ভাৰত চৰকাৰৰ অসামৰিক বিমান পৰিবহন মন্ত্ৰালয়ে উত্তৰ পূৱৰ ৰাজ্যসমূহৰ মাজত উড়ান আঁচনিৰ অধীনত বায়ু যাতায়ত ব্যৱস্থা উন্নত কৰাৰ লক্ষ্যৰে কেতবোৰ পদক্ষেপ গ্ৰহণ কৰিছে।এই পদক্ষেপৰ অংশ হিচাপে শনিবাৰৰ পৰা গুৱাহাটী-ডিমাপুৰ-ইম্ফলৰ মাজত এলায়েঞ্চ এয়াৰৰ বিমান সেৱা আৰম্ভ কৰা হৈছে।শনিবাৰে ডিমাপুৰ বিমান বন্দৰত এই বিমান সেৱা উদ্বোধন কৰে নাগালেণ্ড চৰকাৰৰ পৰিবহন আৰু অসামৰিক মন্ত্ৰী পাইৱাং কন্যাকে।অনুষ্ঠানত ভাৰতীয় বিমান বন্দৰ প্ৰাধিকৰণৰ উত্তৰ-পূৱ মণ্ডলৰ মহাপ্ৰৱন্ধক কৌশল কুমাৰ,ডিমাপুৰ বিমান বন্দৰৰ সঞ্চালক এম জিম্বো,এলায়েঞ্চ এয়াৰৰ মুখ্য কাৰ্যবাহী বিষয়াকে ধৰি কেইবাগৰাকী বিষয়া উপস্থিত থাকে।উল্লেখ্য সপ্তাহত তিনিদিন ক্ৰমে বুধবাৰ,শুকুৰবাৰ আৰু দেওবাৰে চলাচল কৰিবলগীয়া ৭০ খন আসনযুক্ত এলায়েঞ্চ এয়াৰৰ বিমানখন তিনিদিনতে পুৱা ৮ বজাত বৰঝাৰস্থিত লোকপ্ৰিয় গোপীনাথ বৰদলৈ আন্তর্জাতিক বিমান বন্দৰৰ পৰা ডিমাপুৰলৈ যাত্ৰা কৰিব আৰু ৮.৫৫ বজাত গৈ ডিমাপুৰ পাব।তেনেদৰে ডিমাপুৰৰ পৰা পুৱা ৯.২০ বজাত ইম্ফললৈ যাত্ৰা কৰিব আৰু ১০.১০ বজাত গৈ ইম্ফল পাব।তেনেদৰে ইম্ফলৰ পৰা ১০.৩৫ বজাত যাত্ৰা কৰা বিমানখন আহি ১১.২৫ বজাত আহি ডিমাপুৰ পাব আৰু ডিমাপুৰৰ পৰা ১১.৫০ বজাত গুৱাহাটী অভিমুখে যাত্ৰা কৰি দুপৰীয়া ১২.৪৫ বজাত আহি বৰঝাৰ বিমান বন্দৰত অৱতৰণ কৰিব।বিমান ভাড়া ১৮০০ টকাৰ পৰা ১৯০০ টকাৰ ভিতৰত হ’ব বুলি এলায়েঞ্চ এয়াৰৰ বিষয়াই জানিবলৈ দিয়ে।
Trending
- আজিৰে পৰা অসম সহ উত্তৰ-পূৰ্ব্বাঞ্চল অভিমুখে যাত্ৰা কৰিব ভাৰত গৌৰৱ ৰেল
- গুৱাহাটী প্ৰেছ ক্লাবৰ সোণালী জয়ন্তী বৰ্ষ উদযাপন অনুষ্ঠানত জনসংযোগ মন্ত্ৰী পীযুষ হাজৰীকা, সংবাদ মাধ্যমক অধিক দায়বদ্ধতাৰে কাম কৰি যাবলৈ আহ্বান
- VPP organises Rally of Gratitude
- দীপৰ বিল সংৰক্ষণৰ বাবে উচ্চতম ন্যায়ালয়ৰ হস্তক্ষেপ বিচাৰিছে ৩পৰিবেশ কৰ্মীয়ে
- First Meghalaya International Film Festival Drew it’s Curtain on an Encouraging Note
- গুৱাহাটী প্ৰেছ ক্লাৱৰ সোণালী জয়ন্তী অনুষ্ঠান আয়োজন
- মিৰ্জাৰ উইজডম পাব্লিক স্কুলৰ বছৰেকীয়া সাংস্কৃতিক অনুষ্ঠান সম্পন্ন
- মিডিয়া ক্রিকেটৰ ফাইনেলত গুৱাহাটী প্ৰেছ ক্লাব
- Minister Jayanta Mallabaruah attends an Interactive Session with Goshalas & Dugdha Utpadok Samabai Samiti on the implementation of GOBARDHAN scheme
- জনতাই জনাৰ্দন,নৰৰূপী নাৰায়ণৰ সেৱাত বিজেপি- ভৱেশ কলিতা