গুৱাহাটীত প্ৰথমবাৰৰ বাবে ৰাষ্ট্ৰীয় পৰ্য্যায়ত অনুষ্ঠিত হ’ব তৃতীয় গুৱাহাটী আন্তৰাষ্ট্ৰীয় চলচিত্ৰ মহোৎসৱ। এই সম্পৰ্কে অনুষ্ঠিত কৰা সংবাদ মেলত সাংস্কৃতিক পৰিক্ৰমা বিভাগৰ মন্ত্ৰী নৱ কুমাৰ দলে কয় যে ৰাষ্ট্ৰীয় পৰ্য্যায়ৰ এই মহোৎসৱখনত প্ৰায় ৬৫ খন দেশৰ ১০০ খন চলচিত্ৰ প্ৰদৰ্শিত হ’ব। ৩১ অক্টোবৰৰ পৰা ৬ নৱেম্বৰলৈকে অনুষ্ঠিত হ’ব লগা চলচিত্ৰ মহোৎসৱখন কলাক্ষেত্ৰ আৰু জ্যোতি চিত্ৰবনৰ প্ৰেক্ষাগৃহত অনুষ্ঠিত হ’ব। ১২ খন দেশৰ ৰাষ্ট্ৰদূতে অংশ গ্ৰহণ কৰিব। এইবাৰৰ চলচিত্ৰ মহোৎসৱৰ কাণ্টি অফ ফ’কাচ হিচাপে ইৰাণ দেশৰ চলচিত্ৰ থাকিব। ইউৰোপীয়া চলচিত্ৰ নিৰ্মিতা পোলোণ্ডৰ খ্ৰীষ্টফ জানুচীয়ে অংশ গ্ৰহণ কৰিব। চলচিত্ৰ মহোৎসৱৰ প্ৰতিযোগিতাত এইবাৰ ভাৰত, বাংলাদেশ, ছাৰ্বিয়াৰ তিনিজন পৰিচালক উপস্থিত থাকিব।আনহাতে বিশিষ্ট শিক্ষাবিদ টাবুৰাম টাইদৰ স্মৃতিত স্মৃতিসৌধ নিৰ্মাণ হ’ব।স্মৃতিসৌধ লগত সংলগ্ন কৰি দৃশ্য শ্ৰাব্য পুথিভঁৰাল আৰু সংগ্ৰহালয় নিৰ্মাণ কৰিব ।এই মন্তব্য সাংস্কৃতিক পৰিক্ৰমা মন্ত্ৰী নৱ কুমাৰ দলেৰ ।
গুৱাহাটীত উপস্থিত হ’ল নিৰ্বাচন আয়োগৰ দল
সমাগত ২০২১ চনৰ বিধানসভা নির্বাচন৷ৰাজ্যত ইতিমধ্যে নিৰ্বাচনৰ প্ৰৰস্তুতি আৰম্ভ হৈছে।ইয়াৰ সমান্তৰালভাৱে নির্বাচন যাতে সুকলমে আৰু শান্তিপূর্ণভাৱে সৰ্মাপন হয় তাৰ বাবে দেশৰ নির্বাচন আয়োগে যাৱতীয় প্রস্তুতি অব্যাহত ৰাখিছে৷ শেহতীয়াকৈ নির্বাচন আয়োগৰ এটা উচ্চস্তৰীয় দলে অসমত উপস্থিত হৈ নির্বাচনৰ প্রাৰম্ভিক প্রস্তুতিৰ বিভিন্ন দিশৰ বুজ লৈছিল৷ ইয়াৰ পাছতেই আজি তিনিদিনীয়া ভ্রমণসূচীৰে গুৱাহাটীত উপস্থিত হয় মুখ্য নির্বাচন আয়ুক্ত সুনীল আৰোৰাৰ নেতৃত্বত সম্পূর্ণ আয়োগ৷ মুখ্য নির্বাচন আয়ুক্ত আৰোৰাৰ সৈতে দুই নির্বাচন আয়ুক্ত সুশীল চন্দ্র আৰু ৰাজীৱ কুমাৰ।
ৰাজ্য চৰকাৰৰ নির্বাচন বিভাগৰ এক সূত্রই জানিবলৈ দিয়া মতে নির্বাচন আয়োগে তিনিদিনীয়া ভ্রমণসূচীৰে অসমত থকাৰ সময়ছোৱাত গুৱাহাটীৰ হোটেল ৰেডিছন ব্লু’ত নির্বাচনৰ প্রস্তুতি সন্দর্ভত মুখ্য সচিব, অসম আৰক্ষীৰ সঞ্চালকপ্রধান, মুখ্য নির্বাচনী বিষয়া, জিলা উপায়ুক্ত অথবা নির্বাচনী বিষয়া, আৰক্ষী অধীক্ষককে ধৰি সংশ্লিষ্ট বিষয়া লগত গুৰুত্বপূর্ণ আলোচনাত অংশগ্রহণ কৰিব৷
ভিউৱাছৰ মতামত