গুৱাহাটী বিশ্ববিদ্যালয়ে বছৰজোৰা মহাৰজত জয়ন্তীৰ উদযাপনৰ লগত সংগতি ৰাখি স্নাতকোত্তৰ ছাত্ৰ সন্থাৰ সহযোগত ৰাষ্ট্ৰীয় পৰ্যায়ৰ অন্ত: বিশ্ববিদ্যালয় তৰ্ক প্ৰতিযোগিতাৰ আয়োজন কৰে ।বিশ্ববিদ্যালয় সংগীতেৰে শুভাৰম্ভনী হোৱা অনুষ্ঠানটোত বন্তি প্ৰজ্জ্বলন কৰে গুৱাহাটী বিশ্ববিদ্যালয়ৰ উপাচাৰ্য প্ৰফেছৰ প্ৰতাপজ্যোতি সন্দিকৈয়ে কাৰ্যসূচী উদ্বোধন কৰি কয় যে: বিশ্ববিদ্যালয়খনৰ চলি থকা বছৰজোৰা মহাৰজত জয়ন্তী উদযাপনৰ অংশ হিচাপে বিশেষভাৱে বিশ্ববিদ্যালয়খনত ৰাষ্ট্ৰীয় পৰ্যায়ৰ তৰ্ক প্ৰতিযোগিতাৰ আয়োজন কৰাটো এক অতি আনন্দৰ কথা। অধ্যাপক সন্দিকৈয়ে আৰু কয় যে আমি বিশেষকৈ ছাত্ৰ সমাজৰ মাজত জলবায়ু পৰিৱৰ্তনৰ বিষয়টো উত্থাপন কৰিব লাগিব আৰু সকলোৱে ভাবিব লাগিব যে তেওঁলোক ব্যৱস্থাটোৰ এক অবিচ্ছেদ্য অংশ হিচাপে জলবায়ু সংকটৰ ওপৰত কাম কৰিব লাগিব। উক্ত অনুষ্ঠানত উপস্থিত থাকে বিশ্ববিদ্যালয়খনৰ পঞ্জীয়ক ডঃ হেমন্ত কুমাৰ নাথ ।প্ৰতিযোগিতাৰ অধ্যক্ষ হিচাপে উপস্থিত থাকে প্ৰদূষণ নিয়ন্ত্ৰণ ব’ৰ্ড, অসমৰ অধ্যক্ষ ডাঃ অৰূপ কুমাৰ মিশ্ৰ, বিচাৰক হিচাপে উপস্থিত থাকে দ্য আছাম ট্ৰিবিউনৰ কাৰ্যবাহী সম্পাদক শ্ৰী পি. জে বৰুৱা,বিশিষ্ট তৰ্কিক, সমাজসেৱী দিগন্ত বিশ্বশৰ্মা আৰু পাটনা আই. আই.টিৰ সহকাৰী অধ্যাপিকা ড০ মেঘনা দত্ত । ৰাষ্ট্ৰীয় পৰ্যায়ৰ তৰ্ক প্ৰতিযোগিতাত অসমৰ লগতে ৰাজ্যৰ বাহিৰৰ বিভিন্ন বিশ্ববিদ্যালয়ৰ ছাত্ৰ-ছাত্ৰীয়ে অংশগ্ৰহণ কৰে। গুৱাহাটী বিশ্ববিদ্যালয়ৰ কস্তুৰী চুতীয়াক শ্ৰেষ্ঠ তাৰ্কিক, গুৱাহাটী চিকিৎসা মহাবিদ্যালয়ৰ অৰ্চিতা কাশ্যপ আৰু কটন বিশ্ববিদ্যালয়ৰ ত্ৰিদিব ভগবতী ক্ৰমে ১ম ৰানাৰ্ছ আপ আৰু ২য় ৰানাৰ্ছ আপ হিচাপে ঘোষণা কৰে। গৌহাটী বিশ্ববিদ্যালয়ৰ আশীষ বৰুৱা আৰু কস্তুৰী চুতীয়াক শ্ৰেষ্ঠ দল, কটন বিশ্ববিদ্যালয়ৰ ত্ৰিদিব ভগবাতি আৰু সুদৰ্শন শৰ্মাক ১ম ৰানাৰ্ছ আপ, নীলাঞ্জনা পৰাশৰ আৰু অসম ৰয়েল গ্ল’বেল ইউনিভাৰ্চিটিৰ নিস্কামানা অচমীয়াক ২য় ৰানাৰ্ছ আপ হিচাপে ঘোষণা কৰা হয়। অনুষ্ঠানৰ শেষত শলাগৰ শৰাই আগবঢ়ায় গুৱাহাটী বিশ্ববিদ্যালয়ৰ ছাত্রকল্যাণ সঞ্চালক তথা এন এছ এছৰ কাৰ্য্যসূচী সমন্বয়ক ডঃ ৰঞ্জন কুমাৰ কাকতিয়ে ।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন