উপৰহালীত অৱসৰপ্ৰাপ্ত শিক্ষকক সম্বৰ্ধনা-মুখ্যমন্ত্ৰীৰ শুভেচ্ছা মূলক পত্ৰ প্ৰদান

0 182

কামৰূপ জিলাৰ ৰামপুৰ শিক্ষা খণ্ডৰ অন্তৰ্গত বিৰোগাঁও মজলীয়া বিদ্যালয়ৰ অৱসৰী প্ৰধান শিক্ষক,ৰাজ্যিক শিক্ষকৰ বঁটা প্ৰাপ্ত তথা উপৰহালী নিবাসী পবিত্ৰ কুমাৰ তালুকদাৰক যোৱা ৫ ছেপ্তেম্বৰত শিক্ষক দিৱসৰ দিনা ৰামপুৰ শিক্ষা খণ্ডৰ তৰফৰ পৰা সম্বৰ্ধনা আৰু মুখ্যমন্ত্ৰীৰ শুভেচ্ছা মূলক পত্ৰ প্ৰদান কৰে। তালুকদাৰৰ উৰহালীস্থিত নিজা বাসগৃহত ৰামপুৰ শিক্ষা খণ্ডৰ শিক্ষা বিষয়া ৰুবী ভাৰতী, মুখ্য এম.আই.এচ বিষয়া অংকুৰ তালুকদাৰ, গাণণিক বিষয়াসহ চাৰিজন লোক উপস্থিত হৈ পবিত্ৰ কুমাৰ তালুকদাৰক এখন ফুলাম গামোচা আৰু মুখ্যমন্ত্ৰী ড০ হিমন্ত বিশ্ব শৰ্মাৰ স্বাক্ষৰিত এখন শুভেচ্ছা মূলক পত্ৰ প্ৰদান কৰে। উল্লেখ্য যে, পবিত্ৰ কুমাৰ তালুকদাৰে অসমৰ শিক্ষা জগতত সুদীর্ঘকাল জড়িত হৈ থকা সময়ছোৱাত আগবঢ়োৱা অৱদানৰ বাবে বিগত ২০১৬ চনত ৰাষ্ট্ৰীয় হিন্দী প্ৰচাৰক সন্মানীয় বঁটা, ২০১৭ চনত জিলা পৰ্যায়ৰ শিক্ষক বঁটা আৰু ২০১৯ চনত ৰাজ্যিক শিক্ষক বঁটাৰে সন্মানিত হৈছিল। বৰ্তমান অৱসৰ গ্ৰহণ কৰিছে যদিও অঞ্চলটোৰ বিভিন্ন অনুষ্ঠান-প্ৰতিষ্ঠানৰ সৈতে জড়িত থাকি নিষ্ঠা সহকাৰে সেৱা আগবঢ়াই আহিছে।

Leave A Reply

Your email address will not be published.