মনত উৎসাহ, ধৈৰ্য্য থাকিলে অসম্ভৱ যেন লগা কামো সম্ভৱপৰ হৈ উঠে। ধৈৰ্য্য আৰু একাগ্ৰতাৰ বলত কোনো কাৰিকৰী জ্ঞান নোহোৱাকৈ এজন উদ্যমীয়ে প্ৰস্তুত কৰি উলিয়াইছে কেবাটাও মেচিন। কোনো যন্ত্রৰ আৰ্হি পালে প্ৰস্তুত কৰিব পাৰে একো একোটা মেচিন। এই বিৰল প্ৰতিভাৰ গৰাকী হ’ল ভবানন্দ দেউৰী। সেয়েহে চ’চিয়েল মেডিয়াত ভবানন্দ দেউৰীৰ বিষয়ে ব্যাপক ভাবে চৰ্চিত হৈছে। উল্লেখযোগ্য যে ভবানন্দ দেউৰীয়ে অতি কম খৰছত অনায়াসে কোনো খেতিয়কে ব্যৱহাৰ কৰিব পৰা খেতিৰ উপযোগী যন্ত্র প্ৰস্তুত কৰি উলিয়াইছে। ইয়াৰ ভিতৰত ধান খুন্দা যন্ত্র, ঘাঁহ নিৰনি কৰা যন্ত্র অন্যতম। আচলতে সুলভ মুল্যত যন্ত্র সমূহ বিক্ৰী কৰাৰ বাবে দিনে দিনে জনপ্ৰিয়তা বৃদ্ধি পাইছে। এই সম্পৰ্কে ভবানন্দ দেউৰীয়ে এন ই ফ’কাচ ডট কমৰ আগত এনেদৰে কয়.. এই যে যন্ত্র সমূহ প্ৰস্তুত কৰা দেখিছে। ইয়াৰ অন্তৰালত একোটা কাহিনী আছে। আগতে অধিক দাম দি এই একে যন্ত্রকে ক্ৰয় কৰিছিলো। মোৰ হাতত তেতিয়া বৰ বিশেষ পইচা নাছিল। মোৰ দৰে বহুত নিবনুৱাই সমস্যাত পৰিছিল। তেতিয়াই এনে ধৰণৰ মেচিন প্ৰস্তুত কৰাৰ বাবে পণ কৰিছিলো। যাৰ বাবে পৰৱৰ্তী সময়ত গ্ৰাহকৰ চাহিদা অনুসৰি বিভিন্ন মেচিন প্ৰস্তুত কৰিবলৈ সক্ষম হ’লো। স্মতৰ্ব্য যে উচ্চ শিক্ষিত ভবানন্দ দেউৰীয়ে এসময়ত শিক্ষকতাৰ লগত জৰিত আছিল। তেখেতে এনে কৰ্মৰ জৰিয়তে সমাজত এক নতুন দিগন্ত সুচনা কৰিবলৈ সক্ষম হৈছে।
Trending
- ৮৬সংখ্যক ৰামপুৰ আঞ্চলিক ৰাস মহোৎসৱৰ কাৰ্যালয় মুকলি
- নৰ্থ ইষ্ট ইউনাইটেড এফ চিৰ শ্বিলঙত একাডেমী প্ৰতিষ্ঠা হ’ব
- বিদ্যালয় শিক্ষা বিভাগ আৰু উচ্চ শিক্ষা বিভাগৰ উদ্যোগত উচ্চ শিক্ষাৰ অনুষ্ঠান সমূহত Digital Initiatives and Entrepreneurship Development Cell শীৰ্ষক এদিনীয়া কৰ্মশালা অনুষ্ঠিত
- মিচিং স্বায়ত্ব শাসিত পৰিষদৰ অধ্যক্ষ সুনীল পেগুৰ ৪ আঁচনিৰ আধাৰশিলা
- শিল্পী জয়ন্ত হাজৰিকাৰ শ্ৰদ্ধাঞ্জলি অনুষ্ঠান অনুষ্ঠিত
- এ ই চি ন্যাসৰ অভিনৱ পদক্ষেপ
- গুৱাহাটীত ‘অমৃত কলহ যাত্ৰা’ৰ ৰূপায়ন সন্দৰ্ভত আলোচনা-২০ ছেপ্টেম্বৰৰ পৰা ঘৰে ঘৰে গৈ সংগ্ৰহ কৰা হ’ব মাটি
- টপচেম চিমেন্ট আৰু গুৱাহাটী স্কুটাৰ এণ্ড মটৰ চাইকেল গেৰাজ অ’নাৰ্ছ এচোছিয়েশ্যনে আয়োজন কৰিছে বিশ্বকৰ্মা আইডল বিসৰ্জন অভিযান-২০২৩
- মধ্যপ্ৰদেশ জনজাতীয় সংগ্ৰহালয়- ভূপালত “ৰাষ্ট্ৰীয় পুতলা নাচ সমাৰোহ”ত বিনীতা দেৱীৰ পৰিচালনাত “তেজীমলা” আৰু ৰাৱণ বধৰ সফল মঞ্চায়ন
- Minister Jayanta Mallabaruah ceremonially launched the State SCVT Management Information System (MIS) Portal for ITIs in Assam