতিবাচক চিন্তাৰে

আজি গণতন্ত্ৰ দিৱস। সমগ্ৰ দেশে এই দিৱস উৎসৱৰ দৰে উদযাপন কৰে।কিয়নো আজি দিনটোতে দেশৰ সংবিধান গৃহীত হৈছিল।এই গণতন্ত্ৰ দিৱস দেশৰ ঐতিহ্য , অহিংস,স্বতন্ত্ৰতাৰ স্বাক্ষৰ বহন কৰে।এক কথাত ক’বলৈ গ’লে ২৬ জানুৱাৰী দিনটো ৰাষ্ট্ৰৰ বাবে এক গৌৰৱৰ দিন।

দেশৰ সংবিধানত সন্নিবিষ্ট সকলো প্ৰসংগ চৰকাৰে মানিবলৈ বদ্ধ পৰিকৰ ।উদাহৰণ স্বৰূপ সমতা আৰু ভাতৃত্ববোধৰ নিৰ্দশন দাঙি ধৰি ভাৰতে ভুটানৰ লগতে অন্য ৬ খন দেশলৈ মহামাৰী ক’ৰণাৰ ভেকচিন যোগান ধৰিছে।

ইয়াৰ উপৰিও দেশৰ প্ৰতিৰক্ষাৰ ক্ষেত্ৰতো ভাৰতীয় সেনাই যি সাহস , ধৈৰ্য শৌৰ্য প্ৰদৰ্শন কৰি দেশৰ মান অক্ষুন্ন ৰাখিছে সঁচাকৈয়ে শলাগিবলগীয়া।

শেহতীয়াকৈ হ’লেও স্বতন্ত্ৰ সেনানী অন্যতম নায়ক,ৰাজনীতিজ্ঞ সুভাষ চন্দ্ৰ বসুৰ জীৱন আদৰ্শ আৰু কাৰ্যপন্থাক চৰকাৰে মূল্যায়ন কৰিলে। সেই মূল্যায়ন আজিৰ পৰা ৭০ বছৰৰ আগতে কৰা হ’লে এই প্ৰজন্মই প্ৰকত যোদ্ধা গৰাকী উচিত সন্মান দিব পাৰিলেহেঁতেন।সেয়া যি নহওক দেশৰ বাবে এটা ভাল কাম হ’ল।সদৌ শেষত সকলোকে গণতন্ত্ৰ দিৱসৰ শুভেচ্ছা।জয় হিন্দ।

সংগীতা শইকীয়া
সম্পাদক

মিছেছ লিডাৰশ্বীপ খিতাপ অৰ্জন পলাশবাৰী সৰপাৰাৰ অনামিকা ডেকাৰ

দক্ষিণ কামৰূপৰ পলাশবাৰী সৰপাৰাৰ এগৰাকী বিউটিচিয়ান তথা মেকাপ আৰ্টিছ অনামিকা ডেকাই জগত জিনাৰ সপোন ৰচিছে। মিৰ্জাৰ সমীপৱৰ্তী সৰপাৰা চন্দ্ৰধৰ ডেকা আৰু সৰলা ডেকাৰ জীয়ৰী অনামিকা ডেকাই মহানগৰীৰ জিলা পুথিভড়াঁলত যোৱা ২৩ জানুৱীত ‘ইণ্টাৰনেচনেল গ্লোবেল ষ্টাৰ আইকন’ৰ উদ্যোগত মিচেছ, মিষ্টাৰ আৰু শিশুৰ বাবে অনুষ্ঠিত এখন ব্যয় বহুল প্ৰতিযোগিতাত সৰপাৰাৰ অনামিকাই ডেকাই মেকআপ আৰ্টিছৰ গ্ৰুপৰ ভিতৰত ইণ্টাৰনেচনেল লিডাৰশ্বীপ এৱাৰ্ড চুড়ান্ত খিতাপ অৰ্জন কৰিবলৈ সক্ষম হৈছে। উক্ত প্ৰতিযোগিতাত প্ৰায় শতাধিক প্ৰতিযোগীয়ে অংশ গ্ৰহণ কৰিছিল। ডেকাৰ এনে সাফল্যত উৎফুলিত হৈ পৰিছে অঞ্চলটোৰ ৰাইজৰ লগতে পলাশবাৰীবাসী ৰাইজে। উল্লেখ্য যে, অনামিকা ডেকাই ইয়াৰ পূৰ্বে ৰাজ্যৰ লগতে ৰাজ্যৰ বাহিৰত অনুষ্ঠিত এনেধৰণৰ প্ৰতিযোগিতাত বহুবাৰ সন্মান লাভ কৰি অঞ্চলটোলৈ গৌৰৱ কঢ়িয়াই আনিবলৈ সক্ষম হৈছিল। মিৰ্জাত যুৱতীগৰাকীয়ে এখন লেডিছ বিউটি পাৰ্লাৰ যোগেদি নিজৰ অৰ্থ উপাৰ্জন কৰাৰ উপৰিও বহুকেইখন চিনেমা আৰু ভিডিঅ’ গীতত মেকআপৰে অভিনেতা-অভিনেত্ৰীসকলৰ সৌন্দৰ্য বৰ্ধন কৰি প্ৰশংসা বুটলিবলৈ সক্ষম হৈছে।অনামিকা ডেকাৰ এনে সাফল্যত দক্ষিণ কামৰূপৰ বিভিন্ন দল-সংগঠনে শুভেচ্ছা জ্ঞাপন কৰি উজ্বল ভৱিষ্যত কামনা কৰিছে।

গণৰাজ্য দিৱসত কোন মন্ত্ৰীয়ে ক’ত কৰিব পতাকা উত্তোলন

গণৰাজ্য দিৱসত কোন মন্ত্ৰীয়ে কত পতাকা উত্তোল কৰিব তাৰ তালিকা শেহতীয়াকৈ প্ৰকাশ পাইছে।তালিকা অনুসৰি নগাঁৱত পতাকা উত্তোলন কৰিব ড০ হিমন্ত বিশ্ব শৰ্মাই,বৰপেটাত পতাকা উত্তোলন কৰিব সিদ্ধাৰ্থ ভট্টাচাৰ্যই,ডিব্ৰুগড় পতাকা উত্তোলন কৰিব চন্দ্ৰমোহন পাটোৱাৰীয়ে,মাজুলীত পতাকা উত্তোলন কৰিব নৱ দলেই,লখিমপুৰত পতাকা উত্তোলন কৰিব ৰঞ্জিত দত্তই,শিলচৰত পতাকা উত্তোলন কৰিব পৰিমল শুক্লবৈদ্যই

তিনিচুকীয়াত পতাকা উত্তোলন কৰিব সঞ্জয় কিষাণে,মৰিগাঁৱত পতাকা উত্তোলন কৰিব পিয়ুষ হাজৰিকাই,তেজপুৰত পতাকা উত্তোলন কৰিব কেশৱ মহন্তই,যোৰহাটত পতাকা উত্তোলন কৰিব অতুল বৰাই,গোৱালপাৰাত পতাকা উত্তোলন কৰিব ফণীভূষণ চৌধুৰী,ধুবুৰীত পতাকা উত্তোলন কৰিব প্ৰমীলাৰাণী ব্ৰহ্ম,গোলাঘাটত পতাকা উত্তোলন কৰিব চন্দন ব্ৰহ্ম,বাক্সাত পতাকা উত্তোলন কৰিব ৰিহন দৈমাৰীয়ে,আমিনগাঁৱত পতাকা উত্তোলন কৰিব চুম ৰংহাঙে।

Brothersৰ উদ্যোগত ডক্টৰ দিব্যজ্যোতি শইকীয়াৰ নেতৃত্বত মাজুলীত দীৰ্ঘম্যাদী গ্ৰাম্য নিৰ্মাণ অভিযান

স্বচ্ছতা, জৈৱিক কৃষি, বয়ন শিল্পৰ লগতে বাঁহ,কাঠ আৰু বেতেৰে সামগ্রী নিৰ্মান কৰাৰ উপৰিও প্ৰকৃত গুণগত শিক্ষাৰ দ্বাৰা ব্যৱহাৰিক দিশত এখোজ আগুৱাই মাজুলীৰ চেলেক, চেলেক চেঁচাচুক আৰু পুৰণা চাপৰি সামৰি তিনিওখন গাওঁৰ জীৱন প্ৰণালী উন্নত মানৰ কৰি আত্মনিৰ্ভৰশীলতাৰে গঢ়ি তুলি নিশ্চিতভাৱে ৰাষ্ট্ৰীয় তথা আন্তঃৰাষ্ট্ৰীয় পৰ্যায়ত সমাদৰ লাভ কৰিবলৈ সক্ষম হব। এই বক্তব্য বিশ্ব সংসদ সন্থাৰ আন্তৰ্জাতিক সদস্য, অৰ্ধশতাধিক ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ৰ বঁটা প্ৰাপক, ৰাষ্ট্ৰীয় পৰ্যায়ৰ মানৱ অধিকাৰ তথা সমাজ কৰ্মী ডঃ দিব্যজ্যোতি শইকীয়াৰ।

২৪জানুৱাৰীত ৰাষ্ট্ৰীয় পৰ্যায়ৰ সামাজিক সংগঠন Brothers ৰ উদ্যোগত তথা Brothers ৰ সচিব প্ৰধান ডঃ দিব্যজ্যোতি শইকীয়াৰ নেতৃত্বত মাজুলীৰ চেলেক, চেলেক চেঁচাচুক, আৰু পুৰণা চাপৰিকলৈ তিনিওখন গাওঁৰ চাৰি শতাধিক ঘৰ সামৰি স্বচ্ছ, জৈৱিক আৰু আত্মনিৰ্ভৰ গ্ৰাম্য নিৰ্মাণৰ জৰিয়তে উন্নত জীৱন প্ৰণালীৰে দেশৰ ভিতৰতে পৰিষ্কাৰ আৰু সবল গাঁও হিচাপে নিৰ্মাণৰ হেতু শুভাৰম্ভ কৰা হয়। চেলেক গাৱত ফিটা কাটি হাতত ঝাড়ুলৈ শুভাৰম্ভ কৰে মাজুলীৰ বিবেকানন্দ বিদ্যালয়ৰ অধ্যক্ষ নীলকান্ত পেগুৱে। নীলকান্ত পেগু, স্থানীয় সমাজকৰ্মী ললিত কুলী আৰু গ্ৰাম্য নিৰ্মান অভিযানৰ মুখ্য আহ্বায়ক ডঃ দিব্যজ্যোতি শইকীয়াৰ লগতে শতাধিক পুৰুষ মহিলাই হাতত বাঁহৰ ঝাড়ুলৈ গাৱৰ পথৰ উপৰিও খেল পথাৰ আৰু ৰাজহুৱা স্থান পৰিষ্কাৰ কৰে। পৰিষ্কাৰ পৰ্বৰ পিছতেই, মীগাং দলে আৰু দেৱকান্ত পাতিৰৰ নেতৃত্বত Brothers ৰ সদস্য সকলে দুই শতাধিক বৃক্ষ ৰোপন কৰে। বৃক্ষ ৰোপনৰ পিছতেই সমাজকৰ্মী ললিত কুলিৰ সভাপতিত্বত অনুষ্ঠিত ৰাজহুৱা সভাত গ্ৰাম্য নিৰ্মাণ অভিযানৰ লক্ষ্য আৰু উদ্দেশ্য সন্দৰ্ভত বিস্তৃত বাখ্যা আগবঢ়াই গ্ৰাম্য নিৰ্মান অভিযানৰ মুখ্য আহ্বায়ক, বিশ্ব মানৱধিকাৰ সুৰক্ষা পৰিষদৰ আন্তঃৰাষ্ট্ৰীয় সদস্য ডঃ দিব্যজ্যোতি শইকীয়াই কয় যে এই অভিযান এক দীর্ঘম্যাদী অভিযান। এই দীৰ্ঘম্যাদী অভিযান কেৱল এই অঞ্চল বা মাজুলীতেই যে এক নতুন দিগন্তৰ সূচনা কৰিব এনে নহয়।এই অভিযানৰ ফলত দেশ তথা বিদেশতও এই অঞ্চলৰ ইতিবাচক দিশ সমূহে প্ৰভাৱ বিস্তাৰ কৰিব।
সভাত শিক্ষাবিদ নীলকান্ত পেগু, এম এ চি ৰ প্ৰাক্তন সদস্য ৰঞ্জনা দলে, Borothers ৰ মীগাং দলে আদি লোকসকলে ডঃ দিব্যজ্যোতি শইকীয়াৰ প্ৰচেষ্টাক ভূয়সী প্ৰশংসা কৰে।

কালি আনুষ্ঠানিকভাৱে উন্মোচন হ’ল অৰণ্য ৰোদন

বোকাখাতৰ শিক্ষয়ত্ৰী শিখামণি গগৈৰ এখন শিশু উপন্যাস অৰণ্য ৰোদন কালি আনুষ্ঠানিকভাৱে বোকাখাতত উন্মোচন হয় ৷বোকাখাত বিবাহ ভৱনত আয়োজিত উন্মোচনী সভাত উপন্যাস খন উন্মোচন কৰে বোকাখাত জে ডি এছ জি মহাবিদ্যালয়ৰ প্ৰৱক্তা ড৹ ৰুবী বৰাই ৷

বোকাখাতৰ জেষ্ঠ সাংবাদিক বুবুল দত্তই আঁত ধৰা এই অনুষ্ঠানত বোকাখাত পুৱতি সাহিত্য সভাৰ সভাপতি অপুৰ্ব বৰদলৈ, অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱা, বোকাখাত প্ৰেছ ক্লাবৰ সভাপতি ভৱানন্দ কলিতা, বিশিষ্ট কবি অজিত গগৈ, মনালিচা শইকীয়া আৰু ড৹ অৰুণ বৰাৰ লগতে বোকাখাতৰ বিশিষ্ট লোক উপস্থিত থাকে ৷উল্লেখ্য যে কাজিৰঙাৰ গঁড়কলৈ ৰচনা কৰা শিশু উপযোগী এই উপন্যাস খন ক’ভিড -১৯ৰ সংক্ৰমণ কালৰ লক ডাউনৰ সময়ত ফেচবুকৰ পাতত ধাৰাবাহিক ভাৱে প্ৰকাশ পাইছিল৷

অসমীয়া ছবি ব্ৰীজে লাভ কৰিলে আন্ত:ৰাষ্ট্ৰীয় সন্মান

অসমীয়া ছবিজগতলৈ সুখবৰ।গোৱাত অনুষ্ঠিত হোৱা আন্ত:ৰাষ্ট্ৰীয় চলচিত্ৰ মহোৎসৱত জুৰীৰ বিশেষ সন্মান লাভ কৰিছে এখন অসমীয়া ছবিয়ে।ছবি খনৰ নাম ব্ৰীজ।এই ব্ৰীজ নামৰ ছবিখন পৰিচালনা কৰিছে কৃপাল কলিতাই।উল্লেখযোগ্য যে ব্ৰীজে জুৰীৰ বিশেষ সন্মানো লাভ কৰিবলৈ সক্ষম হৈছে।