আজাৰা গাঁও পঞ্চায়ত এলেকাত ৰাজহুৱা শৌচাগাৰ আৰু সামূহিক গৃহ উদ্ধোধন

0 217

পশ্চিম গুৱাহাটীৰ ৰাণী উন্নয়ন খণ্ডৰ আজাৰা গাঁও পঞ্চায়তৰ অধীনত কেন্দ্ৰীয় আঁচনিৰ অনুদানৰে পঞ্চায়ত এলেকাত পঞ্চায়ত সভানেত্ৰী কবিতা বড়ো ৰংপীৰ তৎপৰতাত ৰাইজৰ সুবিধাৰ বাবে ৰাজহুৱা শৌচাগাৰ আৰু সভা – সমিতি বা ৰাজহুৱা কাম- কাজৰ বিয়য়ে আলোচনা কৰাৰ বাবে ঠায়ে ঠায়ে সামূহিক গৃহ নিৰ্মাণ কৰি অহা হৈছে । তেনেদৰে নিৰ্মাণ কৰা দুটা শৌচাগাৰ আৰু দুটা সামূহিক গৃহ ১০ আগষ্টত ৰাইজৰ ব্যৱহাৰৰ বাবে উদ্ধোধন কৰা হয় । ৬ লাখ টকা ব্যয়ৰে ৰাজহুৱা শৌচাগাৰ দুটা নিৰ্মাণ কৰা হৈছে দীপৰ বিলৰ পাৰৰ ঐতিহাসিক শ্ৰী শ্ৰীভাঙাৰা গোহাঁই শিৱ মন্দিৰ আৰু দেউছটাল নবজ্যোতি সংঘৰ চৌহদত । তেনেদৰে ২০ লাখ টকা ব্যয়ৰে সামূহিক গৃহৰ এটা দেউছটালত আৰু আনটো আজাৰাৰ ওজাপাৰাত নিৰ্মাণ কৰা হৈছে ।আনহাতে শৌচাগাৰ আৰু সামূহিক গৃহ কেইটা উদ্ধোধন কৰে আজাৰা গাঁও পঞ্চায়তৰ সভানেত্ৰী কবিতা বড়ো ৰংপীয়ে ।এই উপলক্ষে অনুষ্ঠিত অনুষ্ঠানত আজাৰা গাঁও পঞ্চায়তৰ সদস্য হীৰেণ ইংতি, উমেশ দাস , পংকজ দাস ,এক্ৰিটডেড অভিযন্তা গণেশ দাস , কনিষ্ঠ অভিযন্তা মণিকা ৰাজকোঁৱৰ , সচিব মৃদুল কুমাৰ দাস ,তীৰ্থ মেধিকে ধৰি কেবাজনো বিশিষ্ট লোক ,সমাজকর্মী উপস্থিত থাকে ।

Leave A Reply

Your email address will not be published.