গুৱাহাটী উচ্চ ন্যায়ালয়ে আজি গুৱাহাটী উচ্চ ন্যায়ালয় বাৰ এছ’চিয়েচন আৰু গুৱাহাটী উচ্চ ন্যায়ালয় অধিবক্তা সন্থাৰ সহযোগত ‘সংবিধান দিৱস’ উদযাপন কৰে৷ উচ্চ ন্যায়ালয়ৰ পুৰণি চৌহদত এই উপলক্ষে আয়োজিত অনুষ্ঠানত ন্যায়াধীশ মানস ৰঞ্জন পাঠক, ন্যায়াধীশ অজিত বৰঠাকুৰ, ন্যায়াধীশ মনীষ চৌধুৰী, ন্যায়াধীশ সঞ্জয় কুমাৰ মেধি, মিজোৰাম চৰকাৰৰ মহাধিবক্তা দিগন্ত দাস প্ৰমুখ্যে কেবাগৰাকী ন্যায়াধীশ, জ্যেষ্ঠ অধিবক্তা, ন্যায়ালয়ৰ বিষয়া আৰু বহুসংখ্যক অধিবক্তা উপস্থিত থাকে৷ ন্যায়াধীশ মানস ৰঞ্জন পাঠকে আদৰণি ভাষণত ভাৰতৰ সংবিধান প্ৰস্তুতৰ সমগ্ৰ প্ৰক্ৰিয়াৰ ব্যাখ্যা আগবঢ়ায়৷ ন্যায়াধীশ অজিত বৰঠাকুৰে ভাৰতৰ সংবিধানৰ প্ৰস্তাৱনা, মৌলিক অধিকাৰ, মৌলিক কৰ্তব্যৰ গুৰুত্বৰ বিস্তৃত ব্যাখ্যা কৰে৷ ন্যায়াধীশ সঞ্জয় কুমাৰ মেধিয়ে আজিৰ দিনটোৰ তাৎপৰ্য ব্যাখ্যা কৰি সংবিধানৰ নীতি-আদৰ্শ ৰক্ষা কৰাৰ সংকল্পৰ কথা দোহাৰে৷ মিজোৰাম চৰকাৰৰ মহাধিবক্তা দিগন্ত দাসে সংবিধানৰ প্ৰস্তুতি প্ৰক্ৰিয়া আৰু ইয়াৰ আদৰ্শ ৰক্ষাত ন্যায়পালিকাই লোৱা ভূমিকাৰ কথা উল্লেখ কৰে৷ ন্যায়াধীশ মনীষ চৌধুৰীয়ে শলাগৰ শৰাই আগবঢ়াই৷উল্লেখ্য যে,১৯৪৯ চনৰ আজিৰ দিনটোতে সংবিধান সভাত ভাৰতৰ সংবিধানখন গৃহীত হৈছিল আৰু ২০১৫ চনত ভাৰত চৰকাৰে এই দিনটো সংবিধান দিৱস হিচাপে পালনৰ সিদ্ধান্ত গ্ৰহণ কৰে৷
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন