বকেয়াসহ কৰ অনাদায়ী বাহনৰ বিৰুদ্ধে গুৱাহাটী মহানগৰীত ৫ ফেব্ৰুৱাৰীৰ পঞ্চমদিনাও চলে জোৰদাৰ অভিযান । সহকাৰী পৰিবহণ আয়ুক্ত তথা অতিৰিক্ত দায়িত্ববাহী কামৰূপ মহানগৰ জিলা পৰিবহণ বিষয়া গৌতম দাসৰ তত্বাবধানত বিভাগৰ উচ্চপদস্থ বিষয়াৰ দলে আজি মহানগৰীৰ লালমাটিৰ গেম ভিলেজ, পশ্চিম মালিগাঁও আৰু ৰিহাবাৰীৰ বহু গুৰুত্বপূৰ্ণ অঞ্চলত অভিযান চলাই তন্ন তন্নকৈ যানবাহনৰ নথিপত্ৰ পৰীক্ষা কৰে । অভিযানৰ সময়চোৱাত কৰ অনাদায়ী ব্যক্তিগত মালিকানাধীন যান-বাহনৰ লগতে বিভিন্ন নিৰ্মাণকাৰী সংস্থা আৰু ব্যক্তিগত উদ্যোগ-প্ৰতিষ্ঠানত ৭২খনকৈ ডিমাণ্ড নটিছ প্ৰেৰণ কৰি শীঘ্ৰেই অনাদায়ী কৰ আদায়ৰ বাবে আহ্বান জনায়। উল্লেখ্য যে ৫ ফেব্ৰুৱাৰীত বিভাগৰ কাৰ্যালয়ত ৩০ লাখ টকাৰ কৰ সংগ্ৰহ কৰা হয়। সহকাৰী পৰিবহণ আয়ুক্ত গৌতম দাসে কয় যে, কৰ আদায় দিবলগীয়া মানে বিপদত পৰা নুবুজায়। প্ৰতিগৰাকী যানবাহনৰ মালিকেই কৰ আদায় দি দেশ তথা ৰাজ্যৰ উন্নয়নলৈ সহযোগিতা আগবঢ়াই আহিছে আৰু এই কথা চৰকাৰীভাৱেও স্বীকৃত । সেয়ে সময়মতে কৰ আদায় দি গৌৰৱবোধ কৰাৰ উপৰি নিজকে এগৰাকী দায়িত্বশীল নাগৰিকৰ পৰিচয় দিয়া উচিত । উল্লেখ্য যে যাৱতীয় কৰ সংগ্ৰহ অভিযানৰ সময়চোৱাত মহানগৰখনত পদচাৰীৰ লগতে সকলো যানবাহন ব্যৱহাৰকাৰীয়ে যাতে পথ সুৰক্ষাৰ নীতি নিৰ্দেশনা মানি চলে তাৰ প্ৰতি লক্ষ্য ৰাখি কাইলৈ গুৱাহাটী চিকিৎসা মহাবিদ্যালয়ৰ কনিষ্ঠ চিকিৎসক সন্থাৰ সহযোগত আৰু পৰিবহণ বিভাগৰ উদ্যোগত চিকিৎসা মহাবিদ্যালয় চৌহদত এটি পথ-সুৰক্ষা সজাগতা অনুষ্ঠানৰো আয়োজন কৰা বুলি পৰিবহণ বিষয়াগৰাকীয়ে উল্লেখ কৰে ।
Trending
- এয়াৰটেলৰ গ্ৰাহকৰ বাবে বিশেষ সুবিধা
- সাংসদ গৌৰৱ গগৈৰ দাবীৰ প্ৰতি সঁহাৰি ৰেলৱে বোৰ্ডৰ -ডুমডুমা ৰেলৱে ষ্টেচন পুনৰ মুকলি কৰি যাত্ৰী সংৰক্ষণ ব্যৱস্থা(passenger reservation system) স্থাপনৰ দাবীক মান্যতা
- সদৌ অসম সাংবাদিক সন্থা(আজু)ৰ নগাঁও জিলা সমিতিৰ জিলা আয়ুক্ত দেৱাশীষ শৰ্মাক সম্বৰ্ধনা
- তামুলপুৰত লোন মেলা সম্পন্ন
- মালিগাঁৱত ৰে’লৱেৰ এছচি আৰু এছ টি এম্পলয়িজ এছ’চিয়েচনৰ গ্ৰীষ্মকালীন শিবিৰৰ সামৰণি
- মিডিয়া এছ’চিয়েছন, অসমৰ উদ্যোগত মহীৰূহ সাংবাদিক কনকসেন ডেকাৰ ৯৩ সংখ্যক জন্ম জয়ন্তী পালন
- ডং বান্ধ সন্দৰ্ভত মন্ত্ৰী অশোক সিংহলৰ গুৰুত্বপূর্ণ সভা-ডাঃ ৰবি বড়ো অসামৰিক চিকিৎসালয়ত মন্ত্ৰী অশোক সিংহলৰ আকস্মিক পৰিদৰ্শন
- গুৱাহাটীত সপ্তাহজোৰা অসামৰিক প্ৰশিক্ষণ কাৰ্যসূচীৰ সামৰণি
- কাঁহিকুছিস্থিত গোলাপ বৰবৰা ৰাজ্যিক পঞ্চায়ত আৰু গ্ৰামোন্নয়ন প্ৰতিষ্ঠানত আয়োজিত পঞ্চায়তৰ সভাপতি সকলৰ প্ৰশিক্ষণ কাৰ্যসূচী মুকলি কৰিলে ৰাজ্য চৰকাৰ পঞ্চায়ত আৰু গ্ৰামোন্নয়ন আদি বিভাগৰ মন্ত্ৰী ৰণজিৎ কুমাৰ দাসে
- এইচ ডি এফ চি বেংক ‘পৰিৱৰ্তনে দক্ষতা বিকাশ আৰু জীৱিকা প্ৰসাৰ কাৰ্যসূচীৰ অধীনত ৭.২ লাখৰো অধিক যুৱক-যুৱতীক প্ৰশিক্ষণ প্রদান