মহাৰাষ্ট্ৰৰ অন্যতম ব্যস্ত চহৰ পুণেৰ সৈতে ১৫ ডিচেম্বৰৰ পৰা গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তৰ্জাতিক বিমানবন্দৰৰ মাজত পোনপটীয়া বিমান সেৱা আৰম্ভ কৰিছে বিমান সেৱা প্ৰদানকাৰী সংস্থা ইণ্ডিগ’ৱে । উল্লেখযোগ্য যে লোকপ্ৰিয় গোপীনাথ বৰদলৈ আন্তৰ্জাতিক বিমানবন্দৰৰ পৰা দৈনিক নিশা ১০.৪০ বজাত পুণে অভিমুখে উৰা মৰা বিমানখন মাজনিশাৰ পাছত ২.১৫ বজাত গৈ পুণে বিমান বন্দৰত অৱতৰণ কৰিব । তেনেদৰে পুণেৰ পৰা দৈনিক মাজনিশা ২.৫০ বজাত বৰঝাৰ অভিমুখে উৰা মৰা বিমানখন পুৱা ৬.০৫ বজাত আহি বৰঝাৰ পাব।আনহাতে ১৫ ডিচেম্বৰৰ নিশা এই উপলক্ষে বৰঝাৰ বিমান বন্দৰত আয়োজিত অনুষ্ঠানত নতুন দিল্লীৰ পৰা মুখ্য অতিথি হিচাপে ভাগ লৈ ভাৰ্চুৱেলযোগে বিমান সেৱাৰ শুভাৰম্ভ কৰে ভাৰত চৰকাৰৰ অসামৰিক বিমান পৰিবহণ মন্ত্ৰী জ্যোতিৰাদিত্য সিন্ধিয়াই।তেনেদৰে বৰঝাৰ বিমান বন্দৰত নিশা বন্তি প্ৰজ্বলনৰে গুৱাহাটী – পুণেৰ মাজত বিমান সেৱাৰ শুভাৰম্ভ কৰে অসম চৰকাৰৰ দক্ষতা বিকাশ , পৰিবহণ , উদ্যোগ আৰু বাণিজ্য বিভাগৰ মন্ত্ৰী চন্দ্ৰমোহন পাটোৱাৰীয়ে।চমু ভাষণত মন্ত্ৰী চন্দ্ৰমোহন পাটোৱাৰীয়ে এই পোনপটীয়া বিমান সেৱাৰ দ্বাৰা পুণেত অধ্যয়নৰত হাজাৰ হাজাৰ ছাত্ৰ – ছাত্ৰী উপকৃত হব বুলি আশা ব্যক্ত কৰে । অনুষ্ঠানত ইণ্ডিগ’ৰ মুখ্য ৰাজহ বিষয়া সঞ্জয় কুমাৰে ভাষণত গুৱাহাটীৰ উপৰিও অসমৰ ডিব্ৰুগড় , শিলচৰ আৰু যোৰহাটৰ সৈতে দেশৰ অন্য প্ৰান্তৰ পৰা সপ্তাহত প্ৰায় ৫০০ তকৈ অধিক বিমান পৰিচালনা কৰি আহিছে বুলি সদৰি কৰে।
Trending
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ
- নুন মাটি অঞ্চলৰ আর্থিকভাৱে পিছপৰা ৫০জন অনাথ শিক্ষাৰ্থীৰ মাজত শিক্ষণ সামগ্ৰী আৰু খাদ্য সামগ্ৰী প্ৰদান
- বি এছ এফৰ গুৱাহাটী ফ্ৰন্টিয়াৰৰ মহা পৰিদৰ্শক হিচাপে সঞ্জয় গৌৰৰ দায়িত্বভাৰ গ্ৰহণ
- প্ৰথমবাৰৰ বাবে গৃহ নিৰ্মাণ আৰু নগৰ পৰিক্ৰমা বিভাগৰ সম্পূৰ্ণ ৱেবভিত্তিক আৰু কাগজবিহীন পৰ্যালোচনা মন্ত্ৰী অশোক সিংহলৰ
- আই এ এছ এছ টিৰ সঞ্চালক অধ্যাপক আশীষ কুমাৰ মুখাৰ্জীলৈ দুটাকৈ ৰাষ্ট্ৰীয় সন্মান