গুৱাহাটী উচ্চ ন্যায়ালয়ৰ উদ্যোগত ‘সংবিধান দিৱস’ পালন

0 98

গুৱাহাটী উচ্চ ন্যায়ালয়ে আজি গুৱাহাটী উচ্চ ন্যায়ালয় বাৰ এছ’চিয়েচন আৰু গুৱাহাটী উচ্চ ন্যায়ালয় অধিবক্তা সন্থাৰ সহযোগত ‘সংবিধান দিৱস’ উদযাপন কৰে৷ উচ্চ ন্যায়ালয়ৰ পুৰণি চৌহদত এই উপলক্ষে আয়োজিত অনুষ্ঠানত ন্যায়াধীশ মানস ৰঞ্জন পাঠক, ন্যায়াধীশ অজিত বৰঠাকুৰ, ন্যায়াধীশ মনীষ চৌধুৰী, ন্যায়াধীশ সঞ্জয় কুমাৰ মেধি, মিজোৰাম চৰকাৰৰ মহাধিবক্তা দিগন্ত দাস প্ৰমুখ্যে কেবাগৰাকী ন্যায়াধীশ, জ্যেষ্ঠ অধিবক্তা, ন্যায়ালয়ৰ বিষয়া আৰু বহুসংখ্যক অধিবক্তা উপস্থিত থাকে৷ ন্যায়াধীশ মানস ৰঞ্জন পাঠকে আদৰণি ভাষণত ভাৰতৰ সংবিধান প্ৰস্তুতৰ সমগ্ৰ প্ৰক্ৰিয়াৰ ব্যাখ্যা আগবঢ়ায়৷ ন্যায়াধীশ অজিত বৰঠাকুৰে ভাৰতৰ সংবিধানৰ প্ৰস্তাৱনা, মৌলিক অধিকাৰ, মৌলিক কৰ্তব্যৰ গুৰুত্বৰ বিস্তৃত ব্যাখ্যা কৰে৷ ন্যায়াধীশ সঞ্জয় কুমাৰ মেধিয়ে আজিৰ দিনটোৰ তাৎপৰ্য ব্যাখ্যা কৰি সংবিধানৰ নীতি-আদৰ্শ ৰক্ষা কৰাৰ সংকল্পৰ কথা দোহাৰে৷ মিজোৰাম চৰকাৰৰ মহাধিবক্তা দিগন্ত দাসে সংবিধানৰ প্ৰস্তুতি প্ৰক্ৰিয়া আৰু ইয়াৰ আদৰ্শ ৰক্ষাত ন্যায়পালিকাই লোৱা ভূমিকাৰ কথা উল্লেখ কৰে৷ ন্যায়াধীশ মনীষ চৌধুৰীয়ে শলাগৰ শৰাই আগবঢ়াই৷উল্লেখ্য যে,১৯৪৯ চনৰ আজিৰ দিনটোতে সংবিধান সভাত ভাৰতৰ সংবিধানখন গৃহীত হৈছিল আৰু ২০১৫ চনত ভাৰত চৰকাৰে এই দিনটো সংবিধান দিৱস হিচাপে পালনৰ সিদ্ধান্ত গ্ৰহণ কৰে৷

Leave A Reply

Your email address will not be published.